POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 22 ມິຖຸນາ 2025

ກອງບັນຊາການທະຫານແຂວງຜົ້ງສາລີ ເຜີຍແຜ່, ເຊື່ອມຊຶມວຽກງານການເມືອງ-ແນວຄິດ ສຳລັບພະນັກງານສະມາຊິກພັກ ເພື່ອດຳເນີນຊີວິດການເມືອງໃນທົ່ວພັກ
ເວລາອອກຂ່າວ: 2025-05-20 08:52:26 | ຜູ້ຂຽນ : admin1 | ຈຳນວນຄົນເຂົ້າຊົມ: 1071 | ຄວາມນິຍົມ:

ວັນທີ 15 ພຶດສະພາ 2025 ນີ້, ກອງບັນຊາການທະຫານແຂວງຜົ້ງສາລີ ໄດ້ຈັດຕັ້ງເຜີຍແຜ່ເຊື່ອມຊຶມວຽກງານການເມືອງ-ແນວຄິດສຳລັບພະນັກງານສະ ມາຊິກພັກ ເພື່ອດຳເນີນຊີວິດການເມືອງໃນທົ່ວພັກ, ໂດຍການເປັນປະທານຂອງ ສະຫາຍ ປອ ໄຊນະຄອນ ອິນທະວົງ ຮອງເລຂາພັກແຂວງ, ຮອງເຈົ້າແຂວງ ແຂວງຜົ້ງສາລີ, ຜູ້ຊີ້ນຳວຽກງານພັກ-ພະນັກງານ, ຮອງປະທານ ປກຊ-ປກສ ແຂວງ, ມີ ສະຫາຍ ພັນເອກ ວິໄລ ແພງສົມເຮືອງ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງຜົ້ງສາລີ, ມີຄະນະປະຈຳພັກ-ຄະນະພັກ ກອງບັນຊາການທະຫານແຂວງ, ພະນັກງານວິຊາການຂັ້ນແຂວງ, ພະນັກງານສະມາຊິກພັກສົມບູນ-ສຳຮອງອົງການ 5 ຫ້ອງ ແລະ ກົມກອງອ້ອມຂ້າງເຂົ້າຮ່ວມ. ສະຫາຍ ນາງ ພອນສະຫວັນ ສັກຕິຄຸນ ຫົວໜ້າຄະນະໂຄສະນາອົມຮົມແຂວງ ໄດ້ເຜີຍແຜ່ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 10 ສະໄໝທີ XI ເພື່ອເຮັດໃຫ້ວຽກງານຈຸດສຸມທີ່ວາງໄວ້ໄດ້ຮັບການຈັດຕັ້ງປະຕິບັດ ແລະ ປະກົດຜົນເປັນຈິງ, ເປັນຕົ້ນແມ່ນການຕີລາຄາການຈັດຕັ້ງຜັນຂະຫຍາຍມະຕິກອງປະຊຸມຄົບຄະນະ ຄັ້ງທີ 9 ຂອງຄະນະບໍລິຫານງານພັກແຂວງ, ແຜນພັດທະນາເສດຖະກິດ-ສັງຄົມ, ແຜນງົບປະມານ ປະຈຳປີ 2024 ແລະ ທິດທາງ 2025 ຕິດພັນກັບການຕີລາຄາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂເສດຖະກິດການເງິນ, ສະເພາະວຽກງານ ປກຊ-ປກສ ຈະໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ມີີຄວາມຮັບຮູ້ເຂົ້າໃຈຕໍ່ມູນເຊື້ອຂອງພັກ, ຂອງກອງທັບ, ຕໍ່ລະບອບໃໝ່, ກໍ່ສ້າງ ແລະ ປັບປຸງສອງກຳລັງໃຫ້ມີຄວາມປອດໃສ ໜັກແໜ້ນ ເຂັ້ມແຂງ, ມີລະບຽບວິໄນ, ມີຄວາມຈົງຮັກພັກດີຕໍ່ພັກ, ມີຄວາມ ເຂັ້ມແຂງດ້ານວິຊາສະເພາະ, ຕິດພັນກັບວາລະແຫ່ງຊາດ ວ່າດ້ວຍການຕ້ານ ແລະ ສະກັດກັ້ນບັນຫາຢາເສບຕິດ, ເປັນເຈົ້າການປະສານສົມທົບກັບເພື່ອມິດຍຸດ ທະສາດ ແລະ ພາກສ່ວນທີ່ກ່ຽວຂ້ອງຮັກສາຄວາມສະຫງົບຕາມບໍລິເວນຊາຍແດນໃຫ້ມີຄວາມສະຫງົບ ແລະ ເປັນລະບຽບຮຽບຮ້ອຍ. ໃນກອງປະຊຸມ ສະຫາຍ ປອ ໄຊນະຄອນ ອິນທະວົງ ປະທານກອງປະຊຸມ ໄດ້ເຜີຍແຜ່ມະຕິ ວ່າດ້ວຍການປັບປຸງກົງຈັກການຈັດຕັ້ງ, ເຊິ່ງໄດ້ຍົກໃຫ້ເຫັນສະພາບລວມ, ເຫດຜົນ ແລະ ຄວາມຈຳເປັນຂອງການປັບປຸງກົງຈັກການຈັດຕັ້ງ, ເອກະສານສຶກສາອົບຮົມການເມືອງ-ແນວຄິດ 3 ບົດຄື: ຮ່ຳຮຽນເອົາແບບແຜນວິທີເຮັດວຽກ ແລະ ຄຸນສົມ ບັດສິນທຳປະຕິວັດຂອງ ປະທານ ໄກສອນ ພົມວິຫານ, ເຝິກຝົນຫຼໍ່ຫຼອມຄຸນທາດການເມືອງ, ຄຸນສົມບັດສິນທຳປະຕິວັດຂອງພະນັກງານ, ສະມາຊິກພັກໃນ ເງື່ອນໄຂປັດຈຸບັນ ແລະ ມາດຕະຖານຂອງພະນັກງານສະມາຊິກພັກໃນເງື່ອນໄຂໃໝ່. ໂດຍ: ທອງສຸກ ຈັນຖະໜອມ

news to day and hot news