POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 22 ມິຖຸນາ 2025

ຮອງຫົວໜ້າກົມໃຫຍ່ເຕັກນິກກອງທັບ ເຄື່ອນໄຫວຊຸກຍູ້ວຽກງານ ຢູ່ກອງບັນຊາການທະຫານແຂວງໄຊຍະບູລີ
ເວລາອອກຂ່າວ: 2025-05-19 12:35:06 | ຜູ້ຂຽນ : admin2 | ຈຳນວນຄົນເຂົ້າຊົມ: 1401 | ຄວາມນິຍົມ:

ໃນວັນທີ 16 ພຶດສະພາ 2025 ນີ້, ສະຫາຍ ພົນຈັດຕະວາ ຄຳແປງ ບົວລະບັດ ຮອງຫົວໜ້າກົມໃຫຍ່ເຕັກນິກກອງທັບ ພ້ອມດ້ວຍຄະນະ ໄດ້ເຄື່ອນໄຫວຊຸກຍູ້ວຽກງານ ຢູ່ກອງບັນຊາການທະຫານແຂວງໄຊຍະບູລີ ໂດຍການຕ້ອນຮັບ ຂອງສະຫາຍ ພັນເອກ ເພັດລະຄອນ ມະນີຈັນ ຫົວໜ້າຫ້ອງເຕັກນິກ ກອງບັນຊາການທະຫານແຂວງໄຊຍະບູລີ ພ້ອມດ້ວຍຄະນະພັກ-ຄະນະບັນຊາ, ພະແນກການ ແລະ ພາກສ່ວນກ່ຽວຂ້ອງ ເຂົ້າຮ່ວມ. ສະຫາຍ ພັນເອກ ເພັດລະຄອນ ມະນີຈັນ ໄດ້ລາຍງານສະພາບການເຄື່ອນໄຫວໃນການຈັດຕັ້ງປະຕິບັດວຽກງານເຕັກນິກໃນໄລຍະຜ່ານມາ ເຊິ່ງຄະນະພັກ-ຄະນະບັນຊາ ຫ້ອງເຕັກນິກ ໄດ້ເປັນເຈົ້າການໃນການນຳພາ-ຊີ້ນຳພະນັກງານວິຊາສະເພາະ ຢູ່ກົມກອງຂອງຕົນ ຢ່າງເປັນປົກກະຕິ ບົນພື້ນຖານປະຕິບັດຕາມ ມະຕິ ວ່າດ້ວຍ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ຄຸ້ມຄອງປົກປັກຮັກສາ, ບົວລະບັດຜັດເຊັດ ແລະ ນຳໃຊ້ພາຫະນະເຕັກນິກ, ອາວຸດ-ກະສຸນ ແລະ ວັດຖຸເຕັກນິກທີ່ໄດ້ປະກອບໃຫ້ ຖືກຕ້ອງຕາມລະບຽບຫຼັກການ, ຕາມຂໍ້ກຳນົດ ຂອງຂັ້ນເທິງວາງອອກ ເປັນຕົ້ນ ວຽກງານຄຸ້ມຄອງພາຫະນະ ໄດ້ເອົາໃຈໃສ່ຊີ້ນຳພະແນກການທີ່ກ່ຽວຂ້ອງ ໂດຍສະເພາະແມ່ນພະແນກຄຸ້ມຄອງລົດ, ພະແນກສ້ອມແປງ ແລະ ກອງຮ້ອຍສ້ອມແປງປະສົມ ເປັນເຈົ້າການໃນການຈັດຕັ້ງປະຕິບັດວຽກງານຄຸ້ມຄອງ, ປົກປັກຮັກສາ, ບົວລະບັດຜັດເຊັດພາຫະນະທີ່ຂັ້ນເທິງປະກອບໃຫ້ຢ່າງເປັນປົກກະຕິ. ນອກນັ້ນ, ຍັງໄດ້ຊີ້ນໍານັກຂັບຂີ່ ເອົາໃຈໃສ່ກວດກາພາຫະນະປະຈໍາວັນ, ກວດກາກ່ອນອອກໄປປະຕິບັດໜ້າທີ່ ແລະ ເວລາກັບມາ ແຕ່ກໍລະນີພາຫະນະມີການເປ່ເພ ໄດ້ລາຍງານຂໍທິດຊີ້ນຳຈາກກອງບັນຊາການທະຫານແຂວງ ອະນຸມັດສ້ອມແປງປ່ຽນຖ່າຍອາໄຫຼ່ໄດ້ທັນເວລາ ແນໃສ່ຮັບປະກັນໃຫ້ມີພາຫະນະນຳໃຊ້ໄດ້ເປັນປົກກະຕິ, ໄດ້ສ້າງຂໍ້ກຳນົດ ກ່ຽວກັບວຽກງານຄຸ້ມຄອງນຳໃຊ້, ການບົວລະບັດຜັດເຊັດ ແລະ ສ້ອມແປງ, ປ່ຽນຖ່າຍອາໄຫຼ່ ເພື່ອເປັນບ່ອນອີງໃຫ້ບັນດາກົມກອງຈັດຕັ້ງປະຕິບັດ. ສ່ວນວຽກງານຄຸ້ມຄອງອາວຸດ-ກະສຸນ ຄະນະພັກ-ຄະນະບັນຊາ ຫ້ອງເຕັກນິກ ໄດ້ເປັນເຈົ້າການຊີ້ນຳພະແນກການທີ່ກ່ຽວຂ້ອງ ເອົາໃຈໃສ່ຕິດຕາມກຳແໜ້ນສະພາບຈຳນວນອາວຸດ-ຍຸດໂທປະກອນທີ່ໄດ້ປະກອບໃຫ້ບັນດາກົມກອງທົ່ວກອງບັນຊາການທະຫານແຂວງ, ຊີ້ນຳພະນັກງານວິຊາສະເພາະ ສ້າງແຜນງົບປະມານຮັບປະກັນອາວຸດ-ກະສຸນ ແລະ ວັດຖຸເຕັກນິກໃຫ້ກົມກອງຖືກຕ້ອງຕາມລະບຽບຫຼັກການ ພ້ອມທັງ, ສະຫຼຸບລາຍງານໃຫ້ຂັ້ນເທິງຢ່າງເປັນປົກກະຕິ, ຊີ້ນຳບັນດາກົມກອງ ແລະ ພະນັກງານວິຊາສະເພາະຍຸດໂທແຕ່ລະກົມກອງເອົາໃຈໃສ່ປະຕິບັດລະບຽບການຄຸ້ມຄອງປົກປັກຮັກສາ, ການບົວລະບັດຜັດເຊັດ, ບຳລຸງຮັກສາ ແລະ ການນຳໃຊ້ອາວຸດ-ຍຸດໂທປະກອນໃຫ້ຖືກຕ້ອງຕາມຂໍ້ກຳນົດຂອງຂັ້ນເທິງ ເພື່ອຮັບປະກັນໃນການນຳໃຊ້ໃຫ້ມີຄຸນນະພາບ ແລະ ມີຄວາມປອດໄພ 100%. ຈາກນັ້ນ, ບັນດາຜູ້ເຂົ້າຮ່ວມ ຍັງໄດ້ປະກອບຄໍາຄິດເຫັນແລກ ປ່ຽນບົດຮຽນເຊິ່ງກັນ ແລະ ກັນ ພ້ອມທັງ, ສະເໜີການປະກອບ ກ່ຽວກັບວຽກງານເຕັກນິກ ທີ່ເປັນຈຳນວນໜຶ່ງ ຕື່ມອີກ. ໂອກາດດັ່ງກ່າວ, ສະຫາຍ ພົນຈັດຕະວາ ຄໍາແປງ ບົວລະບັດ ໄດ້ສະແດງຄວາມຍ້ອງຍໍຊົມເຊີຍຜົນງານ ທີ່ຄະນະພັກ-ຄະນະບັນຊາ, ພະນັກງານວິຊາສະເພາະໃນຫ້ອງເຕັກນິກ ກອງບັນຊາການທະຫານແຂວງໄຊຍະບູລີ ສ້າງໄດ້ໃນໄລຍະຜ່ານມາ, ພ້ອມທັງເນັ້ນໜັກໃຫ້ສືບຕໍ່ຍົກສູງວຽກງານການຊີ້ນຳບັນດາກົມກອງຢ່າງມີແບບແຜນ, ເອົາໃຈໃສ່ສຶກສາອົບຮົມການເມືອງ-ນຳພາແນວຄິດ, ຢຶດໝັ້ນຕາມຫຼັກການລວມສູນປະຊາທິປະໄຕ, ປົກປັກຮັກສາອາວຸດ-ຍຸດໂທປະກອນ ແລະ ພາຫະນະເຕັກນິກ ບໍ່ໃຫ້ຕົກເຮ່ຍເສຍຫາຍ, ຮັບປະກັນໃຫ້ໄດ້ຄຸນນະພາບ ນຳໃຊ້ໄດ້ໃນສະເພາະໜ້າ ແລະ ຍາວນານ. ໂດຍ: ສົມຈີນ

news to day and hot news