POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 20 ພຶດສະພາ 2025

ກອງຮ້ອຍ 102 ຮັບຝັງການເຜີຍແຜ່ຜົນສຳເລັດກອງປະຊຸມໃຫຍ່ ຄັ້ງທີ VI ອົງຄະນະພັກ ກອງບັນຊາການທະຫານແຂວງເຊກອງ
ເວລາອອກຂ່າວ: 2025-05-08 15:03:41 | ຜູ້ຂຽນ : admin2 | ຈຳນວນຄົນເຂົ້າຊົມ: 1449 | ຄວາມນິຍົມ:

ວັນທີ 6 ພຶດສະພາ 2025 ນີ້, ກອງຮ້ອຍ 102 ກອງບັນຊາການທະຫານແຂວງເຊກອງ ໄດ້ຮັບຟັງການເຜີຍແຜ່ຜົນສໍາເລັດກອງປະຊຸມໃຫຍ່ ຄັ້ງທີ VI ຂອງອົງຄະນະພັກກອງບັນຊາການທະຫານແຂວງ, ໂດຍການເປັນປະທານ ແລະ ເຜີຍແຜ່ ຂອງສະຫາຍ ພົນຈັດຕະວາ ທອງສີ ກຸນສະນະ ຄະນະປະຈໍາພັກແຂວງ, ເລຂາຄະນະພັກ, ຫົວໜ້າການທະຫານກອງບັນຊາການທະຫານແຂວງເຊກອງ, ມີບັນດາສະຫາຍຄະນະພັກ-ຄະນະບັນຊາ ພະນັກງານ-ນັກຮົບທົ່ວກອງຮ້ອຍ 102 ເຂົ້າຮ່ວມ. ກອງປະຊຸມໄດ້ຮັບຝັງການເຜີຍແຜ່ຜົນສໍາເລັດ ຂອງກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ຂອງອົງຄະນະພັກກອງບັນຊາການທະຫານແຂວງເຊກອງ, ຈາກນັ້ນ ສະຫາຍ ພົນຈັດຕະວາ ທອງສີ ກຸນສະນະ ໄດ້ກ່າວວ່າ: ເພື່ອເຮັດໃຫ້ມະຕິກອງ ປະຊຸມໃຫຍ່ຄັ້ງທີ VI ຂອງອົງຄະນະພັກກອງບັນຊາການທະຫານແຂວງ ໄດ້ຮັບການຈັດຕັ້ງຜັນຂະຫຍາຍ ແລະ ມີຜົນສຳເລັດຕົວຈິງ, ຮຽກຮ້ອງ ໃຫ້ບັນດາສະຫາຍຄະນະພັກ-ຄະນະບັນຊາ ນາຍ ແລະ ພົນທະຫານທົ່ວກອງຮ້ອຍ 102 ພ້ອມກັນເປັນເຈົ້າການ ໃນການເຊື່ອມຊຶມມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກກອງບັນຊາການທະຫານແຂວງ, ບົນພື້ນຖານໃຫ້ປະຕິບັດຕາມ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກ ໃຫ້ກາຍເປັນແຜນການລະອຽດຂອງກົມກອງ ແລະ ມີຜົນສໍາເລັດຕົວຈິງ, ພ້ອມກັນ ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຕິດພັນກັບວຽກງານ ກຽມພ້ອມສູ້ຮົບ, ປັບປຸງສະຖານທີ່ຄ້າຍຄູໃຫ້ສະອາດຈົບງາມ ສີຂຽວ ແລະ ສ້າງຂະບວນການຕ່າງໆເພື່ອຂໍ່ານັບຮັບຕ້ອນກອງປະຊຸມໃຫຍ່ຂອງອົງຄະນະພັກແຂວງເຊກອງທີ່ຈະມາເຖິງ ໃຫ້ເປັນຂະບວນຟົດຟື້ນ ແລະ ກວ້າງຂວາງ, ຍົກສູງແບບແຜນວິທີເຮັດວຽກ ຕາມຫຼັກການລວມສູນປະຊາທິປະໄຕຂອງພັກ, ຍົກ ສູງສະຕິຄວາມເປັນເຈົ້າການ, ຮູ້ ຈຳແນກມິດ ສັດຕູ ຢ່າງຈະແຈ້ງ ແນ່ໃສ່ສ້າງກົມກອງໃຫ້ມີລະບຽບວິໄນຢ່າງເຂັ້ມງວດ, ເປັນເຈົ້າການໃນການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ຫັນເອົາກຳລົງກໍ່ສ້າງຮາກຖານການເມືອງ ພັດທະນາຊົນນະບົດ ເປັນເຈົ້າການຕອບຕ້ານທຸກກົນ ອຸບາຍຫັນປ່ຽນໂດຍສັນຕິຂອງອິດທິກຳລັງປໍລະປັກ, ທັບມ້າງໜໍ່ແໜງ ທີ່ກໍ່ໃຫ້ເກີດຄວາມບໍ່ສະຫງົບ ເພື່ອເຮັດໃຫ້ສະພາບພາຍໃນຂອບເຂດທີ່ຕົນຮັບຜິດຊອບ ມີຄວາມສະຫງົບ, ສັງຄົມມີຄວາມເປັນລະບຽບຮຽບຮ້ອຍ, ໄປພ້ອມກັນນັ້ນເອົາໃຈໃສ່ປັບປຸງວຽກງານສຶກສາອົບຮົມການ ເມືອງ-ນຳພາແນວຄິດ ໃຫ້ພະນັກງານ ສະມາຊິກພັກ ແລະ ນັກຮົບ ໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ສືບຕໍ່ປັບປຸງກໍ່ສ້າງກຳລັງໃຫ້ມີຄວາມເຂັ້ມແຂງ, ໂດຍປະຕິບັດຕາມແນວທາງປ່ຽນແປງໃໝ່ຂອງພັກ, ພ້ອມກັນເຮັດສຳເລັດໜ້າທີ່ອັນມີກຽດ ທີ່ປະເທດຊາດແລະ ປະຊາຊົນມອບໝາຍໃຫ້. ໂດຍ: ມິຕິ ທ່ອນມະນີວັນ

news to day and hot news