POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 27 ເມສາ 2025

ກທອ ປິດການແຂ່ງຂັນນັກຮ້ອງສຽງດີ ຄັ້ງທີ III
ເວລາອອກຂ່າວ: 2025-03-21 10:54:37 | ຜູ້ຂຽນ : admin2 | ຈຳນວນຄົນເຂົ້າຊົມ: 843 | ຄວາມນິຍົມ:

ໃນວັນທີ 20 ມີນາ 2025 ນີ້, ກອງບັນຊາການທະຫານອາກາດ (ກທອ) ໄດ້ປິດການແຂ່ງຂັນນັກຮ້ອງສຽງດີ ຄັ້ງທີ III ເພື່ອຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ I ຂອງອົງຄະນະພັກ ກອງບັນຊາການທະຫານອາກາດ ແລະ 3 ວັນປະຫວັດສາດ ໂດຍການເປັນປະທານ ຂອງສະຫາຍ ພົນຈັດຕະວາ ທະນູກອນ ສຸລິຍະແສງ ຫົວໜ້າການເມືອງ ກອງບັນຊາການທະຫານອາກາດ, ມີຄະນະຫ້ອງ, ຄະນະພັກ ກອງພັນໃຫຍ່ 702-703 ແລະ ພະແນກການ ພ້ອມດ້ວຍບັນດານາຍ ແລະ ພົນທະຫານ ເຂົ້າຮ່ວມຮັບຊົມຢ່າງພ້ອມພຽງ. ການແຂ່ງຂັນໃນຄັ້ງນີ້, ເພື່ອເປັນການສ້າງຂະບວນການຂໍ່ານັບຮັບຕ້ອນບຸນປະຫວັດສາດຂອງພັກ, ຂອງຊາດ, ກອງທັບ ແລະ ສາກົນ ໂດຍສະເພາະແມ່ນກອງປະຊຸມໃຫຍ່ ຄັ້ງທີ I ຂອງອົງຄະນະພັກ ກອງບັນຊາການທະຫານອາກາດ ທັງເປັນຊຸກຍູ້ວຽກງານຂະບວນການຮອບດ້ານຂອງກົມກອງ, ສົ່ງເສີມພະນັກງານ-ນັກຮົບຜູ້ທີ່ມີພອນສະຫວັນມັກຮັກໃນການຮ້ອງເພັງ, ຂັບລໍາ ປະດິດຄິດແຕ່ງບົດເພງ, ບົດຂັບລໍາ ແລະ ກາບກອນອື່ນໆ ເພື່ອເປັນຕົວແທນໃຫ້ແກ່ກົມກອງເຂົ້າຮ່ວມການແຂ່ງຂັນກັບຂັ້ນເທິງຈັດຂຶ້ນ. ສໍາລັບການແຂ່ງຂັ້ນໃນຄັ້ງນີ້ ປະກອບມີ 5 ຫ້ອງເຂົ້າ ສະຫຼຸບໄດ້ວ່າ: ລາງວັນຊະນະເລີດ ໄດ້ແກ່ຫ້ອງການເມືອງ ກທອ ໄດ້ຮັບເງິນ 2.000.000 ກີບ ພ້ອມໃບຍ້ອງຍໍ, ຮອງຊະນະເລີດ ຫ້ອງການ ກທອ ໄດ້ຮັບເງິນ 1.500.000 ກີບ ພ້ອມໃບຍ້ອງຍໍ, ລາງວັນອັນດັບທີ III ຫ້ອງພະລາທິການ ກທອ ໄດ້ຮັບເງິນ 1.000.000 ກີບ ພ້ອມໃບຍ້ອງຍໍ ແລະ ລາງວັນຊົມເຊີຍມີ 2 ລາງວັນ ໄດ້ແກ່ຫ້ອງອົບຮົມການບິນ ແລະ ຫ້ອງພະລາທິການ ກທອ ໄດ້ຮັບເງິນ 800.000 ກີບ ພ້ອມໃບຊົມເຊີຍ. ໂອກາດນີ້, ສະຫາຍ ພົນຈັດຕະວາ ທະນູກອນ ສຸລິຍະແສງ ໄດ້ກ່າວວ່າ: ການແຂ່ງຂັນນັກຮ້ອງສຽງດີ ຢູ່ ກອງບັນຊາການທະຫານອາກາດໃນຄັ້ງນີ້ ໄດ້ພິສູດ ແລະ ຢັ້ງຢືນຜົນສໍາເລັດຂະບວນການກິດຈະກໍາທາງດ້ານການເມືອງ-ແນວຄິດ ທີ່ມີໝາຍຄວາມສໍາຄັນ ແລະ ຟົດຟື້ນມ່ວນຊື່ນ ເພື່ອຂໍ່ານັບຮັບຕ້ອນ 3 ວັນປະຫວັດສາດ ຄື: ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ, ວັນຊາດ ທີ 2 ທັນວາ ຄົບຮອບ 50 ປີ, ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 105 ປີ ແລະ ກອງປະຊຸມໃຫຍ່ ຄັ້ງທີ I ຂອງອົງຄະນະພັກ ກອງບັນຊາການທະຫານອາກາດ. ພ້ອມນັ້ນ, ຍັງຍົກໃຫ້ເຫັນປະສົບການ ແລະ ບົດຮຽນອັນລ້ຳຄ່າໃນການເຂົ້າຮ່ວມການແຂ່ງຂັນໃນຄັ້ງນີ້ ແລະ ນຳເອົາບົດຮຽນທີ່ດີປະກອບໃນການປັບປຸງເຕັກນິກສິລະປະການຮ້ອງໃຫ້ດີຂຶ້ນກວ່າເກົ່າ, ທັງປະກອບສ່ວນເຂົ້າໃນວຽກງານກໍ່ສ້າງວັດທະນະທຳທາງດ້ານຈິດໃຈ ເຮັດໃຫ້ນາຍ ແລະ ພົນທະຫານຢູ່ ໃນກົມກອງ ມີຄວາມເບີກບານມ່ວນຊຶ່ນ, ອາລົມຍິ້ມແຍ້ມແຈ່ມໃສ ແລະ ພ້ອມກັນສຸມໃສ່ປັບປຸງກໍ່ສ້າງກົມກອງໃຫ້ເຕີບໃຫຍ່ເຂັ້ມແຂງ ສາມາດເຮັດລ້ອນໜ້າທີ່ການເມືອງ ທີ່ພັກ-ລັດ ແລະ ປະຊາຊົນມອບໝາຍໃຫ້. ໂດຍ: ນັກຂ່າວ ກທອ

news to day and hot news