ວັນສຸກ, ວັນທີ 21 ມີນາ 2025
ຄະນະຫ້ອງການກຳມະບານກອງທັບ ເຂົ້າຢ້ຽມຊົມຫໍພິພິທະພັນ ປະຫວັດສາດກອງທັບ ແລະ ຫໍພິພິທະພັນ ປະທານ ໄກສອນ ພົມວິຫານ
ເວລາອອກຂ່າວ: 2025-02-11 08:52:34 | ຜູ້ຂຽນ : admin1 | ຈຳນວນຄົນເຂົ້າຊົມ: 2237 | ຄວາມນິຍົມ: 
ໃນວັນທີ 6 ກຸມພາ 2025 ນີ້, ຄະນະຫ້ອງການກຳມະບານກອງທັບ ນຳໂດຍ ສະຫາຍ ພັນໂທ ວອນທອງ ພົມມາລາ ຮອງຫົວໜ້າພະແນກໂຄສະນາອົບຮົມ ແລະ ຂະບວນການ ຫ້ອງການກຳມະບານກອງທັບ ພ້ອມດ້ວຍສະ
ມາຊິກກຳມະບານ ໄດ້ເຂົ້າຢ້ຽມຊົມຫໍພິພິທະພັນປະຫວັດສາດກອງທັບປະຊາຊົນລາວ ແລະ ຫໍພິພິທະພັນ ປະທານ ໄກສອນ ພົມວິຫານ.
ຈຸດປະສົງ ເພື່ອເປັນການສ້າງຂະບວນການຂ່ຳນັບຮັບຕ້ອນວັນປະຫວັດສາດສຳຄັນຕ່າງໆ ຂອງຊາດ, ຂອງພັກ, ຂອງກອງທັບ ເວົ້າລວມ, ເວົ້າສະເພາະ ກໍຄື
ວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ (20 ມັງກອນ 1975-20 ມັງກອນ 2025). ພ້ອມດຽວກັນນີ້, ຍັງເປັນການສ້າງຂະບວນການຂ່ຳນັບຮັບຕ້ອນກອງປະຊຸມຜູ້ແທນກຳມະບານທົ່ວກອງທັບ ຄັ້ງທີ 6 ແລະ ກອງປະຊຸມໃຫຍ່ຜູ້ແທນ ຄັ້ງທີ VI ຂອງອົງຄະນະພັກກົມໃຫຍ່ການເມືອງກອງທັບ ທີ່ຈະໄຂຂຶ້ນໃນມໍ່ໆນີ້ ໃຫ້ເຕັມໄປດ້ວຍຄວາມໝາຍ, ຄວາມສຳຄັນ ແລະ ເປັນຂະບວນການຢ່າງກວ້າງຂວາງ ພ້ອມນັ້ນ; ກໍເປັນການປູກຝັງໃຫ້ພະນັກງານ-ນັກຮົບຮຸ່ນສືບທອດໄດ້
ຫວນຄືນເຖິງເຫດການປະຫວັດສາດລາວໃນແຕ່ລະໄລຍະ ທີ່ລະອິດລະອ້ຽວ ໂດຍສະເພາະແມ່ນການກຳເນີດ, ການຕໍ່ສູ້ຕ້ານຈັກກະພັດຜູ້ຮຸກຮານ ແລະ ການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ຜ່ານການຊົມຟີມຮູບເງົາ, ຮູບພາບ, ວັດຖຸພັນ, ເອກະສານຕ່າງໆ ທີ່ໄດ້ຈັດວາງປະກອບກັບການບັນຍາຍ ຂອງຜູ້ນຳທ່ຽວ ເຮັດໃຫ້ສະມາຊິກກຳມະບານ ພະນັກງານ-ນັກຮົບ ເຊື່ອມຊຶມກຳແໜ້ນ, ສຶກສາເອົາແນວຄິດຄຸນສົມບັດ ສິນທຳປະຕິວັດ, ໃຫ້ມີນ້ຳໃຈຮັກຊາດ, ຮັກບ້ານເກີດເມືອງນອນ ແລະ ເຊື່ອມຊຶມບົດຮຽນທາງປະຫວັດສາດມາໝູນໃຊ້ເຂົ້າໃນໜ້າທີ່ການເມືອງຕົວຈິງຂອງຕົນ ໃຫ້ມີຜົນສຳເລັດໃນຂະບວນການກໍ່ສ້າງກົມກອງໃຫ້ມີລະບຽບແບບແຜນທັນສະໄໝ ກໍຄືການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຮຸ່ງເຮືອງສີວິໄລຕະຫຼອດໄປ.
ໂດຍ: ສຸກສົງການ ຫຼ້າບຸນມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
