ກອງທັບປະຊາຊົນລາວ
 
ວັນອັງຄານ, ວັນທີ 11 ກຸມພາ 2025

  

ທີມ​ຊາດ​ຫວຽດນາມ ໄດ້​ແຊັມເຕະບານອາຊຽນ AFF Mitsubishi Electric Cup 2024
ເວລາອອກຂ່າວ: 2025-01-07 09:14:55 | ຜູ້ຂຽນ : admin3 | ຈຳນວນຄົນເຂົ້າຊົມ: 267 | ຄວາມນິຍົມ:



ຕອນ​ແລງ​ວັນ​ທີ 5 ມັງກອນ 2025 ເວລາ 20:00 ໂມງ ຕາມ​ເວລາ​ໃນ​ອາ​ຊຽນ, ລາຍການ​ເຕະບານ​ຊີງ​ແຊັມ​ອາ​ຊຽນ ປະຈຳ​ປີ 2024 ລະຫວ່າງທີມ​ຊາດ​ຫວຽດນາມ ລົງ​ສະໜາມ​ພົບ​ກັບ ທີມ​ຊາດ​ໄທ ທີ່​ສະໜາມ​ຣາ​ຊະ​ມັງ​ກິລາ​ສະຖານ ປະເທດ​ໄທ ໃນ​ນັດ​ທີ 2 ເຊິ່ງ​ຫວຽດນາມ ຍັງ​ຮັກສາ​ຄວາມ​ເກັ່ງ​ຊະນະ​ຕະຫຼອດ​ລະດູ​ການ​ຢ່າງ​ຍອດ​ຍ້ຽມ ໃນ​ຖານະ​ຮອງ​ແຊັມ ເອົາ​ຊະນະ ທິມ​ຊາດ​ໄທ ແຊັມ​ເກົ່າ 3-2 ປະຕູ, ລວມ​ຜົນ 2 ນັດ ຫວຽດນາມ ຊະນະ ໄທ 5-3 ປະຕູ ຄວ້າ​ແຊັມ AFF Mitsubishi Electric Cup 2024 ແລະ ກາຍເປັນ​ແຊັມ ສະໄຫມ​ທີ 3 ຕໍ່​ຈາກ​ປີ 2008, 2018. ບັນຍາກາດ​ໂດຍ​ລວມ​ຂອງ​ນັດ​ຊີງ​ແຊັມ ທັງ​ສອງ​ທີມ​ແມ່ນ​ຜັດປ່ຽນ​ບຸກ​ໃສ່​ກັນ​ຢ່າງ​ມ່ວນ​ມັນ ໂດຍ​ສະເພາະ​ແມ່ນ​ທີມ​ໄທ ທີ່​ມີ​ປະຕູ​ຕາມ​ຫຼັງ​ຫວຽດນາມ 2-1 ຈາກ​ນັດ​ທີ 1 ທີ່​ແຂ່ງ​ຢູ່​ຫວຽດນາມ. ມານັດ​ນີ້​ຫຼີ້ນ​ຢູ່​ໄທ ແລະ ໄທ ກໍ​ຫວັງ​ພິກ​ເກມ​ກັບ​ມາ​ເອົາ​ຊະນະ​ແຊງ​ຫວຽດນາມ ຍາດ​ເອົາ​ແຊັມ​ໃຫ້​ໄດ້. ພໍ​ເປີດ​ເກມ​ມາ​ພຽງ 7 ນາທີ ໝາຍ​ເລກ 10 ຕວານ​ຮາຍ ກໍ​ມາ​ຍິງ​ໃຫ້​ຫວຽດນາມ​ນຳ​ຂຶ້ນ​ກ່ອນ 1-0 ປະຕູ, ຈາກ​ນັ້ນ ເຮັດ​ໃຫ້​ໄທ​ຕ້ອງ​ເລັ່ງ​ບຸກ​ໜັກ​ຂຶ້ນ ແລະ​ມາຕີ​ສະເໝີ​ໄດ້ 1-1 ໃນ​ນາທີ 27 ຈາກ​ເດ​ວິ​​ສ, ນາທີ 30 ກອງ​ໜ້າ​ໂຕ​ເກັ່ງ ຫງວ​​ຽນ ຊວນ​ເຊິນ ໂຊກ​ຮ້າຍ ເປີດ​ບານ​ເສຍ​ຈັງຫວະ ລົ້ມ​ຜິດ​ທ່າ​ຈົນ​ເຈັບ​ຫົວເຂົ່າ ຖືກ​ປ່ຽນ​ອອກ​ກະທັນຫັນ ແລະ ຈົບ​ເຄິ່ງ​ເວລາ​ທຳ​ອິດ ສະເໝີ​ກັນ 1-1 ປະຕູ.(ຜົນ​ປະຕູ​ລວມ ຫວຽດນາມ ນໍາ 3-2) ເຂົ້າ​ສູ່​ເຄິ່ງ​ເວລາ​ຫຼັງ ໄທ​ບຸກ​ໜັກ ແລະ​ມາ​ໄດ້​ປະຕູ​ທີ 2 ໃນ​ນາທີ 63 ຈາກ ສຸກ​ພະ​ໂຊກ 2-1, ຖັດ​ມາ​ນາທີ 81 ໄທ​ສະກັດ​ບານ​ພາດ​ເຂົ້າ​ປະຕູ​ໂຕ​ເອງ ກາຍເປັນ 2-2 ປະຕູ, ຈົບ 90 ນາທີ ສະເໝີ​ກັນ 2-2 ແຕ່​ຜົນ​ປະຕູ ຫວຽດນາມ ຍັງນໍາ 4-3. ກ້າວ​ເຂົ້າ​ສູ່​ໄລຍະ​ຕໍ່​ເວລາບາດເຈັບລວມ 20 ນາທີ ແລະ ໃນນາທີສຸດທ້າຍ ຫວຽດນາມ ມາ​ຍິງ​ປິດ​ເກມ ຈາກ​ໝາຍ​ເລກ 24 ຫາຍ​ລອງ ຈົບ​ເກມ ທີມ​ຊາດ​ຫວຽດນາມ ຊະນະ​ໄປ​ແບບສະຫງ່າ​ງາມ 3-2 ປະຕູ, ລວມ​ຜົນ 2 ນັດ ຫວຽດນາມ ຊະນະ ໄທ ໄດ້​ຢ່າງ​ເດັດຂາດ 5-3 ປະຕູ ຍາດ​ໄດ້​ແຊັມ AFF Mitsubishi Electric Cup 2024 ໄປ​ຄອງ​ເປັນ​ສະໄໝ​ທີ 3 ຢ່າງ​ສົມ​ສັກສີ. (ຂໍຊົມເຊີຍຈາກໃຈ)



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ