ວັນຈັນ, ວັນທີ 02 ທັນວາ 2024
ການນຳແຂວງວຽງຈັນເຂົ້າວາງພວງມາລາ ແລະ ກະຕ່າດອກໄມ້ ໃນໂອກາດ ວັນຊາດທີ 2 ທັນວາ
ເວລາອອກຂ່າວ: 2024-11-29 13:24:17 | ຜູ້ຂຽນ : admin2 | ຈຳນວນຄົນເຂົ້າຊົມ: 282 | ຄວາມນິຍົມ: 
ເນື່ອງໃນໂອກາດ ວັນຊາດທີ 2 ທັນວາ (2/12/1975-2/12/2024) ຄົບຮອບ 49 ປີ ແລະ ວັນຄ້າຍວັນເກີດ ປະທານ ໄກສອນ ພົມວິຫານ (13/12/1920-13/12/2024) ຄົບຮອບ 104 ປີ, ການນຳແຂວງວຽງຈັນ ເຊິ່ງນຳໂດຍ ສະຫາຍ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງ ແຂວງວຽງຈັນ, ພ້ອມດ້ວຍບັນດາຄະນະປະຈຳພັກແຂວງ, ກຳມະການພັກແຂວງ, ສອງກຳລັງ ປກຊ-ປກສ ແຂວງ, ສະຫະພັນນັກຮົບເກົ່າ, ເຈົ້າເມືອງ, ບັນດາພະແນກການ. ໄດ້ເຂົ້າວາງພວງມາລາໜ້າອະນຸສາວະລີນັກຮົບນີລະນາມ ກອງບັນຊາການທະຫານແຂວງວຽງຈັນ ແລະ ວາງກະຕ່າດອກໄມ້ ຢູ່ທີ່ອະນຸສອນສະຖານປະທານ ໄກສອນ ພົມວິຫານ) ໃນຕອນເຊົ້າວັນທີ 28 ພະຈິກ 2024 ນີ້.
ການເຂົ້າວາງພວງມາລາ ແລະ ກະຕ່າດອກໄມ້ ຂອງການນຳແຂວງວຽງຈັນໃນຄັ້ງນີ້ ແມ່ນເພື່ອລະນຶກເຖິງຄຸນງາມຄວາມດີ ຂອງບັນດານັກຮົບປະຕິວັດ, ພະນັກງານ-ນັກຮົບ ລວມໄປເຖິງພໍ່ແມ່ປະຊາຊົນລາວບັນດາເຜົ່າຜູ້ທີ່ໄດ້ເສຍສະຫຼະເລືອດເນື້ອໃນຂະບວນການຕໍ່ສູ້ກູ້ຊາດ ກັບພວກລ່າເມືອງຂຶ້ນແບບເກົ່າ ແລະ ແບບໃໝ່. ໂດຍສະເພາະແມ່ນປະທານ ໄກສອນ ພົມວິຫານ ພ້ອມດ້ວຍບັນດາທ່ານຜູ້ນໍາລາວທີ່ຮັກຊາດ ໄດ້ເອົາໃຈໃສ່ໃນການປຸກລະດົມປະຊາຊົນລາວ ບັນດາເຜົ່າພາຍໃຕ້ຄັນທຸງຂອງພັກປະຊາຊົນປະຕິວັດລາວ ຈົນສາມາດໄດ້ຮັບໄຊຊະນະຄັ້ງຍິ່ງໃຫຍ່ ໃນວັນທີ 2 ທັນວາ 1975.
ພາບ-ຂ່າວ: ສາຍຄຳ ພອນມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
