ວັນຈັນ, ວັນທີ 02 ທັນວາ 2024
ຫຼາຍພາກສ່ວນເຂົ້າອວຍພອນຄະນະພັກ-ຄະນະບັນຊາ ທະຫານແຂວງຈໍາປາສັກ
ເວລາອອກຂ່າວ: 2024-11-29 11:18:00 | ຜູ້ຂຽນ : admin2 | ຈຳນວນຄົນເຂົ້າຊົມ: 248 | ຄວາມນິຍົມ: 
ໃນວັນທີ 28 ພະຈິກ 2024 ນີ້, ມີຫຼາຍພາກສ່ວນໄດ້ເຂົ້າອວຍພອນ ຄະນະພັກ-ຄະນະບັນຊາ ກອງບັນຊາການທະຫານແຂວງຈໍາປາສັກ ເນື່ອງໃນໂອກາດວັນຊາດທີ 2 ທັນວາ ຄົບຮອບ 49 ປີ ຄື( 2 ທັນວາ 1975 – 2 ທັນວາ 2024).ໃນນັ້ນລວມມີ: ສະຫາຍ ເລກົງຄົວ ຫົວໜ້າກອງກາ 53 ພ້ອມດ້ວຍຄະນະ, ສະຫາຍ ເວື່ອງດີ່ງກຸຍ ຮອງອຳນວຍການບໍລິສັດມິດຕະພາບ 206 ພ້ອມດ້ວຍຄະນະ, ສະຫາຍ ເລວັນຈຸງ ຫົວໜ້າກົງສູນໃຫຍ່ຫວຽດນາມ ປະຈຳພາກໃຕ້ລາວ ພ້ອມດ້ວຍຄະນະ. ໂດຍການຕ້ອນຮັບຂອງ ສະຫາຍ ພົນຈັດຕະວາ ວິລະຕູ່ ວໍລະຈິດ ຫົວໜ້າການເມືອງກອງບັນຊາການທະຫານແຂວງຈໍາປາສັກ ພ້ອມດ້ວຍຄະນະໃຫ້ການຕ້ອນຮັບຢ່າງອົບອຸ່ນ.
ໂອກາດນີ້ ຕາງໜ້າຄະນະ ແຕ່ລະພາກສ່ວນ ກໍ່ໄດ້ກ່າວຢ້ຽມ ຢາມຖາມຂ່າວດ້ວຍໄມຕີຈິດ ອັນສະໜິດສະໜົມ ພ້ອມທັງອວຍພອນໄຊອັນປະເສີດແດ່ ສະຫາຍ ພົນຈັດຕະວາ ວິລະຕູ່ ວໍລະຈິດ ພ້ອມດ້ວຍຄະນະ ຕະຫຼອດຮອດພະນັກງານ-ນັກຮົບ ທົ່ວກອງບັນຊາການທະຫານແຂວງຈຳປາສັກ ຈົ່ງມີສຸຂະພາບເຂັ້ມແຂງ, ມີພະລະນາໄມສົມບູນ ສືບຕໍ່ເຮັດສຳເລັດທຸກໜ້າທີ່ອັນມີກຽດສະຫງ່າທີ່ພັກ-ລັດ ແລະ ປະຊາຊົນລາວ ມອບໝາຍໃຫ້ ແລະ ນັບມື້ເຕີບໃຫຍ່ເຂັ້ມແຂງຂຶ້ນຢ່າງບໍ່ຢຸດຢັ້ງ.
ໂອກາດດຽວກັນ ສະຫາຍ ພົນຈັດຕະວາ ວິລະຕູ່ ວໍລະຈິດ ກໍໄດ້ຕາງໜ້າໃຫ້ຄະນະພັກ-ຄະນະບັນຊາ ກ່າວສະແດງຄວາມຂອບໃຈ ແລະ ຮູ້ບຸນຄຸນຢ່າງສູງຕໍ່ການມາອວຍພອນຂອງເພື່ອນໃນຄັ້ງນີ້ ສຸດທີ່ມີຄວາມໝາຍ ຄວາມສຳຄັນ ເຊີ່ງໄດ້ສະແດງເຖີງຄວາມຮັກແພງ,ຄວາມສາມັກຄີ ທີ່ເປັນມູນເຊື້ອຂອງ ສອງຊາດ, ສອງພັກ, ສອງລັດ ທີ່ມີມາແຕ່ດົນນານ ແລະ ເຄີຍໄດ້ອວຍພອນເຊີ່ງກັນ ແລະ ກັນໃນວັນສໍາຄັນຕ່າງໆຕະຫຼອດມາ ພ້ອມນີ້ຍັງແມ່ນສ່ວນໜື່ງ ທີ່ໄດ້ປະກອບສ່ວນ ເຂົ້າໃນການຮັດແໜ້ນສາຍພົວພັນມິດຕະພາບແບບພິເສດ ແລະ ການຮ່ວມມືຮອບດ້ານ ລະຫວ່າງສອງຊາດ, ສອງພັກ, ສອງກອງທັບ ລາວ-ຫວຽດນາມ, ຫວຽດນາມ-ລາວ ທີ່ມີມູນເຊື້ອມາແຕ່ດົນນານໃຫ້ນັບມື້ຈະເລີນງອກງາມຍິ່ງໆຂຶ້ນ.
ຂ່າວ: ວາທີ ດາວົງ ບຸດຕະວົງ
ພາບ: ຮ້ອຍໂທ ນາງ ສີລິຄານ ສີດາວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
