POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 02 ທັນວາ 2024

ເຊັນສັນຍາແຮກສ່ຽວ ລະຫວ່າງ ໂຮງຮຽນເຫຼົ່າຮົບພະລາທິການກົມໃຫຍ່ພະລາທິການກອງທັບປະຊາຊົນລາວກັບ ໂຮງຮຽນວິຊາຊີບ ຊັ້ນສູງ 21 ແມ່ທັບ 15 ກະຊວງປ້ອງກັນປະເທດຫວຽດນາມ.
ເວລາອອກຂ່າວ: 2024-11-29 11:15:33 | ຜູ້ຂຽນ : admin2 | ຈຳນວນຄົນເຂົ້າຊົມ: 233 | ຄວາມນິຍົມ:

ວັນທີ 28 ພະຈິກ 2024 ນີ້, ໂຮງຮຽນເຫຼົ່າຮົບພະລາທິການກົມໃຫຍ່ພະລາທິການກອງທັບປະຊາຊົນລາວ ໄດ້ຈັດພິທີເຊັນສັນຍາແຮກສ່ຽວ ກັບ ໂຮງຮຽນວິຊາຊີບ ຊັ້ນສູງ 21 ແມ່ທັບ 15 ກະຊວງປ້ອງກັນປະເທດຫວຽດນາມ, ໂດຍການເຂົ້າຮ່ວມເປັນປະທານຂອງ ສະຫາຍ ພົນຕີ ຄໍາເພັດ ສີຊານົນ ຫົວໜ້າກົມໃຫຍ່ພະລາທິການກອງທັບປະຊາຊົນລາວ, ມີ ສະຫາຍ ພັນເອກ ພິເສດ ລຶວ ວັນ ດວ່ານ ຮອງຫົວໜ້າຫ້ອງການ ແມ່ທັບ 15 ກະຊວງປ້ອງກັນປະເທດຫວຽດນາມ, ແລະ ຄະນະຜູ້ແທນທັງສອງຝ່າຍເຂົ້າຮ່ວມ. ຈຸດປະສົງ ເພື່ອເພີ່ມທະວີຫັດແໜ້ນການຮ່ວມມື, ຊ່ວຍ ເຫຼືອ ເຊິ່ງກັນ ແລະ ກັນ ລະຫວ່າງ ໂຮງຮຽນເຫຼົ່າພະລາທິການ ກົມໃຫຍ່ພະລາທິການກອງທັບປະຊາຊົນລາວ ກັບ ໂຮງຮຽນວິຊາຊີບ ຊັ້ນສູງ 21 ແມ່ທັບ 15 ກະຊວງປ້ອງກັນປະເທດຫວຽດນາມ, ເຊິ່ງທັງສອງຝ່າຍໄດ້ພ້ອມກັນແລກປ່ຽນຄໍາຄິດຄໍາເຫັນ ແລະ ຕົກລົງເຫັນດີເປັນເອກະພາບກັນດ້ານເນື້ອໃນ ຄື: ຝ່າຍໂຮງຮຽນເຫຼົ່າຮົບພະລາທິການກອງທັບປະຊາຊົນລາວ ສະໜັບສະໜູນໃຫ້ໂຮງຮຽນວິຊາຊີບ ຊັ້ນສູງ 21 ແມ່ທັບ 15 ກະຊວງປ້ອງກັນປະເທດຫວຽດນາມ ມີ ການແລກປ່ຽນ, ຊອກຮູ້ຮໍ່າຮຽນວັດທະນະທຳ, ຮີດຄອງປະເພນີ, ພາສາລາວ ໃຫ້ພະນັກງານ, ວິຊາການຂອງໂຮງຮຽນຕາມການຕົກລົງເຫັນດີຂອງສອງຝ່າຍ ແລະ ເຫັນດີຂອງກະຊວງປ້ອງກັນປະເທດ, ກໍ່ສ້າງໂຄງການຫຼັກສູດ, ການຮຽນ-ການສອນຂອງບັນດາວິຊາສະເພາະ, ວິຊາຊີບໂຮງຮຽນເຫຼົ່າຮົບພະລາທິການ ທີ່ມີທ່າແຮງ ແລະ ບັນດາເນື້ອໃນທີ່ມີການພົວພັນເຖິງວຽກງານກໍ່ສ້າງ, ບຳລຸງນັກຮຽນກອງທັບປະຊາຊົນລາວ ຢູ່ທີ່ໂຮງຮຽນວິຊາຊີບຊັ້ນສູງ 21 ແມ່ທັບ 15 ກະຊວງປ້ອງກັນປະເທດຫວຽດນາມ, ເປັນເຈົ້າການປະສານສົມທົບວຽກງານກັບບັນດາອົງການ, ກົມກອງໃນກະຊວງປ້ອງກັນປະເທດກອງທັບປະຊາຊົນລາວ ແລະ ຄະນະພັກ-ຄະນະບັນຊາແຕ່ລະຂັ້ນ, ອຳນາດການປົກຄອງທ້ອງຖິ່ນທີ່ມີການພົວພັນ ເພື່ອຊ່ວຍ ເຫຼືອ ໂຮງຮຽນວິຊາຊີບຊັ້ນສູງ 21 ເສັງຄັດເລືອກເອົາບັນດາຊາວໜຸ່ມຢູ່ທ້ອງຖິ່ນຂອງລາວ ທີ່ມີຄວາມຕ້ອງການຮຽນວິຊາສະເພາະ, ວິຊາຊີບຢູ່ຫວຽດນາມ ໃນເມື່ອມີແຜນນະໂຍບາຍຂອງກະຊວງປ້ອງກັນປະເທດຫວຽດນາມ, ປະສານສົມທົບກັນ ສະເໜີຂັ້ນເທິງ, ຜູ້ມີສິດຕັດສິນຂອງລັດຖະບານແຫ່ງ ສປປ ລາວ, ຈົດຈໍາ, ຍ້ອງຍໍ ບັນດາຜົນງານຂອງແມ່ທັບ 15 ໂຮງຮຽນວິຊາຊີບຊັ້ນສູງ 21 ທີ່ມີຜົນສຳເລັດໃນການຮ່ວມມື ລະຫວ່າງ ສອງຝ່າຍ, ສະໜອງບັນດາຂໍ້ມູນຕ່າງໆ ໃຫ້ໂຮງຮຽນກ່ຽວກັບທີ່ຕັ້ງພູມສັນຖານ, ສະພາບດິນຟ້າ ອາກາດ, ການສໍາປະທານ, ເສດຖະກິດ-ວັດທະນະທຳ-ສັງຄົມ ຂອງແຕ່ລະຂົງເຂດບໍລິເວນ ຕາມຈຸດປະສົງຂອງ ໂຮງຮຽນ ເພື່ອສ້າງໂຄງການຫຼັກສູດກໍ່ສ້າງ, ອົບຮົມ ໃຫ້ນັກຮຽນກອງທັບປະຊາຊົນລາວ, ຮັບປະກັນ ໃຫ້ເໝາະສົມ, ຈັດຕັ້ງບັນດາການເຄື່ອນໄຫວແລກປ່ຽນ ລະຫ່ວາງ ຄະນະຄູ-ອາຈານ, ນັກຮຽນ ແລກປຽນຖອດຖອນບົດຮຽນ ປະສົບການໃນການຄຸ້ມຄອງການສຶກສາ, ການຮຽນ-ການສອນ ແຕ່ລະຂະແໜງການວິຊາສະເພາະ, ຝ່າຍໂຮງຮຽນວິຊາຊີບ ຊັ້ນສູງ 21 ແມ່ທັບ15 ກະຊວງປ້ອງກັນປະເທດຫວຽດນາມ, ຊຸກຍູ້ສົ່ງເສີມການກໍ່ສ້າງ, ບຳລຸງໄລຍະສັ້ນໃຫ້ພະນັກງານ, ພະລາກອນ, ຄູສອນ, ນັກຮຽນຂອງໂຮງຮຽນເຫຼົ່າຮົບພະລາທິການກອງທັບປະຊາຊົນລາວ ເມື່ອໄດ້ຮັບການຕົກລົງເຫັນດີຂອງກະຊວງປ້ອງກັນປະເທດ, ຄັດເລືອກເອົາພະນັກງານ, ພະລາກອນໄປອົບຮົມໄລຍະສັ້ນ ບັນດາຂະແໜງການກ່ຽວກັບກະສິກຳ, ກົນຈັກ, ເຄື່ອງໃຊ້ໄຟຟ້າທົ່ວໄປ, ຊ່ວຍເຫຼືອກໍ່ສ້າງບັນດາສູນທົດລອງຂອງການປູກຝັງ, ລ້ຽງສັດ, ພົວພັນແລກປ່ຽນຖອດຖອນບົດຮຽນປະສົບການວຽກງານຄຸ້ມຄອງການກໍ່ສ້າງ ແລະ ແລກປ່ຽນວັດທະນະທຳ, ພາສາ, ຮີດຄອງປະເພນີຂອງຫວຽດນາມໃຫ້ພະນັກງານ, ແລກປ່ຽນບົດຮຽນ ແລະ ສົມທົບການຄົ້ນຄວ້າຊ່ວຍ ເຫຼືອ ໂຮງຮຽນເຫຼົ່າຮົບພະລາທິການກ່ຽວກັບໂຄງການຫຼັກສູດ, ແຜນການສິດສອນຂອງບັນດາຂະແໜງການວິຊາສະເພາະ, ວິຊາຊີບໃຫ້ເໝາະສົມກັບພາກປະຕິບັດຕົວຈິງຂອງໂຮງຮຽນ, ຈາກນັ້ນ, ທັງສອງຝ່າຍກໍໄດ້ເຊັນບົດບັນທຶກແຮກສ່ຽວຂື້ນຢ່າງເປັນທາງການ, ເຊິ່ງຝ່າຍໂຮງຮຽນເຫົ່າຮົບພະລາທິການກົມໃຫຍ່ພະລາທິການກອງທັບປະທານຊົນລາວ,ຕາງໜ້າເຊັນບົດບັນທຶກ ໂດຍ ສະຫາຍ ພັນເອກ ບຸນທະນົງໄຊ ວໍລະສານ ຫົວໜ້າອໍານວຍການໂຮງຮຽນເຫຼົ່າຮົບພະລາທິການກົມໃຫຍ່ພະລາທິການກອງທັບປະຊາຊົນລາວ ແລະ ໂຮງຮຽນວິຊາຊີບ ຊັ້ນສູງ 21 ແມ່ທັບ 15 ກະຊວງປ້ອງກັນປະເທດຫວຽດນາມ ໂດຍ ສະຫາຍ ພັນເອກ ຫວູ ແທງເທ ຮອງຫົວໜ້າອໍານວຍການໂຮງຮຽນວິຊາຊີບ ຊັ້ນສູງ 21 ແມ່ທັບ 15 ກະຊວງປ້ອງກັນປະເທດຫວຽດນາມ. ໂດຍ: ຄໍາປະສົງ ລາດຊະວົງ.

news to day and hot news