POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 02 ທັນວາ 2024

ກທອ ປາຖະກະຖາສອງວັນປະຫວັດສາດສໍາຄັນຂອງຊາດ
ເວລາອອກຂ່າວ: 2024-11-29 11:14:17 | ຜູ້ຂຽນ : admin2 | ຈຳນວນຄົນເຂົ້າຊົມ: 154 | ຄວາມນິຍົມ:

ໃນວັນທີ 28 ພະຈິກ 2024, ກອງບັນຊາການທະຫານອາກາດໄດ້ຈັດພິທີປາຖະກະຖາວັນສະຖາປະນາ ສປປ ລາວ ຄົບຮອບ 49 ປີ ແລະ ວັນເກີດ ປະທານ ໄກສອນ ພົມວິຫານ ຄົບຮອບ 104 ປີ, ໂດຍການເປັນປະທານ ແລະ ເຜີຍແຜ່ຂອງສະຫາຍ ພົນຈັດຕະວາ ບຸນມາ ຈັນທະວົງສາ ຫົວໜ້າການເມືອງ ກອງບັນຊາການທະຫານອາກາດ, ມີອົງການ 06 ຫ້ອງ, ພະແນກການ ພ້ອມດ້ວຍພະນັກງານ-ນັກຮົບ ເຂົ້າຮ່ວມ. ສະຫາຍ ພົນຈັດຕະວາ ບຸນມາ ຈັນທະວົງສາ ໄດ້ກ່າວວ່າ: ວັນທີ 2 ທັນວາ 1975 ແມ່ນວັນໜຶ່ງທີ່ມີຄວາມໝາຍສຳຄັນ ຂອງພັກ, ຂອງລັດ ແລະ ຂອງປວງຊົນລາວທັງຊາດ ແມ່ນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດແຫ່ງການຕໍ່ສູ້ຂອງຊາດລາວເຮົາ; ແມ່ນວັນທີປະຊາຊົນລາວບັນດາເຜົ່າ ໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຊາດຢ່າງແທ້ຈິງ; ຕໍ່ກັບວັນທີ່ມີຄວາມໝາຍສໍາຄັນນີ້, ທ່ານປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປະຊາຊົນລາວບັນດາເຜົ່າ ກໍໄດ້ຕີລາຄາວ່າ ວັນທີ 2 ທັນວາ 1975 “ບໍ່ທັນມີເວລາໃດທີ່ປະຊາຊົນເຮົາ ເຊິ່ງເປັນຜູ້ສ້າງປະຫວັດສາດຂອງຊາດນັ້ນ ໄດ້ຍາດເອົາໄຊຊະນະ ອັນສົມບູນຢ່າງສະຫງ່າລາສີຄືແນວນີ້ຈັກເທື່ອ, ໄຊຊະນະນັ້ນ ບໍ່ສະເພາະແຕ່ໄດ້ຟື້ນຟູຄວາມເປັນເອກະລາດ ຂອງປະເທດເຮົາ, ຫາກຍັງເປັນຄັ້ງທຳອິດທີ່ປະຊາຊົນບັນດາເຜົ່າ ຜູ້ເຄີຍດຳລົງຊີວິດເປັນທາດ ໄດ້ກາຍມາເປັນເຈົ້າຂອງຢ່າງແທ້ຈິງ ຂອງຊາດໜຶ່ງທີ່ມີເອກະລາດ, ມີອິດສະຫຼະພາບຢ່າງສົມບູນ ແລະ ພວມກ້າວຂຶ້ນສູ່ສັງຄົມນິຍົມ, ເຮັດໃຫ້ຄວາມມຸ່ງຫວັງອັນແຮງກ້າ ຂອງປວງຊົນລາວ ກໍຄື ຂອງມວນມະນຸດປະກົດເປັນຈິງ ຢູ່ບົນຜືນແຜ່ນດິນອັນແສນຮັກຂອງພວກເຮົາ”. ພາຍຫຼັງປະເທດລາວ ໄດ້ຕົກເປັນຫົວເມືອງຂຶ້ນຂອງຈັກກະພັດຝຣັ່ງໃນປີ 1893 ປະຊາຊົນລາວ ໄດ້ຖືກກົດຂີ່ຂົ່ມເຫັງຢ່າງໂຫດຮ້າຍປ່າເຖື່ອນ, ບໍ່ມີອິດສະຫຼະພາບ, ຖືກເກນໄປເປັນຂ້ອຍຂ້າ, ເປັນຂ້າທາດຮັບໃຊ້ຝຣັ່ງທຸກຮູບແບບຍ້ອນທົນຕໍ່ການກົດຂີ່ຂົ່ມເຫັງບໍ່ໄຫວ ປະຊາຊົນລາວບັນດາເຜົ່າ ຈຶ່ງໄດ້ລຸກຮື້ຂຶ້ນຕ້ານການປົກຄອງຂອງຝຣັ່ງຢູ່ຫຼາຍແຂວງ ຂອງປະເທດລາວ ເຊິ່ງເລີ່ມຕົ້ນດ້ວຍຂະບວນການຕໍ່ສູ້ຂອງພໍ່ກະດວດ, ອົງແສນ, ເຈົ້າຟ້າປັດໄຈ, ອົງແກ້ວ-ອົງກົມມະດໍາ, ນາຍຄູຄຳ ແລະ ຜູ້ອື່ນໆ, ແຕ່ກໍບໍ່ມີຂະບວນການຕໍ່ສູ້ໃດທີ່ ສາມາດຍາດໄດ້ໄຊຊະນະຍ້ອນຫຼາຍສາເຫດ, ແຕ່ປັດໄຈສຳຄັນຕົ້ນຕໍແມ່ນບໍ່ມີພັກນຳພາ, ເຖິງວ່າຂະບວນການຕໍ່ສູ້ດັ່ງກ່າວບໍ່ໄດ້ຮັບໄຊຊະນະ ແຕ່ປະຊາຊົນລາວບັນດາເຜົ່າກໍບໍ່ໄດ້ທໍ້ຖອຍ ແລະ ບໍ່ຍອມຈຳນົນຕໍ່ສັດຕູ, ຄວາມຄຽດແຄ້ນຍິ່ງເພີ່ມທະວີ, ຂະບວນການຕໍ່ສູ້ ກໍນັບມື້ນັບຍົກລະດັບຂຶ້ນກາຍເປັນຂະບວນການຕໍ່ສູ້ຂອງມະຫາຊົນທີ່ຂະຫຍາຍກວ້າງອອກໄປທົ່ວປະເທດ ແລະ ກຳລັງຕໍ່ສູ້ປະຕິວັດກໍນັບມື້ນັບເຕີບໃຫຍ່ຂະຫຍາຍຕົວ. ຄຽງຄູ່ດຽວກັນ, ໃນທີ 22 ມີນາ 1955 ພັກປະຊາຊົນປະຕິວັດລາວ ກໍໄດ້ຮັບການສ້າງຕັ້ງຂຶ້ນໂດຍແມ່ນ ປະທານ ໄກສອນ ພົມວິຫານ ເປັນເລຂາທິການໃຫຍ່ ແລະພາຍໃຕ້ການນຳພາອັນສະຫຼາດສ່ອງໃສຂອງພັກຂະບວນການປະຕິວັດ ໄດ້ກ້າວຂຶ້ນສູ່ລະດັບໃໝ່ ແລະ ໄດ້ນໍາພາປະຊາຊົນລາວບັນດາເຜົ່າຕໍ່່ສູ້ຫຼາຍບັ້ນຮົບບັ້ນຕີ ແລະ ໃນທີ່ສຸດກໍສາມາດຍາດໄດ້ໄຊຊະນະຢ່າງສົມບູນ ແລະ ສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975. ໂອກາດນີ້, ກໍໄດ້ຍົກໃຫ້ເຫັນເຖິງປະຫວັດມູນເຊື້ອຂອງທ່ານ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດ ເຊິ່ງຕະຫຼອດຊີວິດຂອງ ປະທານ ໄກສອນ ພົມວິຫານ ແມ່ນທຸ່ມເທທຸກຢ່າງໃຫ້ກັບພາລະກິດປະຕິວັດ ປະເທດເຮົາໄດ້ມີຫຼາຍວິລະກຳອັນລໍ້າເລີດ ທີ່ສະແດງໃຫ້ເຫັນເຖິງນໍ້າໃຈຮັກຊາດອັນສູງສົ່ງ, ນໍ້າໃຈກໍາມະຊີບອັນໜັກແໜ້ນ, ຄວາມເດັດດ່ຽວບໍ່ຍອມຈໍານົນສັດຕູ, ຄວາມສະຫຼຽວສະຫຼາດ ແລະ ຄວາມເສຍສະຫຼະ ເພື່ອປະເທດຊາດ, ເພື່ອປະຊາຊົນຢ່າງບໍ່ມີຂີດຈຳກັດຂອງເພີ່ນ,ການປາຖະກະຖາ ຄັ້ງນີ້, ກໍເພື່ອເປັນການທົບທວນຫວນຄືນເຖິງປະຫວັດມູນເຊື້ອ ແລະ ຄວາມໝາຍຄວາມສໍາຄັນຂອງວັນດັ່ງກ່າວໃຫ້ ນາຍ ແລະ ພົນທະຫານ ສາມາດກໍາແໜ້ນໄດ້ເນື້ອໃນຈິດໃຈ, ເຫດການສໍາຄັນ, ທັງເປັນການປຸກລະດົມໃຫ້ມີນໍ້າໃຈຮັກຊາດ ຮັກລະບອບປະຊາທິປະໄຕຂອງຕົນຢ່າງແໜ້ນແຟ້ນ. ຂ່າວໂດຍ: ກທອ

news to day and hot news