ວັນຈັນ, ວັນທີ 02 ທັນວາ 2024
ຫົວໜ້າຫ້ອງການສະຫະພັນແມ່ຍິງກອງທັບ ເຄື່ອນໄຫວພົບປະໂອ້ລົມ ສະຫະພັນເເມ່ຍິງ ທະຫານເເຂວງຈໍາປາສັກ
ເວລາອອກຂ່າວ: 2024-11-27 15:14:48 | ຜູ້ຂຽນ : admin2 | ຈຳນວນຄົນເຂົ້າຊົມ: 469 | ຄວາມນິຍົມ: 
ວັນທີ 27 ພະຈິກ 2024 ນີ້, ສະຫາຍ ພົນຈັດຕະວາ ນາງ ໄພວອນ ອິນທະບຸດ ຫົວໜ້າຫ້ອງການສະຫະພັນແມ່ຍິງກອງທັບ ໄດ້ເຄື່ອນໄຫວພົບປະໂອ້ລົມສະຫະພັນແມ່ຍິງ ຢູ່ກອງບັນຊາການທະຫານແຂວງຈໍາປາສັກ, ໂດຍການຕ້ອນຮັບຂອງ ສະຫາຍ ພົນຈັດຕະວາ ວິລະຕູ ວໍລະຈິດ ຫົວໜ້າການເມືອງ ກອງບັນຊາການທະຫານເເຂວງຈໍາປາສັກ, ມີສະຫາຍ ພັນໂທ ນາງ ສີຫາ ກັນຍາວົງ ຫົວໜ້າພະເເນກສະຫະພັນເເມ່ຍິງ ທະຫານເເຂວງ, ມີຄະນະພັກ-ຄະນະບັນຊາ 05 ຫ້ອງ, ພະເເນກການ, ກົມກອງອ້ອມຂ້າງ, ຕະຫຼອດຮອດ ສະຫະພັນເເມ່ຍິງເຂົ້າຮ່ວມ.
ສະຫາຍ ພັນໂທ ນາງ ສີຫາ ກັນຍາວົງ ໄດ້ລາຍງານສະພາບການໂດຍຫຍໍ້ໃນການຈັດຕັ້ງປະຕິບັດ ພາລະບົດບາດ, ໜ້າທີ່ວຽກງານຂອງສະຫາພັນແມ່ຍິງໃນໄລຍະຜ່ານມາ ທີ່ມີຜົນສຳເລັດອັນພົ້ນເດັ່ນຫຼາຍດ້ານ ເປັນຕົ້ນແມ່ນການນຳພາຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ຕິດພັນກັບ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດວາງອອກ.
ໂອກາດນີ້, ສະຫາຍ ພົນຈັດຕະວາ ນາງ ໄພວອນ ອິນທະບຸດ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດຫຼາຍດ້ານທີ່ສະມາຊິກສະຫາພັນແມ່ຍິງທົ່ວ ກອງບັນຊາການທະຫານແຂວງ ຍາດມາໄດ້ໃນໄລຍະຜ່ານມາ, ພ້ອມທັງ ເນັ້ນໜັກໃຫ້ ສະຫະພັນແມ່ຍິງ ເອົາໃຈໃສ່ເພີ່ມທະວີວຽກງານສຶກສາອົບຮົມການເມືອງ-ນໍາພາແນວຄິດ, ສືບຕໍ່ປຸກລະດົມສະມາຊິກສະຫະພັນແມ່ຍິງເຂົ້າຮ່ວມ ຂະບວນການຕ່າງໆ ໃຫ້ເປັນຂະບວນການຟົດຟື້ນ, ເປັນເຈົ້າການ ປະຕິບັດພາລະບົດບາດໃນການປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ, ເອົາໃຈໃສ່ປັບປຸງການຈັດຕັ້ງ ສະຫະພັນແມ່ຍິງໃຫ້ມີຄວາມໜັກແໜ້ນ, ເຂັ້ມແຂງ, ມີແບບແຜນ ວິທີເຮັດວຽກທີ່ສອດຄ່ອງ ບົນພື້ນຖານຫຼັກການລວມສູນປະຊາທິປະໄຕ ເຮັດວຽກເປັນໝູ່ຄະນະ, ສືບຕໍ່ຈັດຕັ້ງປະຕິບັດຂໍ້ແຂ່ງຂັນ 3 ດີ ແລະ ປະຕິບັດຂໍ້ກໍານົດ, ກົດລະບຽບຂອງກອງທັບວາງອອກ ໃຫ້ເຂັ້ມງວດ.
ຂ່າວ-ພາບ: ຮທ ນາງ ສີລິຄານ ສີດາວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
