POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 02 ທັນວາ 2024

ປະກາດປັບປຸງການຈັດຕັ້ງຂັ້ນພະແນກການ ຢູ່ ວຕກ
ເວລາອອກຂ່າວ: 2024-11-14 15:41:42 | ຜູ້ຂຽນ : admin2 | ຈຳນວນຄົນເຂົ້າຊົມ: 952 | ຄວາມນິຍົມ:

ວັນທີ 14 ພະຈິກ 2024 ນີ້. ຢູ່ວິທະຍາຄານເຕັກນິກການທະຫານໄດ້ຈັດຕັ້ງພິິທິ ປະກາດປັບປຸງການຈັດຕັ້ງຂັ້ນພະແນກການ. ໂດຍການເປັນປະທານຂອງ ສະຫາຍ ພົນຈັດຕະວາ ແສງຍືນ ລັດສະເໝີ ອຳນວຍການ ຫົວໜ້າການເມືອງ ວິທະຍາຄານເຕັກນິກການທະຫານ, ມີກົມທີ່ກ່ຽວຂ້ອງ, ຄະນະຫ້ອງ, ຄະນະວິຊາຄູ, ສູນເຝິກຫັດ-ທົດລອງ, ກອງພັນນັກສຶກສາ, ບັນດາພະແນກການທີ່ກ່ຽວຂ້ອງ ຕະຫຼອດຮອດພະນັກງານທີ່ໄດ້ຮັບ ໜ້າທີ່ໃໝ່ ເຂົ້າຮ່ວມ. ສະຫາຍ ພັນໂທ ແສງພະຈັນ ຄຸດຕະວົງ ຮອງຫົວໜ້າຫ້ອງການເມືອງ ວິທະຍາຄານເຕັກນິກການທະຫານ ໄດ້ຂຶ້ນຜ່ານຂໍ້ຕົກລົງຂອງ ກົມໃຫ່ຍການເມືອງກອງທັບ ວ່າດ້ວຍການແຕ່ງຕັ້ງຂັ້ນພະແນກການ ຂຶ້ນກັບວິທະຍາຄານເຕັກນິກການທະຫານ, ອີງຕາມກົດໝາຍນາຍທະຫານ ກອງທັບປະຊາຊົນລາວ ວ່າດ້ວຍການແຕ່ງຕັ້ງຍົກຍ້າຍນາຍທະຫານ, ອີງຕາມທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນຳພາ-ບັນຊາ ໃນກຳລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສຳເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ, ກົມໃຫຍ່ການເມືອງກອງທັບຕົກລົງແຕ່ຕັ້ງ ສະຫາຍ ພັນຕີ ພູສັນ ຕູໄຊລີຢາ ເປັນຫົວໜ້າພະແນກ ນໍ້າມັນເຊື້ອໄຟ ແລະ ສະຫາຍ ຮ້ອຍເອກ ໂດໂດ້ ທອງສົມມີ ເປັນຮອງພະແນກ ນ້ຳມັນເຊື້ອໄຟ ຫ້ອງພະລາທິການ ວິທະຍາຄານເຕັກນິກການທະຫານ. ໂອກາດດຽວກັນນີ້ ສະຫາຍ ປະທານ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາ ສະຫາຍ ໄດ້ຮັບໜ້າທີ່ໃໝ່ ພ້ອມທັງເນັ້ນໜັກໃຫ້ພ້ອມກັນຍົກສູງ ຄວາມຮັບຜິດຊອບທາງດ້ານການເມືອງ ເຮັດສຳເລັດໜ້າທີ່ ທີ່ການຈັດຕັ້ງມອບໝາຍໃຫ້, ສູ້ຊົນ, ອົດທົນຜ່ານຜ່າຄວາມຫຍຸ້ງຍາກ, ຈັດຕັ້ງທາງດ້ານວຽກງານວິຊາສະເພາະໃຫ້ດີກວ່າເກົ່າ. ຕັ້ງໜ້າເຝິກຝົນຫຼໍ່ຫຼອມຕົນເອງ ທາງດ້ານການເມືອງໃຫ່ໜັກແໜ້ນ, ມີຄຸນສົມບັດສິນທຳປະຕິວັດ, ມີແບບແຜນວິທີນຳພາ-ບັນຊາ ບົນພື້ນຖານຢຶດໝັ້ນຫຼັກການລວມສູນປະຊາທິປະໄຕ, ຮັກສາແໜ້ນຄວມສາມັກຄີພາຍໃນເປັນປຶກແຜ່ນ, ເປັນຈິດໜຶ່ງໃຈດຽວກັນ, ມີສະຕິລະວັງຕົວຕໍ່ກົນອຸບາຍຫັນປ່ຽນໂດຍສັນຕິຂອງສັດຕູ ພ້ອມກັນເອົາໃຈໃສ່ຊອກຮູ້ຮ່ຳຮຽນ ເພື່ອມາປັບປຸງ ພັດທະນາຕົນເອງ ແລະ ກົມກອງໃຫ້ມີຄວາມກ້າວໜ້າ, ເຂັ້ມແຂງຂຶ້ນເທື່ອລະກ້າວ. ໂດຍ ນາງ ໄຂຄຳ ພົມມະສານ.

news to day and hot news