ວັນຈັນ, ວັນທີ 02 ທັນວາ 2024
ກອງປະຊຸມ ຮອບວຽນ ຄັ້ງທີ XIX ລະຫວ່າງ ທະຫານແຂວງອັດຕະປື ສປປ ລາວ ແລະ ທະຫານແຂວງກອມຕູມ ສສ ຫວຽດນາມ
ເວລາອອກຂ່າວ: 2024-11-14 15:38:58 | ຜູ້ຂຽນ : admin2 | ຈຳນວນຄົນເຂົ້າຊົມ: 862 | ຄວາມນິຍົມ: 
ກອງປະຊຸມຮອບວຽນ ຄັ້ງທີ XIX ລະຫວ່າງ ກອງບັນຊາການທະຫານແຂວງອັດຕະປື ສປປ ລາວ ແລະ ກອງບັນຊາການທະຫານແຂວງກອນຕູມ ສສ ຫວຽດນາມ ປະຈຳປີ 2024 ໄດ້ໄຂຂຶ້ນໃນວັນທີ 12 ພະຈິກ 2024 ນີ້, ຢູ່ທີ່ກອງບັນຊາການທະຫານແຂວງກອນຕູມ ສສ ຫວຽດນາມ, ຝ່າຍລາວນໍາໂດຍ ສະຫາຍ ພົນຈັດຕະວາ ໂຊກໄຊ ພິມມະລາ ຫົວໜ້າການເມືອງ ກອງບັນຊາການທະຫານແຂວງອັດຕະປື, ຝ່າຍຫວຽດນາມນໍາໂດຍ ສະຫາຍ ພັນເອກ ຫງວຽນ ເຖ ວີງ ຫົວໜ້າກອງບັນຊາການທະຫານແຂວງກອນຕູມ ພ້ອມດ້ວຍຄະນະຜູ້ແທນທັງສອງຝ່າຍເຂົ້າຮ່ວມ.
ກອງປະຊຸມໄດ້ຕີລາຄາຄືນໝາກຜົນຂອງການປະສານສົມທົບ ລະຫວ່າງ ບັນດາກົມກອງໃນການຄຸ້ມຄອງ ແລະ ປ້ອງກັນຊາຍແດນ, ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມ, ການສະກັດກັ້ນການເຄື່ອນໄຫວເຂົ້າ-ອອກ ເມືອງຂ້າມຊາຍແດນທີ່ຜິດກົດໝາຍ, ພ້ອມທັງຕີລາຄາສູງຕໍ່ ໝາກຜົນການພົວພັນຮ່ວມມືຈັດຕັ້ງປະຕິບັດຂົງເຂດວຽກງານການທະຫານ, ປ້ອງກັນຊາດ, ການແລກປ່ຽກຖອດຖອນບົດຮຽນ ແລະ ການຊ່ວຍເຫຼືອທາງດ້ານວິຊາການ, ພ້ອມທັງເອກະພາບທິດທາງແຜນການຮ່ວມມື ປະຈໍາປີ 2024 ໂດຍປະຕິບັດຕາມບົດບັນທຶກຊ່ວຍຈໍາໃນໄລຍະຜ່ານມາ ເພື່ອເປັນການສືບຕໍ່ຮັດແໜ້ນສາຍພົວພັນການຮ່ວມມືອັນເປັນມູນເຊື້ອແບບພິເສດຂອງສອງຊາດ, ສອງກອງທັບລາວ-ຫວຽດນາມ ແລະ ສອງກົມກອງທີ່ມີມູນເຊື້ອອັນດີງາມຕໍ່ກັນຕະຫຼອດມາ. ພ້ອມກັນນີ້, ຍັງໄດ້ຕີລາຄາເຖິງການພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ ຕະຫຼອດໄລຍະຜ່ານມາ ກໍຍັງໄດ້ສືບຕໍ່ປັບປຸງເພີ່ມທະວີຫັດແໜ້ນສາຍພົວພັນສາມັກຄີ, ຄວາມຈົງຮັກພັກດີ ລະຫວ່າງ ສອງກອງທັບ. ເວົ້າລວມ. ເວົ້າສະເພາະ, ກໍຄື ກອງບັນຊາການທະຫານແຂວງອັດຕະປື ສປປ ລາວ ກັບ ກອງບັນຊາການທະຫານແຂວງກອນຕູມ ສສ ຫວຽດນາມ, ຈາກນັ້ນ, ຄະນະຜູ້ແທນທັງສອງຝ່າຍ ໄດ້ປະກອບຄໍາຄິດຄຳເຫັນສຸມໃສ່ຫຼາຍບັນຫາ ທີ່ເກີດຂຶ້ນ ກໍ່ຄືເຫດການຕ່າງໆ ທີ່ພົວພັນເຖິງຄວາມສະຫງົບ ແລະ ຄວາມເປັນລະບຽບຮຽບຮ້ອຍຢູ່ພາຍໃນສອງປະເທດ. ຜ່ານການແລກປ່ຽນສະພາບ ແລະ ການປະກອບຄໍາເຫັນໃນຄັ້ງນີ້ ແມ່ນໄດ້ເປັນເອກະພາບ ແລະ ຢັ້ງຢືນເຖິງໝາກຜົນການຮ່ວມມືທັງສອງຝ່າຍ ເຊີ່ງຕະຫຼອດໄລຍະທີ່ຜານມາໄດ້ປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຂອງສອງປະເທດໄດ້ຂະຫຍາຍຕົວດີຂຶ້ນ, ໃນກອງປະຊຸມທັງສອງກອງບັນຊາການຍັງໄດ້ເຊັນບົດບັນທຶກຊ່ວຍຈໍາຮ່ວມກັນອີກດ້ວຍ.
ໂດຍ: ແສງຫຼ້າ ກຸວົງສາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
