ວັນຈັນ, ວັນທີ 02 ທັນວາ 2024
ຫົວໜ້າກົມ 49 ລົງເຄື່ອນໄຫວເຮັດວຽກຢູ່ທະຫານແຂວງໄຊຍະບູລີ
ເວລາອອກຂ່າວ: 2024-11-14 10:43:30 | ຜູ້ຂຽນ : admin2 | ຈຳນວນຄົນເຂົ້າຊົມ: 681 | ຄວາມນິຍົມ: 
ວັນທີ 12 ພະຈິກ 2024 ນີ້, ສະຫາຍ ພົນຈັດຕະວາ ບຸນຕຽນ ໄຊຍໍາວົງທັນ ຫົວໜ້າກົມ 49 ກົມໃຫຍ່ເສນາທິການກອງທັບ ພ້ອມດ້ວຍຄະນະ ໄດ້ລົງກວດກາຊຸກຍູ້ວຽກງານອົບຮົບ-ຫັດແອບ ແລະ ວຽກງານກຽມພ້ອມສູ້ຮົບຢູ່ກອງພັນ 419 ກອງບັນຊາການທະຫານແຂວງໄຊຍະບູລີ. ໂດຍການຕ້ອນຮັບຂອງ ສະຫາຍ ພັນເອກ ປອ ບຸນຍອງ ດວງດີ ຫົວໜ້າການທະຫານ ກອງບັນຊາການທະຫານແຂວງໄຊຍະບູລີ ພ້ອມດ້ວຍຄະນະ.
ສະຫາຍ ພົນຈັດຕະວາ ບຸນຕຽນ ໄຊຍຳວົງທັນ ໄດ້ສະເໜີຈຸດປະສົງໃນການລົງມາເຮັດວຽກຄັ້ງນີ້ ໂດຍສະເພາະແມ່ນວຽກງານການເມືອງ-ນຳພາແນວຄິດ, ວຽກງານການທະຫານ, ວຽກງານປ້ອງກັນໄພພິບັດ, ການກຽມພ້ອມສູ້ຮົບ, ວຽກງານອົບຮົມ-ຫັດແອບ, ວຽກງານກຳລັງພົນ ແລະ ວຽກງານພະລາທິການ-ເຕັກນິກຂອງກົມກອງ, ວຽກງານຕົ້ນຕໍແມ່ນການຈັດຕັ້ງປະຕິບັດບັນດາລະບຽບແບບແຜນ 7 ລະບອບ 18 ວຽກໃນມື້ໜຶ່ງຂອງກອງທັບ, ວຽກງານເຝິກແອບຮ່ຳຮຽນເພື່ອກຳແໜ້ນດ້ານສີລະປະຍຸດ-ຍຸດທະວິທີຂອງເຫຼົ່າຮົບວິຊາສະເພາະຕີພິເສດ. ຈາກນັ້ນ, ສະຫາຍ ຫົວໜ້າກົມ 49 ຍັງໄດ້ເນັ້ນໜັກໃຫ້ຄະນະພັກ-ຄະນະບັນຊາ, ພະແນກການທີ່ກ່ຽວຂອງຈົ່ງຍົກສູງຄວາມຮັບຜິດຊອບແລະຕ້ອງກຳແໜ້ນສະພາບການຂອງໂລກ. ເວົ້າລວມ, ເວົ້າສະເພາະກໍຄືພາກພື້ນໃນປັດຈຸບັນທີ່ພວມຜັນແປໄປຢ່າງສັບຊ້ອນ ດັ່ງນັ້ນພວກເຮົາຕ້ອງເອົາໃຈໃສ່ສືບຕໍ່ເຝິກຝົນຫຼໍຫຼອມຕົນເອງສ້າງໃຫ້ໄດ້ຄຸນທາດການເມືອງໜັກແໜ້ນມີຄວາມຈົ່ງຮັກພັກດີຕໍ່ແນວທາງການປ່ຽນແປງໃໝ່ຂອງພັກ, ບັນດາສະຫາຍທີ່ເປັນພະນັກງານນຳພາ-ບັນຊາຕ້ອງໄດ້ກຳແໜ້ນແນວທາງນະໂຍບາຍຂອງພັກແລະກຳແໜ້ນກົດໝາຍຂອງລັດ, ເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງຕົນເຮັດວຽກເປັນໝູ່ຄະນະ, ເພີ່ມຄວາມສາມັກຄີໃຫ້ແໜ້ນແຟ້ນ, ມີຫົວຄິດປະດິດສ້າງ, ມີແບບແຜນວິທະຍາສາດ, ເພື່ອສ້າງໃຫ້ໄດ້ກົມກອງທີ່ທັນສະໄໝກ້າວຂຶ້ນຢ່າງບໍ່ຢຸດຢັ້ງ. ໃນໂອກາດມາເຮັດວຽກຄັ້ງນີ້, ຄະນະທີມງານກົມ 49 ຍັງໄດ້ນຳເອົາເຄື່ອງຮັບໃຊ້ເຫຼົ່າຮົບຕີພິເສດມາມອບໃຫ້ພະແນກຕີພິເສດອີກດ້ວຍ.
ໂດຍ: ສົມຈີນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
