ວັນຈັນ, ວັນທີ 02 ທັນວາ 2024
ກອງປະຊຸມພົບປະສອງຝ່າຍການກະກຽມ ວຽກງານຂະບວນລົດໄຟສັນຕິພາບ ປີ 2024
ເວລາອອກຂ່າວ: 2024-11-14 09:08:21 | ຜູ້ຂຽນ : admin1 | ຈຳນວນຄົນເຂົ້າຊົມ: 556 | ຄວາມນິຍົມ: 
ໃນວັນທີ 11 ພະຈິກ 2024, ຄະນະຫັດແອບເຝິກຊ້ອມຊ່ວຍເຫຼືອມະນຸດສະທຳ ແລະ ບໍລິການດ້ານການແພດຮ່ວມສອງກອງທັບ ລາວ-ຈີນ ລະຫວ່າງໂຮງໝໍສູນກາງ 103 ກອງທັບ ນຳໂດຍ ສະຫາຍ ພັນເອກ ຮສ ປອ ດຣ
ສະແຫວງໄຊ ດາລາສາດ ຫົວໜ້າການທະຫານ ແລະ ຄະນະຕາງໜ້າກອງທັບປົດປ່ອຍປະຊາຊົນຈີນ ນຳໂດຍ ສະຫາຍ ພັນເອກ ພິເສດ ເລົາຊົງ ໄດ້ພົບປະເພື່ອປຶກສາຫາລືກັນກະກຽມຄວາມພ້ອມຫຼາຍດ້ານ ແລະ ສ້າງກິດຈະກຳກວດສຸຂະພາບການນຳ ແລະ ປະຊາຊົນຕາມເປົ້າໝາຍຂອງໂຄງການຂະບວນລົດໄຟສັນຕິພາບ ປີ 2024 ທີ່ຈະຈັດຂຶ້ນໃນລະຫວ່າງວັນທີ 22-26 ພະຈິກ ຈະເຖິງນີ້ ຢູ່ໂຮງໝໍສູນກາງ 103 ກອງທັບປະຊາຊົນລາວ.
ໃນການພົບປະສອງຝ່າຍຄັ້ງນີ້, ຄະນະທັງສອງຝ່າຍໄດ້ປຶກສາຫາລືກັນເພື່ອກະກຽມຄວາມພ້ອມຫຼາຍດ້ານ ເປັນຕົ້ນແມ່ນຄວາມພ້ອມທາງດ້ານສະຖານທີ່, ຫ້ອງກວດພະຍາດ, ເຄື່ອງມືການແພດ ຈົນເຖິງບຸກຄະລາກອນທາງການແພດທັງສອງຝ່າຍ ລາວ-ຈີນ ເພື່ອກຽມຮອງຮັບການບໍລິການຄົນເຈັບທີ່ເຂົ້າຮ່ວມການບໍລິການ ໃຫ້ທົ່ວເຖິງ ແລະ ມີປະສິດທິຜົນສູງສຸດ. ພ້ອມນີ້, ຍັງໄດ້ກະກຽມກິດຈະກຳໃນໄລຍະທີ່ດຳເນີນໂຄງການ ເຊິ່ງມີທັງໝົດ 7 ກິດຈະກຳ ຄື: ກວດສຸ
ຂະພາບການນຳ; ກວດສຸຂະພາບທົ່ວໄປ, ກອງປະຊຸມລາຍງານວິທະຍາສາດ; ກວດກາ, ສ້ອມແປງ, ບຳລຸງຮັກສາເຄື່ອງມືການແພດ; ຜ່າຕັດເທິງຄົນເຈັບຕົວຈິງ; ສ່ອງກະເພາະດ້ວຍເຕັກນິກບໍ່ເຈັບ; ແລກປ່ຽນວັດຖະນະທຳ-ສິລະປະ ແລະ ກິລາ.
ໂດຍ: ໂຊກທະວີ ແກ້ວບຸດຕະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
