POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 02 ທັນວາ 2024

ໂຮງຮຽນວັດທະນະທຳຊົນເຜົ່າກອງທັບ ເຜີຍແຜ່ການຈັດຕັ້ງລະບອບປະຈຳການ 3 ຂັ້ນ
ເວລາອອກຂ່າວ: 2024-11-14 09:05:24 | ຜູ້ຂຽນ : admin1 | ຈຳນວນຄົນເຂົ້າຊົມ: 354 | ຄວາມນິຍົມ:

ໃນວັນທີ 12 ພະຈິກ 2024 ນີ້, ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດຕັ້ງກອງປະຊຸມເຜີຍແຜ່ລະບອບປະຈຳການ 3 ຂັ້ນ ຂອງໂຮງຮຽນ ໂດຍການເປັນປະທານ ຂອງ ສະຫາຍ ພັນເອກ ເພັດສະໝອນ ວິລະວອນ ຫົວໜ້າການທະຫານ ໂຮງຮຽນວັດທະນະທຳຊົນເຜົ່າກອງທັບ, ມີບັນດາ ຫົວໜ້າ-ຮອງຫົວໜ້າ4 ຫ້ອງ, 2 ກອງພັນ ພ້ອມດ້ວຍພະແນກການ ເຂົ້າຮ່ວມ. ສະຫາຍ ພັນໂທ ມີໄຊ ວົງພະຈັນ ຮອງຫົວໜ້າຫ້ອງການ ແລະ ບໍລິ ຫານ ໄດ້ຜ່ານຂໍ້ຕົກລົງ ວ່າດ້ວຍການຈັດຕັ້ງປະຕິບັດລະບອບປະຈຳການ 3 ຂັ້ນ ຂອງໂຮງຮຽນວັດທະນະທຳຊົນເຜົ່າກອງທັບ; ໂດຍອີງຕາມ ຂໍ້ກຳນົດ 7 ລະບອບ 18 ວຽກຂອງກອງທັບປະຊາຊົນລາວ ເວົ້າລວມ, ເວົ້າສະເພາະແມ່ນລະບຽບກຽມພ້ອມສູ້ຮົບ, ອີງຕາມການຕົກລົງເຫັນດີເປັນເອກະພາບຢູ່ໃນກອງປະຊຸມຄົ້ນ ຄວ້າປຶກສາຫາລືກ່ຽວກັບການປັບປຸງລະບົບປະຈຳການ 3 ຂັ້ນ ຂອງໂຮງຮຽນວັດທະນະທຳຊົນເຜົ່າກອງທັບ ໃນນັ້ນ, ໄດ້ຖືເອົາລະບອບສ່ອງແສ່ງລາຍງານສະພາບປະຈຳວັນ ກຳນົດ 1 ຄັ້ງຕໍ່ວັນ, ປະຈຳການຂອງ 4 ຫ້ອງ, 2 ກອງພັນ ແລະ ໝວດປ້ອງກັນທີ່ຕັ້ງ ມີໜ້າລາຍງານສະພາບ ຢູ່ຫ້ອງປະຊຸມ ສູນບັນຊາໂຮງ ຮຽນ ຖ້າຫາກມີສະພາບສຸກເສີນແມ່ນໃຫ້ລາຍງານໂດຍກົງກັບປະຈຳການບັນຊາໄດ້ຕະຫຼອດ 24 ຊົ່ວໂມງ; ລະບອບຜັດປ່ຽນປະຈຳການບັນຊາໂຮງຮຽນ, ປະຈຳການບໍລິຫານຫ້ອງ, ກອງພັນ ແລະ ໝວດປ້ອງກັນທີ່ຕັ້ງ ກຳນົດເອົາເວລາ 16:00 ໂມງ ຂອງທຸກໆ ວັນ ເປັນເວລາຜັດປ່ຽນ ໃຫ້ຈັດຕັ້ງການມອບ-ຮັບ ມີປະຈຳການເກົ່າ ປະຈຳການໃໝ່ ແລະ ປະຈຳການຂອງແຕ່ລະກົມກອງເຂົ້າຮ່ວມ, ຜູ້ທີ່ບໍ່ໄດ້ຮັບການແຕ່ງຕັ້ງ ບໍ່ມີສິດເຮັດໜ້າທີ່ປ່ຽນແທນ ປະຈຳການໂຮງຮຽນໄດ້. ໂອກາດນີ້, ສະຫາຍປະທານ ຍັງໄດ້ໂອ້ລົມ ແລະ ມີຄຳເຫັນບາງ ດ້ານ ເປັນຕົ້ນແມ່ນເນັ້ນໜັກໃຫ້ບັນດາສະຫາຍ ຕ້ອງເອົາໃຈໃສ່ສຶກສາອົບຮົມການເມືອງ-ນຳພາແນວຄິດ ໃຫ້ນາຍ ແລະ ພົນທະຫານຢູ່ໃນກົມກອງ ມີຄວາມຮັບຮູ້ເຊື່ອມຊືມ ຕໍ່ລະບົບປະຈຳການທີ່ວາງອອກນັ້ນ ໃຫ້ມີຄວາມເປັນເອກະພາບ, ຜູ້ບັນຊາຕ້ອງເປັນຫຼັກແຫຼ່ງໃນການຄຸ້ມຄ້ອງບັນຊາ-ນຳພາ, ພ້ອມກັນປຸກລະດົມຊຸກຍູ້ ເຮັດໃຫ້ຂະບວນການໃນການຈັດຕັ້ງປະຕິບັດລະບອບປະຈຳການ ມີຄວາມເຂັ້ມງວດ ແລະ ໜັກແໜ້ນ. ໂດຍ: ໂອລິນ ມິ່ງມີໄຊ

news to day and hot news