ວັນຈັນ, ວັນທີ 02 ທັນວາ 2024
ປະກາດການແຕ່ງຕັ້ງ ຢູ່ກອງຮ້ອຍປ້ອງກັນທີ່ຕັ້ງ ທະຫານແຂວງໄຊຍະບູລີ
ເວລາອອກຂ່າວ: 2024-11-14 09:02:50 | ຜູ້ຂຽນ : admin1 | ຈຳນວນຄົນເຂົ້າຊົມ: 375 | ຄວາມນິຍົມ: 
ທ້າຍເດືອນຕຸລາ 2024 ນີ້, ກອງຮ້ອຍ 23 ກອງປ້ອງກັນທີ່ຕັ້ງ ກອງບັນຊາການທະຫານແຂວງໄຊຍະບູລີ ໄດ້ປະກາດການແຕ່ງຕັ້ງຂັ້ນກອງຮ້ອຍ, ຂັ້ນໝວດ, ໝູ່ ແລະ ປະກາດການບົ່ງຕົວຄະນະໜ່ວຍພັກ, ໂດຍການເປັນປະທານຂອງ ສະຫາຍ ພັນເອກ ເພັດລະຄອນ ມະນີຈັນ ຫົວໜ້າຫ້ອງເຕັກນິກ ກອງບັນຊາການທະຫານແຂວງໄຊຍະບູລ,ີ ມີຄະນະພັກ-ຄະນະບັນຊາ ຕະຫຼອດຮອດພະນັກງານ-ນັກຮົບໃນກົມກອງເຂົ້າຮ່ວມ.
ສະຫາຍ ພັນຕີ ສົມທອງ ແພງມີສຸກ ຮອງຫົວໜ້າພະແນກຈັດຕັ້ງພັກ ຫ້ອງການເມືອງ ກອງບັນຊາການທະຫານແຂວງໄຊຍະບູລີ ໄດ້ຜ່ານຂໍ້ຕົກລົງ ຂອງກອງບັນຊາການທະຫານແຂວງໄຊຍະບູລີ ວ່າດ້ວຍການແຕ່ງຕັ້ງ ຮອງຫົວໜ້າການທະຫານ, ແຕ່ງຕັ້ງຫົວໜ້າ-ຮອງຫົວໜ້າໝວດ ແລະ ມະຕິ ວ່າດ້ວຍການ
ບົ່ງຕົວແຕ່ງຕັ້ງຄະນະໜ່ວຍພັກ ກອງຮ້ອຍ 23 ກອງປ້ອງກັນທີ່ຕັ້ງ ກອງບັນຊາການທະຫານແຂວງໄຊຍະບູລີ ໃນນີ້, ກອງບັນຊາການທະຫານແຂວງໄຊຍະບູລີ ຕົກລົງແຕ່ງຕັ້ງ ສະຫາຍ ຮ້ອຍເອກ ສຳລານ ໄຊສົມບັດ ເປັນຮອງຫົວໜ້າການທະ ຫານ ກອງຮ້ອຍປ້ອງກັນທີ່ຕັ້ງ, ສະ ຫາຍ ຮ້ອຍຕີ ສີສົມພອນ ສິນທະວົງ ເປັນຫົວໜ້າໝວດ 3, ສະຫາຍ ຮ້ອຍເອກ ເບັນ ແສງຈັນ ເປັນຮອງຫົວໜ້າໝວດ 2, ສະຫາຍ ຮ້ອຍໂທ ສະຫວັນ ຫວາຕົງທໍ່ ເປັນຮອງຫົວໜ້າ ໝວດ 3, ສະຫາຍ ຮ້ອຍຕີ ແສງອາລຸນ ແສງດາລາ ເປັນຫົວໜ້າ ໝູ່ 2 ແລະ ບົ່ງຕົວແຕ່ງຕັ້ງ ສະຫາຍ ພັນຕີ ຈຳປີ ສີປະເສີດ ເປັນກໍາມະການໜ່ວຍພັກ ກອງ
ຮ້ອຍປ້ອງກັນທີ່ຕັ້ງ.
ທັງນີ້, ເພື່ອເປັນການປັບປຸງການຈັດຕັ້ງຂັ້ນຕ່າງໆ ໃນກຳລັງປະກອບອາວຸດທ້ອງຖິ່ນແຂວງໄຊຍະບູລີ ເວົ້າລວມ, ເວົ້າສະເພາະກອງຮ້ອຍປ້ອງກັນທີ່ຕັ້ງໃຫ້ມີຄວາມເຂັ້ມແຂງໜັກແໜ້ນ ແລະ ເຮັດສຳເລັດໜ້າທີ່ໃນການປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ມີຄວາມສະຫງົບປອດໄພ.
ໂດຍ: ສົມຈີນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
