ວັນຈັນ, ວັນທີ 02 ທັນວາ 2024
ປະກາດການແຕ່ງຕັ້ງຮອງຫົວໜ້າການທະຫານ ກອງຮ້ອຍປ້ອງກັນທີ່ຕັ້ງ ທະຫານແຂວງຫຼວງພະບາງ
ເວລາອອກຂ່າວ: 2024-11-14 09:00:47 | ຜູ້ຂຽນ : admin1 | ຈຳນວນຄົນເຂົ້າຊົມ: 372 | ຄວາມນິຍົມ: 
ພິທີປະກາດການແຕ່ງຕັ້ງ ຮອງຫົວໜ້າທະຫານກອງຮ້ອຍປ້ອງກັນທີ່ຕັ້ງກອງບັນຊາການ ທະຫານແຂວງຫຼວງພະບາງ ໄດ້ຈັດຂຶ້ນໃນວັນທີ 12 ພະຈິກ 2024, ໂດຍການເປັນປະທານຂອງ ສະຫາຍ ພັນໂທ ສົມໄຈ ສີສະຫວັດ ຮອງຫົວໜ້າຫ້ອງການເມືອງ ກອງບັນຊາການທະ ຫານແຂວງຫຼວງພະບາງ, ມີສະຫາຍ ພັນຕີ ຫຸມແພງ ອ່ອນຕາ ຫົວໜ້າການເມືອງ ກອງຮ້ອຍປ້ອງກັນທີ່ຕັ້ງ, ຄະນະພັກ-ຄະນະ ບັນຊາ ພະແນກການ, ແຂກທີ່ຖືກເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ສະຫາຍ ພັນຕີ ກິໂຕ່ ພົງສະຫວັດ ຊ່ວຍວຽກພະແນກພະ ນັກງານ ຫ້ອງການເມືອງ ກອງ ບັນຊາການທະຫານແຂວງຫຼວງພະບາງ ໄດ້ຜ່ານຂໍ້ຕົກລົງ ຂອງກອງບັນຊາການທະຫານແຂວງຫຼວງພະບາງ ວ່າດ້ວຍການແຕ່ງ ຕັ້ງ ສະຫາຍ ພັນຕີ ບຸນທອນ ສໍລະມີ ເປັນຮອງຫົວໜ້າການທະ ຫານ ກອງຮ້ອຍປ້ອງກັນທີ່ຕັ້ງ, ຈາກນັ້ນ, ສະຫາຍ ພັນຕີ ອ່ອນຫຼ້າ ປັນຍາລຸ້ງ ຮອງຫົວໜ້າພະແນກຈັດຕັ້ງພັກ ໄດ້ຜ່ານມະຕິຕົກລົງ ຂອງຄະນະພັກກອງບັນ ຊາການທະຫານແຂວງຫຼວງພະ ບາງ ວ່າດ້ວຍການບົ່ງຕົວແຕ່ງ ຕັ້ງ ສະຫາຍ ພັນຕີ ບຸນທອນ ສໍລະມີ ເປັນກຳມະການໜ່ວຍພັກ ກອງຮ້ອຍປ້ອງກັນທີ່ຕັ້ງ ກອງບັນຊາການທະຫານແຂວງຫຼວງພະບາງ ຕື່ມອີກ.
ສະຫາຍ ພັນໂທ ສົມໄຈ ສີສະຫັວດ ໄດ້ເນັ້ນໜັກໃຫຜູ້ທີ່ໄດ້ຮັບການແຕ່ງຕັ້ງໜ້າທີ່ໃໝ່ ຈົ່ງເພີ່ມທະວີຍົກສູງບົດບາດຕໍ່ໜ້າທີ່ການ ເມືອງຂອງຕົນ, ປັບປຸງແບບ ແຜນວິທີການເຮັດວຽກເປັນໝູ່ຄະນະ, ມີຈັນຍາບັນໜັກແໜ້ນ, ໂປ່ງໃສ, ເອກະພາບໝູ່ຄະນະ ເສີມ ຂະຫຍາຍມູນເຊື້ອຄວາມສາມັກ ຄີພາຍໃນເປັນປຶກແຜນ, ເປັນເສນາທິການໃຫ້ແກ່ຄະນະພັກຂັ້ນເທິງທາງດ້ານວຽກງານວິຊາ ສະເພາະ, ສຶກສາອົບຮົມການ ເມືອງ-ນຳພາແນວຄິດໃຫ້ພະນັກ ງານ-ນັກຮົບ ປຸກລະດົມກຳລັງແຮງສັງລວມເຮັດສຳເລັດໜ້າທີ່, ເຝິກຝົນຫຼໍ່ຫຼອມຄຸນສົມບັດ, ສິນທຳປະຕິວັດ, ສຸມສະຕິປັນຍາປະກອບສ່ວນກໍ່ສ້າງກົມກອງໃຫ້ມີຄວາມເຕີບໃຫຍ່ເຂັ້ມແຂງ, ເຊີດຊູນ້ຳໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.
ໂດຍ: ແສງເດືອນ ປັນຍາສິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
