ວັນອາທິດ, ວັນທີ 01 ທັນວາ 2024
ຫົວໜ້າກົມ 49 ພົບປະໂອ້ລົມນາຍ ແລະ ພົນທະຫານ ກອງຮ້ອຍ26
ເວລາອອກຂ່າວ: 2024-11-11 13:40:53 | ຜູ້ຂຽນ : admin2 | ຈຳນວນຄົນເຂົ້າຊົມ: 610 | ຄວາມນິຍົມ: 
ໃນວັນທີ 8 ພະຈິກ 2024ນີ້, ສະຫາຍ ພົນຈັດຕະວາ ບຸນຕຽນ ໄຊຍໍາວົງທັນ ຫົວໜ້າກົມ 49, ໄດ້ລົງເຄື່ອນໄຫວພົບປະໂອ້ລົມ ຄະນະພັກ-ຄະນະບັນຊາ ແລະ ພະນັກງານ-ນັກຮົບ ຢູ່ກອງຮ້ອຍ 26 ກອງບັນຊາການທະຫານແຂວງຫຼວງນໍ້າທາ. ເນື່ອງໃນໂອກາດທີ່ສະຫາຍໄດ້ຖືກແຕ່ງຕັ້ງຍົກຍ້າຍໄປຮັບໜ້າທີ່ໃໝ່ ເປັນຫົວໜ້າກົມ 49, ມີສະຫາຍ ພັນໂທ ຕຸ້ຍ ຄິດທະໄຊ ຮອງຫ້ອງເສນາທິການທະຫານແຂວງ, ມີຄະນະພັກ-ຄະນະບັນຊາ, ພະແນກການທີ່ກຽ່ວຂ້ອງ, ພ້ອມດ້ວຍພະນັກງານ-ນັກຮົບ ກອງຮ້ອຍ 26 ເຂົ້າຮ່ວມ.
ສະຫາຍ ຫົວໜ້າກົມ 49 ໄດ້ສະແດງຄວາມຢື້ຢາມຖາມຂ່າວອັນອົບອຸ່ນມາຍັງຄະນະພັກ-ຄະນະບັນຊາ, ພະນັກງານ-ນັກຮົບ ພ້ອມທັງສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນງານ, ໄຊຊະນະທີ່ກົມກອງຍາດມາໄດ້. ພ້ອມດຽວກັນນີ້, ສະຫາຍຍັງໄດ້ຮຽກຮ້ອງໃຫ້ຄະນະພັກ-ຄະນະບັນຊາ, ພະນັກງານ-ນັກຮົບແຕ່ລະສະຫາຍ ຕ້ອງເປັນເຈົ້າການສຶກສາອົບຮົມການເມືອງ-ແນວຄິດເປັນບັນຫາສຳຄັນຕິດພັນກັບການປັບປຸງລະບຽບແບບແຜນ, ຝຶກແອບຮໍ່າຮຽນການເມືອງ-ການທະຫານ, ພະລາທິການ-ເຕັກນິກ ແລະ ວິຊາສະເພາະຂອງກົມກອງໃຫ້ມີຄວາມຊໍານິຊໍານານ, ເປັນກໍາລັງຫຼັກແຫຼ່ງໃນການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ຫັນເອົາກຳລັງລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ໃຫ້ແຂງແຮງກວ່າເກົ່າ ເດັດດ່ຽວຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ທີ່ກໍ່ໃຫ້ເກີດຄວາມບໍ່ສະຫງົບ. ເອົາໃຈໃສ່ປັບປຸງແບບແຜນວິທີເຮັດວຽກ, ແບບແຜນນຳພາທີ່ດີຂອງຄະນະພັກ-ຄະນະບັນຊາແຕ່ລະຂັ້ນໃຫ້ມີຄວາມເປັນເອກະພາບ, ຖືກຕ້ອງ, ສອດຄ່ອງກັບຈຸດພິເສດເງື່ອນໄຂຕົວຈິງຂອງກົມກອງ, ໄປພ້ອມກັນນັ້ນກໍ່ໃຫ້ຂຸດຄົ້ນທ່າແຮງບົ່ມຊ້ອນ ແລະ ຄວາມອາດສາມາດທີ່ມີ ເພື່ອແກ້ໄຂຊີວິດການເປັນຢູ່ຂອງກົມກອງ ໃຫ້ມີຄວາມເຂັ້ມແຂງ-ໜັກແໜ້ນ ຕາມທິດທາງກໍ່ສ້າງກອງທັບປະຕິວັດ ມີລະບຽບແບບແຜນ ແລະ ທັນສະໄໝເທື່ອລະກ້າວ.
ໂດຍ: ບຸນມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
