POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 02 ທັນວາ 2024

ການເພີ່ມທະວີການນຳພາ ຂອງພັກ ຕໍ່ກອງທັບ ແມ່ນປັດໄຈສຳຄັນຕົ້ນຕໍ
ເວລາອອກຂ່າວ: 2024-11-11 09:05:00 | ຜູ້ຂຽນ : admin3 | ຈຳນວນຄົນເຂົ້າຊົມ: 109 | ຄວາມນິຍົມ:

ຜ່ານຂະບວນວິວັດແຫ່ງການສູ້ຮົບ ແລະ ກໍ່ສ້າງກອງທັບ ປະຊາຊົນລາວ ໃນຕະຫຼອດກວ່າ ເຄິ່ງສະຕະວັດທີ່ຜ່ານມາ ກອງທັບປະຊາຊົນລາວໄດ້ຮັບການຍ້ອງຍໍສັນລະເສີນຈາກພັກ-ລັດ ກໍຄືປະຊາຊົນບັນດາເຜົ່າ ແລະ ຊາວໂລກ ວ່າ: ເປັນກອງທັບພິລະອາດຫານ, ເປັນກອງທັບວີລະຊົນ ຂອງຊາດລາວວີລະຊົນ ມູນເຊື້ອອັນສະຫງ່າລາສີທີ່ກອງທັບປະຊາຊົນລາວສ້າງມາໄດ້ນັ້ນ ປັດໄຈສຳຄັນຕົ້ນຕໍ ແມ່ນຍ້ອນການນຳພາຂອງພັກປະຊາຊົນປະຕິ ວັດລາວ. ການນຳພາໂດຍກົງເດັດຂາດ ແລະ ຮອບດ້ານຂອງພັກ ເປັນປັດໄຈຕັດສິນທາດແທ້ປະຕິວັດ ແລະ ເປັນຕົ້ນກຳເນີດຕົ້ນຕໍ ຂອງກຳລັງແຮງສູ້ຮົບ ຂອງກອງທັບປະຊາຊົນລາວ ພັກໄດ້ກຳແໜ້ນ ແລະ ໝູນໃຊ້ທິດສະດີຕໍ່ສູ້ປະຕິວັດຂອງລັດທິມາກ-ເລນິນ ເຂົ້າໃນເງື່ອນໄຂຕົວຈິງຂອງປະເທດເຮົາຢ່າງຖືກຕ້ອງ ແລະ ປະດິດສ້າງ ພັກຢືນຢັນວ່າ ຕ້ອງໃຊ້ກຳລັງຮຸນແຮງປະຕິວັດ ເພື່ອເອົາຊະນະກຳລັງຮຸນແຮງປະຕິການ ແລະ ຖືວ່າ ກອງທັບປະຕິວັດ (ກອງທັບປະຊາຊົນລາວ) ແມ່ນເຄື່ອງມືອັນແຫຼມຄົມທີ່ຮັບປະກັນໄຊຊະນະໃນພາລະກິດປົດປ່ອຍຊາດ ກໍຄືໃນພາລະກິດປົກປັກຮັກສາ ແລະ ສ້າງສາປະເທດຊາດ ໃນແນວທາງດ້ານການທະຫານ ແລະ ການເມືອງຂອງຕົນ ພັກໄດ້ວາງຈຸດໝາຍຕໍ່ສູ້ຍາວນານ ກຳນົດເປົ້າໝາຍ ມິດ ແລະ ສັດຕູກໍຄືເປົ້າໝາຍສູ້ຮົບປະຈັນບານໃນແຕ່ລະໄລຍະຂອງສົງຄາມຢ່າງຈະແຈ້ງ ບໍ່ວ່າຈະຢູ່ໃນໄລຍະໃດ ພັກກໍເປັນທັງຜູ້ນຳພາ-ຊີ້ນໍາໂດຍກົງ ເຝິກຝົນຫຼໍ່ຫຼອມ ແລະ ກຽມພ້ອມສູ້ຮົບໃນທຸກດ້ານ ທັງເປັນຜູ້ນຳພາ ແລະ ຈັດຕັ້ງໂດຍກົງກຳລັງຂອງປະຊາຊົນຮ່ວມກັບກອງທັບ ບຸກໂຈມຕີສັດຕູດ້ວຍກຳລັງແຮງສັງລວມອັນໃຫຍ່ຫຼວງຂອງສົງຄາມປະຊາຊົນ. ນໍ້າໃຈປະຕິວັດບຸກ ແລະ ຍຸດທະວິທີປະຕິວັດອັນປະດິດສ້າງຂອງພັກ ແມ່ນບ່ອນອີງອັນໜັກແໜ້ນໃຫ້ແກ່ກອງທັບ ໃນການແກ້ໄຂບັນຫາຕ່າງໆ ກ່ຽວກັບສິລະປະຍຸດໃນການສູ້ຮົບຢ່າງຖືກຕ້ອງ ຮັບປະກັນໃຫ້ການສູ້ຮົບ ແລະ ປະຕິບັດໜ້າທີ່ວຽກງານປະສົບຜົນສຳເລັດ ແລະ ໄຊຊະນະຢ່າງສະຫງ່າງາມ. ການນຳພາຂອງພັກ ຍັງເປັນກົກຂອງຄວາມເປັນເອກະລາດລະຫວ່າງປະຊາຊົນລາວບັນດາເຜົ່າ ກັບກຳລັງປະກອບອາວຸດປະຕິວັດລາວ ພັກໄດ້ຈັດຕັ້ງ ແລະ ກໍ່ສ້າງກອງທັບທີ່ມີທາດແທ້ປະຕິວັດອັນຄົບຖ້ວນສົມບູນ ແລະ ມີລັກສະນະປະຊາຊົນຢ່າງແທ້ຈິງ ເຊິ່ງໄດ້ສະແດງອອກ ທັງໃນດ້ານຈຸດໝາຍແຫ່ງການຕໍ່ສູ້ ທັງໃນດ້ານການຈັດຕັ້ງກຳລັງ ກໍຄື ສິລະປະຍຸດໃນການຕີສັດຕູ ດ້ວຍເຫດນັ້ນ ສາຍພົວພັນລະ ຫວ່າງກອງທັບ ກັບ ປະຊາຊົນຈຶ່ງເປັນສາຍພົວພັນແບບກາຍອິນຊີ ເໝືອນດັ່ງປາກັບນ້ຳ ຮ່ວມເປັນຮ່ວມຕາຍນຳກັນໃນທຸກໄລຍະແຫ່ງການຕໍ່ສູ້ຕ້ານສັດຕູລວມຂອງຊາດ ອັນນີ້ແມ່ນໜຶ່ງໃນບັນດາປັດໄຈຕັດສິນການຄົງຕົວຂະຫຍາຍຕົວ ແລະ ສູ້ຮົບມີໄຊຂອງກອງທັບປະຊາຊົນລາວ. ຍ້ອນແນວນັ້ນ ກອງທັບປະຊາ ຊົນລາວ ຈຶ່ງມີບໍລິສຸດສັດຊື່ພັກ ຕໍ່ປະເທດຊາດ ແລະ ປະຊາຊົນຢ່າງເດັດຂາດ ອັນນັ້ນທັງເປັນທາດແທ້ຂອງມູນເຊື້ອ ທັງເປັນຫຼັກການພື້ນຖານໃນການນຳພາສູ້ຮົບ ແລະ ກໍ່ສ້າງກຳລັງຂອງກອງທັບປະຊາຊົນລາວ.

news to day and hot news