ວັນອາທິດ, ວັນທີ 01 ທັນວາ 2024
ປະກາດການບົ່ງຕົວແຕ່ງຕັ້ງຄະນະໜ່ວຍພັກທີ III ຄະນະພັກຮາກຖານ ຫ້ອງເຕັກນິກ ທະຫານແຂວງເຊກອງ
ເວລາອອກຂ່າວ: 2024-11-11 08:54:42 | ຜູ້ຂຽນ : admin1 | ຈຳນວນຄົນເຂົ້າຊົມ: 406 | ຄວາມນິຍົມ: 
ໃນວັນທີ 6 ພະຈິກ 2024, ຄະນະພັກຮາກຖານ ຫ້ອງເຕັກນິກ ກອງບັນຊາການທະຫານແຂວງເຊກອງ ໄດ້ປະກາດການບົ່ງຕົວແຕ່ງຕັ້ງຄະນະໜ່ວຍພັກທີ III ທີ່ຂຶ້ນກັບຄະນະພັກຮາກຖານຫ້ອງເຕັກນິກ ໂດຍການເປັນປະທານຂອງ ສະຫາຍ ພັນໂທ ກຸນໄຊ ກຸດດາລາດ ກຳມະການຄະນະພັກຮາກຖານ, ຮອງຫົວໜ້າຫ້ອງເຕັກນິກ ທະຫານແຂວງເຊກອງ, ມີບັນດາຄະນະໜ່ວຍພັກ, ສະມາ ຊິກພັກພາຍໃນໜ່ວຍ ແລະ ແຂກຖືກເຊີນ ເຂົ້າຮ່ວມ.
ສະຫາຍ ພັນໂທ ບັນດິດ ວົງໜໍ່ແກ້ວ ປະທານຄະນະກຳມະການກວດກາພັກ ໄດ້ຜ່ານມະຕິຕົກລົງ ຂອງຄະນະພັກກອງບັນຊາການທະຫານແຂວງເຊກອງ ວ່າດ້ວຍການບົ່ງຕົວແຕ່ງຕັ້ງຄະນະໜ່ວຍພັກທີ III, ອີງຕາມກົດລະບຽບຂອງພັກ ສະໄໝທີ XI ວ່າດ້ວຍການບົ່ງຕົງແຕ່ງຕັ້ງ, ຍົກຍ້າຍ ແລະ ການສິ້ນສຸດເປັນຄະ ນະພັກ, ອີງຕາມຄວາມຮຽກຮ້ອງຕ້ອງການຂອງໜ້າທີ່ການ ເມືອງໃນໄລຍະໃໝ່ ແລະ ຍາວນານ, ຄະນະພັກກອງບັນຊາການທະຫານແຂວງເຊກອງ ຕົກລົງບົ່ງຕົວແຕ່ງຕັ້ງຄະນະໜ່ວຍພັກທີ III ຂຶ້ນກັບຄະນະພັກຮາກຖານ ຫ້ອງເຕັກນິກ ບົ່ງຕົວແຕ່ງຕັ້ງ ສະຫາຍ ພັນຕີ ຄູນຄຳ ເຕີຍສະຫວາດ ເປັນເລຂາ, ສະຫາຍ ພັນຕີ ພຸດທະວັນຂຸນນາລາ ເປັນຮອງເລຂາ ແລະ ສະຫາຍ ພັນຕີ ສຸວັນແກ້ວ ແສງຈະເລີນເປັນກຳມະການ.
ສະຫາຍ ພັນໂທ ກຸນໄຊ ກຸດດາລາດ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ເຮັດສຳເລັດໃນໄລຍະຜ່ານມາ, ພ້ອມທັງຮຽກຮ້ອງໃຫ້ ຄະນະໜ່ວຍພັກທີ III ຊຸດໃໝ່ ຈົ່ງພ້ອມກັນເອົາໃຈໃສ່ໃນການເຮັດສຳເລັດໜ້າທີ່ການເມືອງຂອງຕົນຢ່າງຕັ້ງໜ້າ, ຮັກສາມູນເຊື້ອອັນດີງາມ, ຄວາມສາມັກຄີພາຍໃນໃຫ້ແໜ້ນແຟ້ນ, ພາຍນອກໃຫ້ກວ້າງຂວາງ ສືບຕໍ່ສຶກສາອົບຮົມການເມືອງ-ນຳພາແນວຄິດ ໃຫ້ເຂັ້ມແຂງ, ໜັກແໜ້ນ, ຍົກສູງສະຕິລະວັງຕົວເປັນເຈົ້າການໃນການປັບປຸງແກ້ໄຂແບບແຜນວິທີເຮັດວຽກລວມສູນປະຊາທິປະໄຕ, ເຮັດວຽກເປັນໝູ່ຄະນະ ເພື່ອເຮັດປະເທດຊາດບ້ານເມືອງ ກໍຄືກົມກອງ ໂດຍສະ ເພາະ ຄະນະໜ່ວຍພັກທີ III ໃຫ້ມີຄວາມສະຫງົບໂດຍພື້ນຖານ.
ໂດຍ: ມິຕິ ທ່ອນມະນີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
