ວັນອາທິດ, ວັນທີ 01 ທັນວາ 2024
ກອງພັນ 619 ທະຫານແຂວງບໍລິຄຳໄຊ ເຜີຍແຜ່ເອກະສານແຜນແມ່ບົດ ວ່າດ້ວຍການສ້າງຄູ່ຮ່ວມຊະຕາກຳ ລາວ-ຈີນ
ເວລາອອກຂ່າວ: 2024-11-11 08:53:34 | ຜູ້ຂຽນ : admin1 | ຈຳນວນຄົນເຂົ້າຊົມ: 380 | ຄວາມນິຍົມ: 
ໃນວັນທີ 6 ພະຈິກ 2024, ກອງພັນ 619 ກອງບັນຊາການທະຫານແຂວງບໍລິຄຳໄຊ ໄດ້ເຜີຍແຜ່ເຊື່ອມຊຶມ ເອກະສານແຜນແມ່ບົດ ວ່າດ້ວຍການສ້າງຄູ່ຮ່ວມຊະຕາກຳ ລາວ-ຈີນ ສະບັບປີ 2024-2028, ໂດຍການເປັນປະທານ ແລະ ເຜີຍແຜ່ເອກະສານ ຂອງສະຫາຍ ພັນໂທ ຈອນຕັນທະລີວົງ ຫົວໜ້າການເມືອງກອງພັນ 619, ມີຄະນະພັກ-ຄະ ນະບັນຊາ ພ້ອມດ້ວຍພະນັກງານ-ນັກຮົບ ເຂົ້າຮ່ວມ.
ການເຜີຍແຜ່ເອກະສານແຜນແມ່ບົດ ວ່າດ້ວຍການສ້າງຄູ່ຮ່ວມ ຊະຕາກຳ ລາວ-ຈີນ ສະບັບປີ 2024-2028 ເພື່ອແນໃສ່ເຮັດໃຫ້ ນາຍ ແລະ ພົນທະຫານ ມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ ກ່ຽວກັບສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອມາດົນນານ ລະຫວ່າງ ສອງພັກ, ສອງລັດ, ປະຊາຊົນສອງຊາດ ລາວ-ຈີນ, ທັງເປັນການສ້າງຄວາມຮັບຮູ້ຢ່າງເລິກເຊິ່ງ, ຖືກຕ້ອງ, ກ່ຽວກັບການສ້າງຄູ່ຮ່ວມຊະຕາກຳ ລາວ-ຈີນ ແລະ ກຳແໜ້ນເນື້ອໃນຈິດໃຈ ຂອງການສ້າງຄູ່ຮ່ວມຊະຕາກຳ ລາວ-ຈີນ ເພື່ອຜັນຂະ ຫຍາຍເນື້ອໃນດັ່ງກ່າວໃຫ້ປະກົດຜົນເປັນຈິງໃນອະນາຄົດຕໍ່ໜ້າ ແລະ ຍາວນານ.
ໂດຍ: ນ້ອຍ ບານທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
