ວັນຈັນ, ວັນທີ 02 ທັນວາ 2024
ຄະນະຄອບຄົວ ນາຍທະຫານຂັ້ນສູງ ກອງທັບ ສສ ຫວຽດນາມ ຢ້ຽມຢາມ ທະຫານແຂວງຈໍາປາສັກ
ເວລາອອກຂ່າວ: 2024-11-08 11:08:20 | ຜູ້ຂຽນ : admin2 | ຈຳນວນຄົນເຂົ້າຊົມ: 1205 | ຄວາມນິຍົມ: 
ວັນທີ 07 ພະຈິກ 2024 ນີ້, ສະຫາຍ ພົນຈັດຕະວາ ວິລະຕູ່ ວໍລະຈິດ ຫົວໜ້າການເມືອງກອງບັນຊາການທະຫານແຂວງຈໍາປາສັກ ພ້ອມຄະນະຄະນະພັກ-ຄະນະບັນຊາ ໄດ້ຕ້ອນຮັບຄະນະພັກແລ້ງ ຄອບຄົວນາຍທະຫານຂັ້ນສູງ ກອງທັບປະຊາຊົນຫວຽດນາມ ທີ່ເດີນທາງມາຢ້ຽມຢາມ ກອງບັນຊາການທະຫານແຂວງຈໍາປາສັກ, ເຊິ່ງ ນຳໂດຍ ສະຫາຍ ພັນເອກ ພິເສດ ຟາມຊວນຮືງ ອະດີດ ຮອງກອງບັນຊາການເຫຼົ່າລົບເຄມີສາດ ກອງທັບປະຊາຊົນຫວຽດນາມ ພ້ອມດ້ວຍຄະນະ.
ສະຫາຍ ພົນຈັດຕະວາ ວິລະຕູ່ ວໍລະຈິດ ຕາງໜ້າໃຫ້ຄະນະ ກ່າວສະແດງຄວາມຮູ້ສຶກພາກພູມໃຈ ແລະ ຍີນດີຕ້ອນຮັບຢ່າງອົບອຸ່ນ ພ້ອມທັງຕີລາສູງຕໍ່ການມາຢ້ຽມຢາມ ແລະ ທ່ອງທ່ຽວຢູ່ແຂວງຈໍາປາສັກ ຂອງຄອບຄົວນາຍທະຫານຂັ້ນສູງ ກອງທັບປະຊາຊົນຫວຽດນາມ ໃນຄັ້ງນີ້ ເຊິ່ງເປັນຂີດໝາຍອັນສຳຄັນໃຫ້ແກ່ການເສີມຂະຫຍາຍສາຍພົວພັນ ມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ,ສອງກອງທັບ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວ ເວົ້າສະເພາະ ກອງບັນຊາການທະຫານແຂວງຈໍາປາສັກ ກັບ ຄະນະຜູ້ແທນ ອະດີດນາຍທະຫານຂັ້ນສູງ ກອງທັບປະຊາຊົນຫວຽດນາມ ໃຫ້ນັບມື້ນັບດີຂຶ້ນ, ພ້ອມທັງຈະສືບຕໍ່ປົກປັກຮັກສາ ແລະ ພັດທະນາການພົວພັນຮ່ວມມືຮອບດ້ານເຊິ່ງກັນ ແລະ ກັນ ໃຫ້ເຕີມໃຫຍ່ເຂັ້ມແຂງຂຶ້ນຢ່າງບໍ່ຢຸດຢັ້ງ.
ສະຫາຍ ພັນເອກ ພິເສດ ຟາມຊວນຮືງ ກໍ່ໄດ້ຕາງໜ້າໃຫ້ຄະນະ ກ່າວສະແດງຄວາມຂອບໃຈ ຄະນະພັກ-ຄະນະບັນຊາ ກອງບັນຊາການທະຫານແຂວງຈໍາປາສັກ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ພ້ອມທັງອວຍພອນໄຊອັນປະເສີດ ໃຫ້ຄະນະພັກ-ຄະນະບັນຊາ ຕະຫຼອດຮອດພະນັກງານ-ນັກຮົບ ທົ່ວກອງບັນຊາການທະຫານແຂວງຈໍາປາສັກ ຈົ່ງມີສຸຂະພາບເຂັ້ມແຂງ, ເຮັດສຳເລັດໜ້າທີ່ການເມືອງຂອງຕົນ, ສືບຕໍ່ປົກປັກຮັກສາ ແລະ ເສີມຂະຫຍາຍຄວາມສາມັກຄີແບບພິເສດ, ການຮ່ວມມືຮອບດ້ານ ລະຫວ່າງສອງຊາດ ລາວ-ຫວຽດນາມ, ຫວຽດນາມ-ລາວ ໃຫ້ໝັ້ນຄົງທະນົງແກ່ນຕະຫຼອດໄປ.
ຂ່າວ : ດາວົງ ບຸດຕະວົງ
ພາບ: ດາວົງ ບຸດຕະວົງ, ນາງ ສີລິຄານ ສີດາວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
