ວັນຈັນ, ວັນທີ 02 ທັນວາ 2024
ງານວາງສະແດງສິນຄ້າ ໃນໂອກາດບຸນນະມັດສະການ ພະທາດຫຼວງວຽງຈັນ ປະຈຳປີ 2024
ເວລາອອກຂ່າວ: 2024-11-08 10:48:12 | ຜູ້ຂຽນ : admin3 | ຈຳນວນຄົນເຂົ້າຊົມ: 143 | ຄວາມນິຍົມ: 
ທ່ານ ນາງ ວັນມະນີ ພິມມະສານ ຫົວໜ້າພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ໄດ້ໃຫ້ຮູ້ວ່າ: ງານວາງສະແດງ ແລະ ຈຳໜ່າຍສິນຄ້າ ໃນບຸນນະມັດສະການພະທາດຫຼວງວຽງຈັນ ປະຈຳປີ 2024 ຢູ່ເດີ່ນສະໜາມຫຼວງ ຈະຈັດຂຶ້ນໃນລະຫວ່າງວັນທີ 11-15 ພະຈິກ, ຄາດຄະເນວ່າຈະມີຫ້ອງວາງສະແດງທັງໝົດ 1.625 ຫ້ອງ ໃນນັ້ນ, ຈະມີຫ້ອງວາງສະແດງສິນຄ້າໂອດັອບ, ຄອບຄົວຕົວແບບ, ສິນຄ້າອຸດສາຫະກຳ, ສິນຄ້າການບໍລິການຮູບແບບທັນສະໄໝ, ຫ້ອງວາງສະແດງປະຫວັດຄວາມເປັນມາຂອງພະທາດຫຼວງວຽງຈັນ, ວາງສະແດງທາງດ້ານວັດທະນະທຳ ທີ່ເປັນຈຸດເດັ່ນຂອງງານ. ສ່ວນຈຸດອື່ນໆ ກໍມີກິດຈະກຳຂາຍສິນຄ້າ, ການບໍລິການອາຫານ, ບ່ອນຫຼິ້ນສຳລັບເດັກ ແລະ ກິດຈະກຳອື່ນໆ.
ສ່ວນຢູ່ສູນການຄ້າ ລາວ-ໄອເຕັກ ຈະຈັດຂຶ້ນ ໃນລະຫວ່າງວັນທີ 9-17 ພະຈິກ, ສາມາດຮອງຮັບຮ້ານວາງສະແດງ ໄດ້ 381 ຫ້ອງ ເຊິ່ງຈະມີການຂາຍສິນຄ້າປະເພດຕ່າງໆ ຂອງບັນດາບໍລິ ສັດ ຂາອອກ-ຂາເຂົ້າ ປະກອບມີສິນຄ້າທົ່ວໄປ, ເຄື່ອງໄອທີ, ສິນຄ້າໂອດັອບ ແລະ ທຸລະກິດຂະໜາດນ້ອຍ-ກາງ, ເຟີນີເຈີ, ລົດຈັກ ແລະ ລົດໃຫຍ່ ໃນນີ້, ປະກອບມີເຂດອາຫານ ແລະ ເຂດວາງສະແດງຂອງບັນດາປະເທດອາຊຽນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
