ວັນຈັນ, ວັນທີ 02 ທັນວາ 2024
ກອງພົນທີ 1 ສະຫຼຸບວຽກງານປ້ອງກັນ ກອງປະຊຸມອາຊຽນ ຄັ້ງທີ 44-45
ເວລາອອກຂ່າວ: 2024-11-08 09:37:12 | ຜູ້ຂຽນ : admin2 | ຈຳນວນຄົນເຂົ້າຊົມ: 960 | ຄວາມນິຍົມ: 
ວັນທີ 7 ພະຈິກ 2024 ນີ້, ກອງພົນທີ 1 ໄດ້ສະຫຼຸບວຽກງານປ້ອງກັນ ກອງປະຊຸມອາຊຽນ ຄັ້ງທີ 44-45 ໂດຍເປັນປະທານ ຂອງສະຫາຍ ພົນຈັດຕະວາ ອຸ່ນຈັນ ແດງວັນສົມ ຫົວໜ້າການທະຫານກອງພົນທີ 1 , ມີບັນດາ ຄະນະພັກ-ຄະນະບັນຊາ ອົງການ 05 ຫ້ອງ ແລະ ພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ພັນໂທ ເພັດຈິນດາ ປັງຊະໄລ ຫົວໜ້າພະແນກສູ້ຮົບ ໄດ້ຂຶ້ນສະຫຼຸບໂດຍຫຍໍ້ ໃນການຈັດຕັ້ງປ້ອງກັນກອງປະຊຸມ ອາຊຽນຄັ້ງທີ 44-45 ຂອງກອງພົນທີ 1, ນັບແຕ່ໄດ້ມີ ຄຳສັງຂອງກົມໃຫຍ່ເສນາທິການກອງທັບ ວ່າດ້ວຍໃຫ້ບັນດາກົມກອງຫັນຈາກພາວະກຽມພ້ອມສູ້ຮົບປົກກະຕິຂຶ້ນສູ່ພາວະກຽມພ້ອມສູ້ຮົບ ເພີ່ມທະວີ ແລະ ພາວະກຽມພ້ອມສູ້ຮົບຄົບຖ້ວນ, ເພື່ອເຮັດໜ້າທີ່ປ້ອງກັນກອງປະຊຸມອາຊຽນ ຄັ້ງທີ 44-45 ນັບແຕ່ວັນທີ 8 ສິງຫາ-ວັນທີ 13 ຕຸລາ 2024 ເປັນຕົ້ນມາ, ເຫັນວ່າ ພະນັກງານ-ນັກຮົບທົ່ວກອງພົນ ແມ່ນມີຄວາມອຸ່ນອຽງທຸ່ນທ່ຽງ, ມີສະຕິກຽມພ້ອມສູ້ຮົບສູງ ແລະ ພ້ອມກັນຈັດຕັ້ງປະຕິບັດຕໍ່ຂໍ້ກຳນົດກົດລະບຽບຂອງກອງທັບວາງອອກໄດ້ຢ່າງເຂັ້ມງວດ, ພ້ອມນັ້ນກໍ່ໄດ້ເອົາໃຈໃສ່ຕໍ່ການຕິດຕາມສະພາບການຮອບດ້ານ, ເອົາໃຈໃສ່ຕໍ່ລະບອບສອງແສງລາຍງານເປັນປົກກະຕິ, ແຕ່ລະກົມກອງໄດ້ມີການເຄື່ອນໄຫວ ສາລະເວຢູຈຸດຫຼໍແຫຼມຕ່າງໆທີ່ກອງພົນຮັບຜິດຊອບຢູ່ 02 ແຂວງຄື: ແຂວງວຽງຈັນ ແລະ ແຂວງໄຊສົມບູນ ມີຄວາມສະຫງົບດ້ວຍພື້ນຖານ, ໄດ້ຊີ້ນຳບັນດາ ຈຸສິດປະຈຳການ ຢູ່ສູນບັນຊາກອງພົນໄດ້ຕິດຕາມລາຍງານສະພາບຂອງກົມກອງ ຢ່າງຕໍ່ເນື່ອງ ແລະ ຊີ້ນຳບັນດາກົມກອງເອົາໃຈໃສ່ຄຸ້ມຄອງ ຕໍ່ກຳລັງກຽມພ້ອມສູ້ຮົບຂອງຕົນ ໃຫ້ຮັບປະກັນໄດ້ຕະຫຼອດ 24 ຊົ່ວໂມງ. ຈາກນັ້ນຄະນະພັກ-ຄະນະບັນແຕ່ລະກົມກອງ ໄດ້ຜັດປ່ຽນກັນປະກອບຄຳຄິດເຫັນ ສ່ອງແສງລາຍງານສະພາບກົມກອງຂອງຕົນ ທັງເປັນການຖອດຖອນບົດຮຽນເຊິ່ງກັນ ແລະ ກັນ ເພື່ອເປັນແນວທາງແກ້ໄຂຂໍ້ຄົງຄ້າງໃນໄລຍະຜ່ານມາ.
ຂຽນໂດຍ: ຄຳພຸດ ພານຸວົງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
