ວັນຈັນ, ວັນທີ 02 ທັນວາ 2024
ສົມເປັນກຳລັງແຮງສັງລວມຂອງກົມກອງ
ເວລາອອກຂ່າວ: 2024-11-06 09:10:25 | ຜູ້ຂຽນ : admin1 | ຈຳນວນຄົນເຂົ້າຊົມ: 1286 | ຄວາມນິຍົມ: 
ສະຫາຍ ພັນໂທ ສີອຳພອນ ແກ້ວຫຼວງເດດ ຫົວໜ້າພະແນກ ຊາວໜຸ່ມ ກົມໃຫຍ່ພະລາທິການ ກອງທັບ ໃຫ້ຮູ້ວ່າ: ການເຄື່ອນ ໄຫວຈັດຕັ້ງປະຕິບັດວຽກງານ ຊາວໜຸ່ມ ທົ່ວກົມໃຫຍ່ພະລາທິ ການກອງທັບ ໃນໄລຍະ 5 ປີ ຜ່ານມາ 2019-2024 ເຊິ່ງອົງ ການຈັດຕັ້ງຊາວໜຸ່ມທຸກຂັ້ນ ໄດ້ ສຸມໃສ່ປະຕິບັດເນື້ອໃນຂໍ້ແຂ່ງ ຂັນ 4 ບຸກຂອງສູນກາງຊາວໜຸ່ມປະຊາຊົນ ປະຕິວັດລາວວາງອອກ, ພາຍໃຕ້ການຊີ້ນຳ-ນຳ ພາຂອງຄະນະພັກ ກົມໃຫຍ່ພະ ລາທິການກອງທັບ, ຫ້ອງການຊາວໜຸ່ມກອງທັບ ກໍຄືຫ້ອງການ ເມືອງ ກົມໃຫຍ່ພະລາທິການກອງທັບ ເຮັດໃຫ້ບັນດາໜ້າວຽກທີ່ໄດ້ຮັບການມອບໝາຍຈາກຂັ້ນເທິງໄດ້ຮັບການຈັດຕັ້ງປະຕິບັດ ແລະ ມີຜົນສຳເລັດໃນແຕ່ລະໄລຍະ, ດ້ານການຈັດຕັ້ງ ແລະ ຈຳນວນສະມາຊິກ, ຊາວໜຸ່ມ ທົ່ວກົມໃຫຍ່ພະລາທິການ ປະກອບມີ 2 ພະແນກຂຶ້ນກັບຄື: ພະແນກຊາວໜຸ່ມໂຮງໝໍສູນກາງ 103 ກອງທັບ ມີ 42 ໜ່ວຍຊາວໜຸ່ມ ຂຶ້ນກັບ ແລະ ພະແນກຊາວໜຸ່ມ ວິທະຍາຄານການແພດກອງທັບ ມີ 13 ໜ່ວຍຂຶ້ນກັບ, ມີ 6 ຂະ ແໜງ 54 ໜ່ວຍຂຶ້ນກັບ, ມີ 6 ຄະ ນະບໍລິຫານງານ 24 ໜ່ວຍຂຶ້ນ ກັບ, ມີ 23 ໜ່ວຍຊາວໜຸ່ມເອ ກະລາດ ລວມໜ່ວຍທັງໝົດ 153 ໜ່ວຍ, ມີສະມາຊິກຊາວໜຸ່ມທັງໝົດ 2.621 ສະຫາຍ, ສະມາຊິກພັກ 1.164 ສະຫາຍ, ເພດຍິງ 1.315 ສະຫາຍ, ນຳສະເໜີຂັ້ນເທິງສ້າງຕັ້ງໜ່ວຍຊາວໜຸ່ມໃໝ່ 29 ໜ່ວຍ, 1 ຂະແໜງ, 1 ຄະນະບໍລິຫານງານຮາກຖານຊາວໜຸ່ມ, ຂົງເຂດວຽກງານການນຳພາ-ຊີ້ນຳ ໄດ້ຊີ້ນຳຄະນະໜ່ວຍຊາວໜຸ່ມແຕ່ລະຂັ້ນ ໄດ້ເອົາໃຈໃສ່ເຮັດວຽກງານສຶກສາອົບຮົມການເມືອງ-ແນວຄິດໃຫ້ຖັນແຖວສະມາຊິກຊາວໜຸ່ມ-ໄວໜຸ່ມ ຢູ່ກົມກອງຂອງຕົນເປັນກົກ, ຈັດຕັ້ງເຜີຍແຜ່, ເຊື່ອມຊຶມມະຕິຄຳສັ່ງຂອງພັກ, ຂໍ້ກຳນົດ, ກົດໝາຍຂອງລັດ ແລະ ລະບຽບວິໄນຂອງກອງທັບ ຕິດພັນກັບການຈັດຕັ້ງປາຖະກະຖາວັນປະຫວັດສາດທີ່ສຳຄັນຂອງຊາດ, ຂອງພັກ, ຂອງກອງທັບ, ຂະບວນການຮ່ຳຮຽນ, ຫັດແອບ, ການກຽມພ້ອມສູ້ຮົບ, ວຽກງານປ້ອງກັນຊາດ-ປ້ອງກັນຄວາມສະຫງົບ, ຂະບວນການຕອບບຸນແທນຄຸນ, ຂະບວນການແຮກສ່ຽວ, ກິລາ, ສິລະປະ-ວັນນະຄະດີ, ການເພີ່ມພູນຜະລິດຜົນ ແລະ ຂະບວນການອື່ນໆ ທີ່ປິ່ນອ້ອມໜ້າທີ່ການເມືອງຂອງກົມກອງ, ເຊິ່ງປັດຈຸບັນໄດ້ບຸກເບີກເນື້ອທີ່ທຳການຜະລິດ ລ້ຽງປາຈຳນວນ 15 ໜອງ, ປ່ອຍ ປາແລ້ວ 62.100 ໂຕ, ລ້ຽງງົວ, ໝູ, ແບ້ ລວມທັງໝົດ 94 ໂຕ, ລ້ຽງກົບ 13.421 ໂຕ, ນົກ ກະທາ 1.625 ໂຕ, ເປັດ 723 ໂຕ, ເກັບກູ້ພືດກິນໃບ, ກິນໝາກ ໄດ້ 8.525 ກິໂລກຣາມ, ອອກ ແຮງງານກໍ່ສ້າງ, ຂົນເຄື່ອງ, ຜະລິດຫັດຖະກຳ ແລະ ອື່ນໆ ສາມາດສ້າງລາຍຮັບໄດ້ຈຳນວນ ເງິນ 239.000.000 ກີບ, ຫຼາຍຄະນະໜ່ວຍຊາວໜຸ່ມ ໄດ້ຕັ້ງກອງທຶນຂອງຕົນຂຶ້ນ ເຊິ່ງມີຈຳນວນເງິນຝາກ 165.000.000 ກວ່າກີບ, ດ້ານວຽກງານກອງທຶນຮ່ວມພັດ ທະນາຊາວໜຸ່ມກອງທັບ, ມີຈຳ ນວນກົມກອງທີ່ເຂົ້າຮ່ວມກອງທຶນ ທັງໝົດ 24 ກົມກອງ, ມາຮອດປີ 2023 ມີຈຳນວນເງິນຝາກທັງໝົດ 413.160.000 ກີບ, ໃນຈຳນວນສະມາຊິກທັງໝົດ 2.008 ສະຫາຍ, ສາມາດປັນຜົນໃຫ້ຮາກຖານຊາວໜຸ່ມໃນໄລຍະ 5 ປີ ຈຳນວນເງິນ 210.258.000 ກີບ, ຂະບວນການ 4 ບຸກ ໄດ້ຮັບການຢັ້ງຢືນຮັບຮອງນາມມະຍຸດ 4 ບຸກ ຈາກ ກົມໃຫຍ່ການເມືອງກອງກັບ ປະ ຈຳປີ 2023 ໂດຍມີຂັ້ນພະແນກ 3 ໃບ, ຂັ້ນຂະແໜງ 5 ໃບ, ຂັ້ນຄະນະບໍລິຫານງານ 5 ໃບ, ຂັ້ນໜ່ວຍ 119 ໃບ, ລວມທັງໝົດ 133 ໃບ, ສ່ວນຂັ້ນສະມາຊິກປະເພດດີເດັ່ນ 4 ບຸກ ມີຈຳນວນ 2.534 ສະຫາຍ, ຈາກຜົນງານດັ່ງກ່າວຍັງໄດ້ຮັບຫຼຽນກາລະ ນຶກ 65 ປີ ແລະ ນາມມະຍົດ 4 ບຸກ ໃຫ້ກົມກອງລວມໝູ່ຕື່ມອີກ.
ສະຫາຍ ພັນໂທ ສີອຳພອນ ແກ້ວຫຼວງເດດ ຍັງໃຫ້ຮູ້ຕື່ມອີກວ່າ: ໃນຕໍ່ໜ້າຈະໄດ້ພ້ອມກັນເອົາໃສ່ ເຮັດສຳເລັດໜ້າທີ່ການເມືອງ ແລະ ວຽກງານວິຊາສະເພາະຂອງຕົນ ຕາມການຈັດຕັ້ງຂັ້ນເທິງມອບໝາຍໃຫ້, ສືບຕໍ່ຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານຂອງອົງຄະນະພັກກະຊວງປ້ອງກັນປະເທດ ຕິດພັນກັບຂະ
ບວນການຊາວໜຸ່ມ 4 ບຸກ ຂອງສູນກາງຊາວໜຸ່ມປະຊາຊົນປະຕິວັດລາວວາງອອກ, ບົນຈິດໃຈບຸກທະລຸໃຫ້ປະກົດຜົນເປັນຈິງ, ຕິດຕາມ, ກວດກາ ແລະ ຊີ້ນຳ-ຊຸກຍູ້ຂະບວນການຊາວໜຸ່ມຢູ່ແຕ່ລະຫົວ ໜ່ວຍກົມກອງຮາກຖານໃຫ້ມີບັນຍາກາດຟົດຟື້ນແຂງແຮງ, ສະຫຼຸບຖອດຖອນບົດຮຽນ, ສ່ອງແສງລາຍງານບັນດາໜ້າວຽກ ທີ່ໄດ້ເຄື່ອນໄຫວເປັນແຕ່ໄລຍະ, ເອົາໃຈໃສ່ສຶກສາອົບຮົມການ
ເມືອງ-ນຳພາແນວຄິດໃຫ້ຖັນແຖວສະມາຊິກຊາວໜຸ່ມ-ໄວໜຸ່ມດ້ວຍຫຼາຍຮູບການ-ວິທີການຢ່າງທົ່ວເຖິງ ເພື່ອປູກຈິດສຳນຶກໃຫ້ເຂົາເຈົ້າມີແນວຄິດຫຼັກໝັ້ນຊົນຊັ້ນຢ່າງເລິກ, ມີອຸດົມການປະຕິວັດທີ່ແທ້ຈິງ, ສັດຊື່, ບໍລິສຸດຕໍ່ພັກ, ຕໍ່ປະເທດຊາດ, ຕໍ່ປະຊາຊົນ ແລະ ກອງທັບ, ຕື່ນຕົວຫ້າວຫັນເຂົ້າໃນການປະກອບສ່ວນເຮັດໜ້າທີ່ປ້ອງກັນຊາດ-ປ້ອງກັນຄວາມສະຫງົບຢ່າງແຂງແຮງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
