ວັນສຸກ, ວັນທີ 04 ຕຸລາ 2024
ທະຫານແຂວງຫຼວງນໍ້າທາ ເຜີຍແຜ່ເອກະສານ ແຜນແມ່ບົດ ວ່າດ້ວຍການສ້າງຄູ່ຮ່ວມຊາຕາກຳ ລາວ-ຈີນ
ເວລາອອກຂ່າວ: 2024-10-02 13:32:25 | ຜູ້ຂຽນ : admin2 | ຈຳນວນຄົນເຂົ້າຊົມ: 98 | ຄວາມນິຍົມ: 
ວັນທີ 1 ຕຸລາ 2024 ນີ້, ກອງບັນຊາການທະຫານແຂວງຫຼວງນໍ້າທາ ໄດ້ເຜີຍແຜ່, ເຊື່ອມຊຶມເອກະສານ ແຜນແມ່ບົດ ວ່າດ້ວຍການສ້າງຄູ່ຮ່ວມຊາຕາກຳ ລາວ-ຈິນ 2024-2028, ໂດຍການເຂົ້າຮ່ວມເຜີຍແຜ່ເອກະສານດັ່ງກ່າວຂອງ ສະຫາຍ ພົນຈັດຕະວາ ຫູມພັນ ແກ້ວວັງລາດ ຫົວໜ້າການເມືອງ ກອງບັນຊາການທະຫານແຂວງຫຼວງນໍ້າທາ, ມີຄະນະພັກ-ຄະນະບັນຊາ ຕະຫຼອດຮອດພະນັກງານຫຼັກແຫຼ່ງ ອົງການ 5 ຫ້ອງ, ກົມກອງອ້ອມຂ້າງກອງບັນຊາການ ເຂົ້າຮ່ວມ.
ສະຫາຍ ພົນຈັດຕະວາ ຫູມພັນ ແກ້ວວັງລາດ ໄດ້ຍົກໃຫ້ເຫັນຜົນສຳເລັດການພົບປະສອງຝ່າຍ ລະຫວ່າງ ສະຫາຍ ສີ ຈິ້ນຜິງ ເລຂາທິການໃຫຍ່, ປະທານປະເທດ ແຫ່ງ ສປ ຈີນ ກັບສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ເຊິ່ງໄດ້ເນັ້ນໜັກວ່າ: ຄູ່ຮ່ວມຊາຕາກຳ ລາວ-ຈີນ ເປັນຄູ່ຮ່ວມຊາຕາກຳແບບພິເສດໃນຂອບການສ້າງປະຊາຄົມຮ່ວມຊາຕາກຳຂອງມວນມະນຸດ, ພິເສດຢູ່ບ່ອນວ່າ ຈີນ ແລະ ລາວ ເຊິ່ງເປັນປະເທດທີ່ນຳພາໂດຍພັກກອມມູນິດ, ຍຶດໝັ້ນການນຳພາຂອງພັກ ແລະ ເສັ້ນທາງສັງຄົມນິຍົມແມ່ນທາດແທ້ຂອງສາຍພົວພັນ ຈີນ-ລາວ, ທັງແມ່ນລັກສະນະຈະແຈ້ງຂອງການສ້າງຄູ່ຮ່ວມຊາຕາກຳ ລາວ-ຈີນ ສະນັ້ນ, ສອງຝ່າຍຕ້ອງຖືເອົາແຜນແມ່ບົດສະບັບໃໝ່ ເປັນບ່ອນອີງໃນການຊຸກຍູ້ໃຫ້ການສ້າງຄູ່ຮ່ວມຊາຕາກຳກ້າວເຂົ້າສູ່ລວງເລິກ, ເປັນຮູບປະທຳ ແລະ ເພີ່ມເນື້ອໃນໃໝ່ຂອງການພົວພັນຮ່ວມມືສອງພັກ, ສອງລັດ ລາວ-ຈີນ ໃນຕໍ່ໜ້າ ແລະ ສ້າງຄວາມຮັບຮູ້ຢ່າງຖືກຕ້ອງກ່ຽວກັບຄວາມໝາຍ ແລະ ເນື້ອໃນຂອງການສ້າງຄູ່ຮ່ວມຊາຕາກໍາຂອງມວນມະນຸດ.
ການເຜີຍແຜ່ເອກະສານແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳ ລາວ-ຈີນ ສະບັບປີ 2024-2028 ໃນຄັ້ງນີ້, ເພື່ອໃຫ້ພະນັກງານ, ສະມາຊິກພັກ ແລະ ນັກຮົບໃນທົ່ວກອງບັນຊາການທະຫານແຂວງຫຼວງນໍ້າທາ, ໄດ້ມີຄວາມຮັບຮູ້, ເຂົ້າໃຈກ່ຽວກັບສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອມາດົນນານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ. ຈາກນັ້ນ, ສະຫາຍ ພັນໂທ ວັນເພັງ ຈ່າຍຄູນເມືອງ ຮອງຫົວໜ້າຫ້ອງການເມືອງ ກໍໄດ້ຜ່ານດໍາລັດ ວ່າດ້ວຍການຄຸ້ມຄອງການຄ້າຂາຍສັດນໍ້າ, ສັດປ່າ ແລະ ພືດປ່າທີ່ໃກ້ຈະສູນພັນ ຕື່ມອີກ.
ໂດຍ: ບຸນມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
