ວັນພະຫັດ, ວັນທີ 03 ຕຸລາ 2024
ທະຫານແຂວງບໍ່ແກ້ວຈັດພິທີມອບໃບຢັ້ງຢືນ ໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2023
ເວລາອອກຂ່າວ: 2024-10-02 10:46:41 | ຜູ້ຂຽນ : admin2 | ຈຳນວນຄົນເຂົ້າຊົມ: 136 | ຄວາມນິຍົມ: 
ໃນວັນທີ 27 ກັນຍາ 2024 ນີ້, ກອງບັນຊາການທະຫານແຂວງບໍ່ແກ້ວ ໄດ້ຈັດພິທີຮັບຮອງ ແລະ ມອບໃບຢັ້ງຢືນ ໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈໍາປີ 2023. ໂດຍການເປັນປະທານຂອງ ສະຫາຍ ພົນຈັດຕະວາ ບຸນມີ ພາມີໄຊ ຄະນະປະຈຳພັກແຂວງ, ເລຂາຄະນະພັກ, ຫົວໜ້າການເມືອງກອງບັນຊາການທະຫານແຂວງບໍ່ແກ້ວ, ມີຄະນະບໍລິຫານງານພັກ, ມີຄະນະພັກ-ຄະນະບັນຊາ 6 ຫ້ອງ, 2 ກອງພັນ, ໂຮງຮຽນ, ໂຮງໝໍ, ກອງຮ້ອຍເອກກະລາດຕະຫຼອດຮອດພະ ນັກງານຫຼັກແຫຼ່ງ ເຂົ້າຮ່ວມ.
ສະຫາຍ ພັນໂທ ສີນວນ ອິນທະສອນ ຫົວໜ້າພະແນກຈັດຕັ້ງພັກ ກອງບັນຊາການທະຫານແຂວງບໍ່ແກ້ວ ໄດ້ຜ່ານມະຕິຕົກລົງຂອງຄະນະປະຈໍາພັກ ແຂວງວ່າດ້ວຍການຮັບຮອງເປັນຫນ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023, ດັ່ງນັ້ນ, ຄະນະປະຈໍາພັກແຂວງ ຕົກລົງ:ເຫັນດີຮັບຮອງເອົາບັນດາໜ່ວຍພັກທີ່ຂຶ້ນກັບອົງຄະນະພັກກອງບັນຊາການທະຫານແຂວງ ເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈໍາປີ 2023 ມີຈໍານວນທັງໝົດ 37 ໜ່ວຍພັກ ເຊິ່ງປະກອບມີ: ໜ່ວຍພັກ 2, ໜ່ວຍພັກ 3 ຫ້ອງການ ແລະ ບໍລິຫານ, ໜ່ວຍພັກ 1, ໜ່ວຍພັກ 2, ໜ່ວຍພັກ 3, ໜ່ວຍພັກກອງປະຕິບັດງານ 213 ຫ້ອງການເມືອງ, ໜ່ວຍພັກ 1, ໜ່ວຍພັກ 2, ໜ່ວຍພັກ 3, ໜ່ວຍພັກ 4 ຫ້ອງເສນາທິການ, ໜ່ວຍພັກກອງຮ້ອຍ 15, 16, 17, 31, 122, 123, 124, 231, 310, ໜ່ວຍພັກໂຮງຮຽນທະຫານທ້ອງຖິ່ນ, ໜ່ວຍພັກ 1, ໜ່ວຍພັກ 2 ໜ່ວຍພັກ 3, ໜ່ວຍພັກກອງຮ້ອຍຜະລິດ.ກອງຮ້ອຍຂົນ ສົ່ງ, ກອງຮ້ອຍກໍ່ສ້າງ ຫ້ອງພະລາທິການ, ໜ່ວຍພັກ 1, ໜ່ວຍພັກ 2, ໜ່ວຍພັກ 3 ຫ້ອງເຕັກນິກ, ໜ່ວຍພັກ 1 ກອງພັນ 405, ໜ່ວຍພັກ 1, ໜ່ວຍພັກ 2, ໜ່ວຍພັກ 3 ກອງພັນ 419, ໜ່ວຍພັກ 1, ໜ່ວຍພັກ 2, ໜ່ວຍພັກ 3 ໂຮງໝໍທະຫານແຂວງ ແລະ ໜ່ວຍພັກ ປກຊ-ປກສ ແຂວງ. ໂດຍເປັນກຽດມອບຂອງ ສະຫາຍ ພົນຈັດຕະວາ ບຸນມີ ພາມີໄຊ ພ້ອມດ້ວຍຄະນະ ພັດປ່ຽນກັນມອບຢ່າງສົມກຽດ.
ໂອກາດນີ້ ສະຫາຍ ພົນຈັດຕະວາ ບຸນມີ ພາມີໄຊ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານທີ່ສ້າງມາໄດ້ໃນໄລຍະຜ່ານມາຂອງບັນ ດາໜ່ວຍພັກທົ່ວທະຫານແຂວງບໍ່ແກ້ວ, ພ້ອມທັງເນັ້ນໜັກໃຫ້ຄະນະພັກ-ຄະນະບັນຊາ, ສະມາຊິກພັກ ຈົ່ງເພີ່ມທະວີຄວາມສາມັກຄີກັນໃຫ້ເປັນປຶກແຜ່ນແໜ້ນໜາພາຍໃນໜ່ວຍພັກ, ຕັ້ງໜ້າປະກອບສ່ວນເຮັດວຽກງານທີ່ໄດ້ຮັບມອບໝາຍຈາກຂັ້ນເທິງ, ຕ້ອງໄດ້ຍົກສູງນໍ້າໃຈຄວາມຮັບຜິດຊອບຕໍ່ໜ້າທີ່ການເມືອງພາຍໃນໜ່ວຍພັກໃຫ້ສູງ, ເຮັດວຽກເປັນໝູ່ຄະນະ, ແບ່ງວຽກບຸກຄົນຮັບຜິດຊອບຢ່າງຈະແຈ້ງ ແລະ ແທດເໝາະກັບຄວາມຮູ້ຄວາມສາມາດຕົວ ຈິງຂອງພະນັກງານສະມາຊິກພັກ-ນັກຮົບ, ເອົາໃຈໃສ່ເຮັດວຽກງານສຶກສາອົບຮົມການ ເມືອງ-ນຳພາແນວຄິດສອດຫ້ອຍເຂົ້າໃນທຸກຂົງເຂດວຽກງານ,ສ້າງແບບແຜນວິທີເຮັດ ວຽກໃຫ້ມີລັກສະນະນໍາໜ້າ,ແບບແຜນນໍາ ພາທີ່ທັນສະໄໝ,ເອົາໃຈໃສ່ຕັ້ງໜ້າເຝິກຝົນຫຼໍ່ຫຼອມຕົນເອງທາງດ້ານຄຸນສົມບັດສິນທຳປະຕິວັດ, ທັດສະນະແນວຄິດຫຼັກໝັ້ນ, ມີສະຕິຕໍ່ການຈັດຕັ້ງ,ປະຕິບັດກົດລະບຽບຂອງພັກ, ຂອງກອງທັບຢ່າງເຂັ້ມງວດ ແລະ ມີແບບແຜນດຳລົງຊີວິດທີ່ ປອດໃສ ຂາວສະອາດ, ເພື່ອພ້ອມກັນກໍ່ສ້າງໜ່ວຍພັກໃຫ້ມີຄວາມ ປອດໃສ ເຂັ້ມແຂງ ໜັກແໜ້ນ ໃຫ້ໄດ້ຫຼາຍສະໄໝຕິດຕໍ່ກັນ.
ໂດຍ: ວໍລະສິດ ພິດສະຫາຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
