POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 04 ຕຸລາ 2024

ກອງປະຊຸມແລກປ່ຽນບົດຮຽນ ລະຫວ່າງ ຫ້ອງການກຳມະບານກອງທັບ ແລະ ສະຫະພັນກຳມະບານ ແຂວງຊຽງຂວາງ
ເວລາອອກຂ່າວ: 2024-10-01 11:46:48 | ຜູ້ຂຽນ : admin2 | ຈຳນວນຄົນເຂົ້າຊົມ: 174 | ຄວາມນິຍົມ:

ກອງປະຊຸມແລກປ່ຽນບົດຮຽນ ລະຫວ່າງ ຫ້ອງການກໍາມະບານກອງທັບ ແລະ ສະຫະພັນກໍາມະບານ ແຂວງຊຽງຂວາງ ໄດ້ຈັດຂຶ້ນ ໃນວັນທີ 30 ກັນຍາ 2024 ນີ້, ໂດຍການເປັນປະທານຂອງ ສະຫາຍ ພົນຕີ ໄພວັນ ຈັນທະພົມມາ ຮອງຫົວໜ້າກົມໃຫຍ່ການເມືອງກອງທັບ, ຜູ້ຊີ້ນໍາວຽກງານອົງການຈັດຕັ້ງມະຫາຊົນ, ມີສະຫາຍ ພັນເອກ ບຸນຄ່ອງ ອຸດທະຈັນດີ ຄະນະບໍລິຫານງານສູນກາງສະຫະພັນກໍາມະບານລາວ, ຫົວໜ້າຫ້ອງການກໍາມະບານກອງທັບ, ມີສະຫາຍ ພູວອນ ສີຄໍາອອນ ກໍາມະການຄະນະພັກແຂວງ, ຄະນະບໍລິຫານງານສູນກາງສະຫະພັນກຳມະບານລາວ, ປະທານຄະນະບໍລິຫານງານສະຫະພັນກຳມະບານ ແຂວງຊຽງຂວາງ, ມີຄະນະຜູ້ແທນສະຫະພັນກໍາມະບານແຂວງຊຽງຂວາງ, ຫົວໜ້າພະແນກກໍາມະບານ ກົມໃຫຍ່ພະລາທິການກອງທັບ, ຄະນະປະທານສະຫະພັນກໍາມະບານ, ກໍາມະບານຮາກຖານອອ້ມຂ້າງກະຊວງປ້ອງກັນປະເທດ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ. ສະຫາຍ ພັນເອກ ບຸນຄ່ອງ ອຸດທະຈັນດີ ໄດ້ຕາງໜ້າໃຫ້ຄະນະພັກ-ຄະນະຫ້ອງການ ພ້ອມດ້ວຍພະນັກງານ, ຄະນະປະທານກໍາມະບານຮາກຖານອ້ອມຂ້າງກະຊວງປ້ອງກັນປະເທດ ກ່າວສະແດງຄວາມຍິນດີຕ້ອນຮັບການມາຢ້ຽມຢາມ ແລະ ເຮັດວຽກ ຢູ່ຫ້ອງການກຳມະບານກອງທັບ ຂອງຄະນະຜູ້ແທນສະຫະພັນກໍາມະບານແຂວງຊຽງຂວາງ ເຊິ່ງໄດ້ນໍາເອົາຄວາມຢ້ຽມຢາມຖາມຂ່າວ, ຄວາມສາມັກຄີຮັກແພງອັນອົບອຸ່ນ, ສະໜິດສະໜົມ ມາສູ່ກຳມະບານ ກະຊວງປ້ອງກັນປະເທດ. ການມາຢ້ຽມຢາມ ແລະ ແລກປ່ຽນບົດຮຽນກັບກຳມະບານ ກະຊວງປ້ອງກັນປະເທດ ໃນຄັ້ງນີ້ ສຸດທີ່ມີຄວາມສໍາຄັນ ເພາະເປັນການຮັດແໜ້ນຄວາມສາມັກຄີຮັກແພງ ລະຫວ່າງ ສອງອົງການຈັດຕັ້ງກຳມະບານ ໃຫ້ນັບມື້ນັບໜັກແໜ້ນ ແລະ ກ້າວເຂົ້າສູ່ລວງເລິກ. ພ້ອມນັ້ນ, ສະຫາຍ ຫົວໜ້າຫ້ອງການກໍາມະບານກອງທັບ ຍັງໄດ້ລາຍງານສະພາບຈຸດພິເສດ ແລະ ການຈັດຕັ້ງເຄື່ອນໄຫວວຽກງານກຳມະບານ ໃນກອງທັບ ໃນໄລຍະຜ່ານມາໂດຍຫຍໍ້ເຊິ່ງຍົກໃຫ້ເຫັນຜົນງານການເຄື່ອນໄຫວຂອງຕົນໃນຫຼາຍດ້ານໃຫ້ ຄະນະຜູ້ແທນສະຫະພັນກຳມະບານ ແຂວງຊຽງຂວາງໄດ້ຮັບຊາບ. ໂອກາດນີ້, ສະຫາຍ ພູວອນ ສີຄໍາອອນ ກໍໄດ້ລາຍງານການເຄື່ອນໄຫວວຽກງານສະຫະພັນກໍາມະບານ ແຂວງຊຽງຂວາງ ໂດຍຫຍໍ້ ໃນໄລຍະຜ່ານມາ ເຊິ່ງໄດ້ຍົກໃຫ້ຜົນສໍາເລັດຫຼາຍດ້ານ ໃນການພັດທະນາ ແລະ ເຕີບໃຫຍ່ຂະຫຍາຍຕົວ ຂອງກໍາມະບານແຂວງຊຽງຂວາງ. ຈາກນັ້ນ, ທັງສອງຝ່າຍໄດ້ປຶກສາຫາລື ແລະ ແລກປ່ຽນຄໍາຄິດເຫັນຮ່ວມກັນ ໃນຫຼາຍດ້ານກ່ຽວກັບການປັບປຸງ, ກໍ່ສ້າງອົງການກຳມະບານ ໃຫ້ນັບມື້ເຕີບໃຫຍ່ຂະຫຍາຍຕົວຂຶ້ນ ທັງປະລິມານ ແລະ ຄຸນນະພາບ.

news to day and hot news