ວັນພະຫັດ, ວັນທີ 03 ຕຸລາ 2024
ປະກາດລົບລ້າງແຈ້ງການກ່ຽວກັບການປ່ຽນແປງຂັ້ນຕໍ່າແໜ່ງບັນຊາ ຢູ່ກອງບັນຊາການທະຫານອາກາດ.
ເວລາອອກຂ່າວ: 2024-09-13 14:48:06 | ຜູ້ຂຽນ : admin2 | ຈຳນວນຄົນເຂົ້າຊົມ: 453 | ຄວາມນິຍົມ: 
ພິທີປະກາດລົບລ້າງແຈ້ງການກ່ຽວກັບການປ່ຽນແປງຂັ້ນຕໍ່າແໜ່ງບັນຊາຢູ່ກອງບັນຊາການທະຫານອາກາດໄດ້ຈັດຂຶ້ນໃນວັນທີ 12 ກັນຍາ 2024 ນີ້, ໂດຍການເປັນປະທານຂອງ ສະຫາຍ ພົນໂທ ສຈ ປອ ວົງຄໍາ ພົມມະກອນ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ມີ ສະຫາຍ ພົນຕີ ຄໍາເຫຼັກ ແສງພະຈັນ ຜູ້ບັນຊາການທະຫານອາກາດ, ມີຕາງໜ້າ 4 ກົມໃຫຍ່, ຫ້ອງວ່າການກະຊວງ, ຄະນະພັກ-ຄະນະບັນຊາ ກອງບັນຊາການທະຫານອາກາດ, ກອງພັນໃຫຍ່ 702, 703 ແລະ ພະແນກການທີ່ກ້ຽວຂ້ອງເຂົ້າຮ່ວມ.
ສະຫາຍ ພັນໂທ ອິນທະນົງສິນ ວິໄລສຸກ ຮອງຫົວໜ້າພະແນກແຜນການຈັດຕັ້ງກໍາລັງ ກົມກໍາລັງພົນ ກົມໃຫຍ່ເສນາທິການກອງທັບ ໄດ້ຜ່ານແຈ້ງການ ລົບລ້າງສະບັບເລກທີ 2483/ກປທ, ລົງວັນທີ 05 ເມສາ 2024, ອີງຕາມແຜນຍຸດທະສາດຂອງກະຊວງປ້ອງກັນປະເທດສະບັບເລກທີ 2773/ກປທ, ລົງວັນທີ 24 ມິຖຸນາ 2021 ວ່າດ້ວຍການປັບປຸງກໍ່ສ້າງກໍາລັງໃນກອງທັບ ດ້ານການຈັດຕັ້ງ ແລະ ການປະກອບຈໍານວນພົນ ແຕ່ປີ 2021-2025 (ສະປັບປັບປຸງ) ແລະ ອີງຕາມມະຕິຕົກລົງຂອງຄະນະປະຈໍາພັກກະຊວງປ້ອງກັນປະເທດ ກ່ຽວກັບການປ່ຽນແປງຂັ້ນຕໍາແໜ່ງບັນຊາໃນການຈັດຕັ້ງ ແລະ ການເຄື່ອນໄຫວຂອງກອງບັນຊາການທະຫານອາກາດ ໃຫ້ກັບມາຮັກສາຊື່ເອີ້ນ ແລະ ຂັ້ນບັນຊາໄວ້ໃນລະດັບເກົ່າຄື: ກອງບັນຊາການທະຫານອາກາດ ມີຂັ້ນຕໍາແໜ່ງບັນຊາທຽບເທົ່າຂັ້ນ 4 ( ຮອງຫົວໜ້າກົມໃຫຍ່ພະລາທິການກອງທັບ, ຮອງຫົວໜ້າກົມໃຫຍ່ເຕັກນິກກອງທັບ, ຮອງຫົວໜ້າຫ້ອງວ່າການກະຊວງປ້ອງກັນປະເທດ, ຫົວໜ້າຫ້ອງການຄະນະກໍາມະການປ້ອງກັນຊາດ-ປ້ອງກັນຄວາມສະຫງົບສູນກາງ, ຫົວໜ້າກົມ 213, ຫົວໜ້າອົງການໄອຍະການທະຫານຂັ້ນສູງ, ປະທານສານທະຫານຂັ້ນສູງ, ຫົວໜ້າສະຖາບັນວິທະຍາສາດປ້ອງກັນຊາດ ແລະ ຫົວໜ້າສະຖາບັນການຮ່ວມມືສາກົນປ້ອງກັນຊາດ) ພ້ອມນັ້ນຍັງໄດ້ລົບລ້າງຂໍ້ຕົກລົງສະບັບເລກທີ 6451/ກປທ, ລົງວັນທີ 22 ພະຈິກ 2023 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກອງບັນຊາການທະຫານອາກາດ (ສະບັບປັບປຸງ) ຕື່ມອີກ.
ໂອກາດນີ້, ສະຫາຍ ພົນໂທ ສຈ ປອ ວົງຄໍາ ພົມມະກອນ ກໍ່ໄດ້ມີຄໍາເຫັນໂອ້ລົມພ້ອມທັງຊີ້ແຈ້ງຫຼາຍບັນຫາສໍາຄັນຕໍ່ກອງປະຊຸມ ແລະ ທັງຮຽກຮ້ອງໃຫ້ຄະນະພັກ-ຄະນະບັນຊາແຕ່ລະຂັ້ນ ຈົ່ງພ້ອມກັນສືບຕໍ່ຊີ້ນໍາ-ນໍາພາປັບປຸງ ກອງບັນຊາການທະຫານກາດ ໃຫ້ເຕີບໃຫຍ່ເຂັ້ມແຂງ ແລະ ມີລະບຽບແຜນແບບທັນສະໄໝ.
ໂດຍ: ກທອ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
