ວັນສຸກ, ວັນທີ 04 ຕຸລາ 2024
ທະຫານເມືອງບຸນໃຕ້ ພວມສຸມໃສ່ນໍາກໍາລັງລົງຊ່ວຍເຫຼືອ ປະຊາຊົນ ທີ່ຖືກຜົນກະທົບນໍ້າຖ້ວມ
ເວລາອອກຂ່າວ: 2024-09-13 13:52:57 | ຜູ້ຂຽນ : admin2 | ຈຳນວນຄົນເຂົ້າຊົມ: 310 | ຄວາມນິຍົມ: 
ເນື່ອງຈາກ ມີຝົນຕົກຕິດຕໍ່ກັນຫຼາຍວັນເປັນບໍລິເວນກ້ວາງໃນຂອບເຂດທົ່ວ ແຂວງຜົ້ງສາລີ ໂດຍສະເພາະເມືອງບຸນໃຕ້ ໄດ້ເຮັດໃຫ້ແມ່ນໍ້າຫຼາຍສາຍ ເປັນຕົ້ນແມ່ນໍ້າລານ ແລະ ນໍ້າບຸນ ທີ່ໄຫຼຜ່ານເທດສະບານເມືອງບຸນໃຕ້ ມີລະດັບນໍ້າເພີ່ມຂຶ້ນຢ່າງຕໍ່ເນື່ອງ ຈົນມາຮອດເວລາປະມານ 24:00 ໂມງ ຂອງຄ່ຳຄືນວັນທີ 10 ກັນຍາ 2024 ຈຶ່ງເຮັດໃຫ້ແມ່ນໍ້າສາຍດັ່ງກ່າວມີລະດັບຂຶ້ນສູງໄຫຼລົ້ນຝັງເຂົ້າຖ້ວມ ບ້ານເຮືອນປະຊາຊົນ, ເສັ້ນທາງ, ຕະຫຼາດ, ໂຮງຮຽນ, ສັດລ້ຽງ ແລະ ຜົນລະປູກ ໃນເຂດບ້ານ ບຸນໃຕ້, ບ້ານໂພທອງ ແລະ ບ້ານນາຫວາຍ ໄດ້ຮັບຄວາມເສຍຫາຍຢ່າງຫຼວງຫຼາຍ. ຕໍ່ກັບສະພາບດັ່ງກ່າວ ທາງການນຳເມືອງ ກໍ່ຄືພາກສ່ວນທີ່ກ່ຽວຂ້ອງໄດ້ລະດົມສຸມທຸກກຳລັງແຮງພ້ອມກັນສາມັກຄີ ເຂົ້າຊ່ວຍເຫຼື່ອພໍ່ແມ່ປະຊາຊົນທີ່ຖືກຜົນກະທົບເຊິ່ງໄດ້ຍົກຍ້າຍເອົາຄົນ, ເຄື່ອງໃຊ້ຕ່າງໆ, ສັດລ້ຽງ ແລະ ພາຫະນະໄປໄວ້ບ່ອນສູງທີ່ມີຄວາມປອດໄພ.
ສະຫາຍ ພັນໂທ ທອງດີ ພົມປັນຍາ ຫົວໜ້າການເມືອງ ກອງບັນຊາການທະຫານເມືອງບຸນໃຕ້ໄດ້ລາຍງານວ່າ: ເລີ່ມແຕ່ ເວລາປະມານ 24:00 ໂມງ ຄ່ຳຄືນວັນທີ 10 ກັນຍາ 2024 ມາຮອດປັດຈຸບັນ ເປັນເວລາ 3 ວັນຕິດຕໍ່ກັນ ກອງບັນຊາການທະຫານເມືອງບຸນໃຕ້ ແມ່ນພວມສຸມໃສ່ ນໍາກໍາລັງພາຍໃນກົມກອງຈໍານວນ 90 ສະຫາຍ, ລົງຊ່ວຍເຫຼືອພໍ່ແມ່ປະຊາຊົນ ທີ່ຖືກຜົນກະທົບຈາກໄພນໍ້າຖ້ວມ ສະຖານທີ່ຕ່າງໆໃຫ້ກັບຄືນມານໍາໃຊ້ໄດ້ເປັນປົກກະຕິ.
ຂ່າວ: ທອງສຸກ ຈັນຖະໜອມ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
