ວັນພະຫັດ, ວັນທີ 03 ຕຸລາ 2024
ປິດຊຸດອົບຮົມ-ຫັດແອບ ວຽກງານຊາຍແດນ
ເວລາອອກຂ່າວ: 2024-09-13 10:19:15 | ຜູ້ຂຽນ : admin3 | ຈຳນວນຄົນເຂົ້າຊົມ: 363 | ຄວາມນິຍົມ: 
ພິທີປິດຊຸດອົບຮົມ-ຫັດແອບ ວຽກງານຊາຍແດນ ໃຫ້ພະນັກງານ-ນັກຮົບ 4 ແຂວງພາກກາງ ແລະ 4 ແຂວງພາກໃຕ້ ໄດ້ຈັດຂຶ້ນໃນວັນທີ 8 ກັນຍາ 2024 ນີ້,
ພາຍຫຼັງທີ່ໄດ້ດຳເນີນມາເປັນເວລາ 6 ວັນ, ໂດຍກອງບັນຊາການທະຫານແຂວງຄຳມ່ວນ ເປັນເຈົ້າພາບ, ມີສະຫາຍ ພັນເອກ ອຸ່ນຄຳ ສີແຫວນວົງສັກ ຮັກສາການ ຫົວ
ໜ້າກົມທະຫານຊາຍແດນ ກົມໃຫຍ່ເສນາທິການກອງທັບ, ສະຫາຍ ພັນເອກ ບຸນເລີດ ບຸບຜາວັນ ຫົວໜ້າການທະຫານ ກອງບັນຊາການທະຫານແຂວງຄຳມ່ວນ, ມີຄະນະພັກ-ຄະນະບັນຊາ ພະແນກການທີ່ກ່ຽວຂ້ອງ, ຄູ-ອາຈານ ແລະ ນັກເຝິກອົບຮົມ ເຂົ້າຮ່ວມ.
ສະຫາຍ ພັນໂທ ອຳມະນີ ສີສົມບັດ ຫົວໜ້າພະແນກສືບຂ່າວ ກົມທະຫານຊາຍແດນ ກົມໃຫຍ່ເສນາທິການກອງທັບ ໄດ້ຜ່ານບົດສະຫຼຸບ ຕີລາຄາຄືນ ການອົບຮົມ-ຫັດແອບໃນໄລຍະຜ່ານມາ, ໂດຍໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງທີ່ຈະຕ້ອງໄດ້ປັບປຸງແກ້ໄຂໃນຕໍ່ໜ້າ ແລະ ບັນດາຜົນງານ ທີ່ສ້າງມາໄດ້ໃນໄລຍະການເຝິກອົບຮົມ, ເຊິ່ງບັນດາ ຄູ-ອາຈານ ໄດ້ເອົາໃຈໃສ່ສິດສອນຖ່າຍທອດຄວາມຮູ້, ຊີ້ນຳຈັດຕັ້ງປະຕິບັດແຜນການອົບຮົມ-ຫັດແອບ ແລະ ບົດລາຍງານວຽກງານວິຊາສະເພາະ ໄດ້ເປັນຢ່າງດີ, ສ່ວນສຳມະນາກອນ ທີ່ເຂົ້າຮ່ວມເຝິກອົບຮົມ ກໍໄດ້ພ້ອມກັນເອົາໃຈໃສ່ປະຕິບັດແຜນການອົບຮົມ-ຫັດແອບ ຢ່າງເຂັ້ມງວດ, ຕັ້ງໜ້າຄົ້ນຄວ້າຮໍ່າຮຽນ ແລະ ຍາດແຍ່ງເອົາບົດຮຽນນຳ ຄູ-ອາຈານ ເຮັດໃຫ້ບັນຍາກາດຂອງການອົບຮົມ-ຫັດແອບ ມີຄວາມຟົດຟື້ນ. ຜ່ານການອົບຮົມ-ຫັດແອບໃນໄລຍະຜ່ານມາ ສາມາດຕີລາຄາຄຸນນະພາບໄດ້ 86%.
ໂອກາດນີ້, ສະຫາຍ ພັນເອກ ອຸ່ນຄຳ ສີແຫວນວົງສັກ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດ ໃນບັ້ນອົບຮົມ-ຫັດແອບ ຄັ້ງນີ້ ພ້ອມທັງເນັ້ນໜັກມາຍັງສຳມະນາກອນທຸກສະຫາຍ ຈົ່ງເອົາໃຈໃສ່ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ໂດຍສະເພາະແມ່ນ ຕ້ອງກຳໃຫ້ໄດ້ສະພາບການຢູ່ຮາກຖານ, ບັນ
ດາຈຸດຫຼໍ່ແຫຼມຕ່າງໆ ແລະ ພ້ອມກັນນຳເອົາບົດຮຽນທີ່ໄດ້ຮ່ຳຮຽນມາ ໄປໝູນໃຊ້ເຂົ້າໃນໜ້າທີ່ວຽກງານຕົວຈິງ ຢູ່ບັນດາກົມກອງ ໃຫ້ໄດ້ຮັບໝາກຜົນສູງ.
ໂດຍ: ວິໄລວອນ ພົມມະວົງສາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
