ວັນພະຫັດ, ວັນທີ 03 ຕຸລາ 2024
ມອບ-ຮັບໜ້າທີ່ ຫົວໜ້າພະແນກ ທີ່ຂຶ້ນກັບຫ້ອງການເມືອງ ກອງພົນທີ 3
ເວລາອອກຂ່າວ: 2024-09-13 10:15:51 | ຜູ້ຂຽນ : admin3 | ຈຳນວນຄົນເຂົ້າຊົມ: 360 | ຄວາມນິຍົມ: 
ພິທີມອບ-ຮັບ ໜ້າທີ່ຫົວໜ້າພະແນກພະນັກງານ, ພະແນກກວດກາ ແລະ ພະແນກປ້ອງກັນພາຍໃນ ທີ່ຂຶ້ນກັບຫ້ອງການເມືອງ ກອງພົນທີ 3 ໄດ້ຈັດຂຶ້ນໃນວັນທີ
6 ກັນຍາ 2024 ນີ້, ໂດຍການເປັນປະທານຂອງ ສະຫາຍ ພັນເອກ ຈອມໃຈ ໄຊພະວົງ ຮອງຫົວໜ້າຫ້ອງການເມືອງ ກອງ ພົນທີ 3, ມີບັນດາພະແນກການ ເຂົ້າຮ່ວມ.
ໂອກາດນີ້, ສະຫາຍ ຫົວໜ້າພະແນກ ຜູ້ເກົ່າ ທັງ 3 ພະແນກ ໄດ້ລາຍງານໂດຍຫຍໍ້ ຜ່ານການຊີ້ນຳ-ນຳພາຈັດຕັ້ງປະຕິບັດໜ້າທີ່ວຽກງານ ຕາມພາລະບົດ
ບາດຂອງພະແນກ ໃນໄລຍະຜ່ານມາ ແລະ ກ່າວມອບວຽກງານຕໍ່ໃຫ້ຫົວໜ້າພະແນກຜູ້ໃໝ່. ຈາກນັ້ນ, ກໍໄດ້ລົງນາມເຊັນບົດບັນທຶກການມອບຮັບໜ້າທີ່ເຊິ່ງກັນ ແລະ ກັນ ລະຫວ່າງ ສະຫາຍ ພັນໂທ ສົມລິດ ບົວໄຂຄຳ ຫົວໜ້າພະແນກພະນັກງານ ຜູ້ເກົ່າ ກັບ ສະຫາຍ ພັນໂທ ວົງປະເສີດ ນັດອຸດົມ ຫົວໜ້າພະແນກພະນັກງານ ຜູ້ໃໝ່, ສະຫາຍ ພັນໂທ ຈັນສອນ ໄຊຍະຄຳ ຫົວໜ້າພະແນກກວດກາ ຜູ້ເກົ່າ ກັບ ສະຫາຍ ພັນໂທ ຄຳພາ ໄຊຍະວົງ ຫົວໜ້າພະແນກກວດກາ ຜູ້ໃໝ່, ສະຫາຍ ພັນໂທ ຄຳພາ ໄຊຍະວົງ ຫົວໜ້າພະແນກປ້ອງກັນພາຍໃນ ຜູ້ເກົ່າ
ກັບ ສະຫາຍ ພັນໂທ ຄຳໄຊ ວິໄລຫົງ ຫົວໜ້າພະແນກປ້ອງກັນພາຍໃນ ຜູ້ໃໝ່.
ໂອກາດນີ້, ສະຫາຍ ພັນເອກ ຈອມໃຈ ໄຊພະວົງ ໄດ້ຮຽກຮ້ອງໃຫ້ ສະຫາຍຫົວໜ້າພະແນກທັງ 3 ພະແນກ ຜູ້ໃໝ່ ຍົກສູງຄວາມຮັບຜິດຊອບ ຕໍ່ໜ້າທີ່ການເມືອງທີ່ການຈັດຕັ້ງມອບໝາຍໃຫ້, ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນ, ເປັນເຈົ້າການໃນການຊີ້ນຳ-ພາ, ປະຕິບັດຕາມຫຼັກການລວມສູນປະຊາທິປະໄຕ, ເອກະພາບພາຍໃນໝູ່ຄະນະ, ຕັ້ງໜ້າປັບປຸງຂົງເຂດວຽກງານທີ່ພະແນກຮັບຜິດຊອບ ໃຫ້ມີຄຸນນະພາບ ດີຂຶ້ນກວ່າເກົ່າ.
ໂດຍ : ທອງລອນ ຈັນທະວົງໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
