POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 20 ພຶດສະພາ 2025

ກອງຮ້ອຍຊ່າງແສງ ກອງພັນໃຫຍ່ 11 ເປັນເຈົ້າການປະກອບສ່ວນເຂົ້າຮ່ວມ ບັ້ນຊ້ອມຮົບຮ່ວມ ລາວ-ຈີນ
ເວລາອອກຂ່າວ: 2024-07-23 10:01:50 | ຜູ້ຂຽນ : admin1 | ຈຳນວນຄົນເຂົ້າຊົມ: 545 | ຄວາມນິຍົມ:

ສະຫາຍ ພັນຕີ ພອນຄຳ ໄຊຍະທຸມມາ ຫົວໜ້າການທະຫານ ກອງຮ້ອຍຊ່າງແສງ ກອງພັນໃຫຍ່ 11 ທັງເປັນຫົວໜ້າໝວດຊ່າງແສງ ພາກສະໜາມ ໄດ້ໃຫ້ສຳພາດຕໍ່ນັກຂ່າວ ໜັງສືພິມກອງທັບ ວ່າ: ພາຍຫຼັງໄດ້ຮັບຄຳສັ່ງຈາກ ກົມໃຫຍ່ເສນາທິການກອງທັບ ໃຫ້ເຂົ້າຮ່ວມບັ້ນຊ້ອມຮົບຮ່ວມ ລາວ-ຈີນ "ໂລ້ກຳບັງມິດຕະພາບ-2024", ຄະນະພັກ-ຄະນະບັນຊາ ກອງພັນໃຫຍ່ 11 ໄດ້ຈັດກອງປະຊຸມເຜີຍແຜ່ບັນດາມະຕິ, ຄຳສັ່ງດັ່ງກ່າວ ລົງສູ່ກົມກອງຮາກຖານ, ມອບໝາຍໃຫ້ແຕ່ລະພາກສ່ວນຮັບຜິດຊອບໂດຍກົງ. ສຳລັບກອງຮ້ອຍຊ່າງແສງ ກໍໄດ້ຮັບການມອບໝາຍໃຫ້ເຂົ້າຮ່ວມບັ້ນຊ້ອມຮົບດັ່ງກ່າວ, ຫຼັງຈາກໄດ້ຮັບມອບໝາຍໜ້າທີ່ ພວກເຮົາກໍໄດ້ເປັນເຈົ້າການກະກຽມຈຳນວນພົນ, ກະກຽມພາຫະນະ-ອາວຸດ ແລະ ອຸປະກອນຮັບໃຊ້ອັນຈຳເປັນພື້ນຖານ ເຂົ້າຢຶດສະໜາມ ນັບແຕ່ວັນທີ 22 ມິຖຸນາ 2024. ພາຍຫຼັງເຂົ້າຢຶດສະໜາມ ກໍໄດ້ແບ່ງວຽກໃຫ້ແຕ່ລະສະຫາຍຮັບຜິດຊອບໃນການກໍ່ສ້າງສະໜາມ ເຊັ່ນ: ກໍ່ສ້າງສະຖານທີ່ພັກເຊົາ, ເຮືອນນອນ, ເຮືອນຄົວລວມ, ສຳນັກອົງການ, ກົມກອງ, ເຮັດຫ້ອງນໍ້າ, ຕິດຕັ້ງໄຟຟ້າ, ນໍ້າປະປາ, ແປງທາງເຂົ້າ-ອອກ ລວມທັງປັບປຸງກໍ່ສ້າງພື້ນຖານໂຄງລ່າງອື່ນໆ ທີ່ຈຳເປັນ, ໄດ້ນຳໃຊ້ລົດແມັກໂຄ ສ້ອມແປງເສັ້ນທາງເຂົ້າສະໜາມຫັດແອບ ໃຫ້ເຂົ້າເຖິງໄດ້ສະດວກສະບາຍ ໃນແຕ່ລະຈຸດເຝິກຊ້ອມ, ສ່ວນວຽກງານຮັບປະກັນການເຝິກຊ້ອມ ຄະນະພັກ-ຄະນະບັນຊາ ກອງພັນໃຫຍ່ 11 ໄດ້ສົມທົບກັບກອງຮ້ອຍຊ່າງແສງພວກເຮົາ ລົງຊຸກຍູ້, ຊີ້ນຳ-ນຳພາ ສຶກສາອົບຮົມພະນັກງານ-ນັກຮົບ ໃນກຳລັງຊ່າງແສງ ໃຫ້ມີຄວາມໜັກແໜ້ນທາງດານການເມືອງແນວຄິດ, ມີຄວາມຮັບຜິດຊອບສູງຕໍ່ໜ້າທີ່ວິຊາສະເພາະຂອງຕົນ, ເຊີດຊູສະຕິເປັນເຈົ້າຕົນເອງ ພ້ອມກັນສູ້ຊົນຜ່ານຜ່າ ເຮັດສຳເລັດໜ້າທີ່ຕາມການມອບໝາຍຂອງຂັ້ນເທິງ. ໃນການຫັດແອບເຝິກຊ້ອມ ກອງຮ້ອຍຊ່າງແສງ ໄດ້ຈັດແບ່ງກຳລັງອອກເປັນ 4 ໝູ່ ຄື: ໝູ່ເປີດສົ່ງໝາກຝ່າບິນທິດຈຸດໜັກ, ໝູ່ເປີດໝາກຝ່າບິນທິດຈຸດສຳຄັນ, ໝູ່ເປີດຄັງໄຂທິດຈຸດໜັກ ແລະ ໝູ່ເປີດຄັງໄຂທິດສຳຄັນ ເຊິ່ງໃນແຕ່ລະໝູ່ ລ້ວນແລ້ວແຕ່ໄດ້ມີການວາງແຜນການຢ່າງຄັກແນ່, ແບ່ງປັນ, ມອບໝາຍໜ້າທີ່ ໃຫ້ບຸກຄົນຮັບຜິດຊອບຢ່າງລະອຽດ. ຜ່ານການຈັດຕັ້ງຫັດແອບ ແລະ ປະຕິບັດເຝິກຊ້ອມຕົວຈິງ ເຫັນວ່າ: ກອງຮ້ອຍຊ່າງແສງພວກເຮົາ ສາມາດເຮັດລ້ອນໜ້າທີ່ຂອງຕົນ ນັບແຕ່ການກໍ່ສ້າງພື້ນຖານໂຄງລ່າງ ບ່ອນພັກເຊົາ, ການກໍ່ສ້າງພາກສະໜາມຊ້ອມຮົບ ຕະຫຼອດຮອດການລົງພາກປະຕິບັດຕົວຈິງຢູ່ໜ້າສະໜາມພວກເຮົາໄດ້ທຸ້ມເທເຫື່ອແຮງ, ສະຕິປັນຍາ, ບົດຮຽນ, ປະສົບການຕົວຈິງທີ່ມີ ປະກອບສ່ວນເຂົ້າໃນການຊ້ອມຮົບ ເຮັດໃຫ້ບັ້ນຊ້ອມຮົບຮ່ວມ ລາວ-ຈີນ "ໂລ້ກຳບັງດຕະພາບ-2024" ໄດ້ຮັບໝາກຜົນຢ່າງຈົບງາມ. ໂດຍ: ສົມຄິດ ພູມມີຈິດ

news to day and hot news