ວັນສຸກ, ວັນທີ 21 ມີນາ 2025
ມອບເຄື່ອງຊຸກຍູ້ ຄະນະຊີ້ນຳພາກສ່ວນ ຮັບປະກັນວຽກງານເຕັກນິກ ໃນບັ້ນຊ້ອມຮົບຮ່ວມ ລາວ-ຈີນ
ເວລາອອກຂ່າວ: 2024-07-23 10:00:33 | ຜູ້ຂຽນ : admin1 | ຈຳນວນຄົນເຂົ້າຊົມ: 486 | ຄວາມນິຍົມ: 
ວັນທີ 12 ກໍລະກົດ 2024 ນີ້, ອົງການຈັດຕັ້ງມະຫາຊົນກົມໃຫຍ່ເຕັກນິກກອງທັບ ໄດ້ນຳເອົາເຄື່ອງອຸປະໂພກ-ບໍລິໂພກ ໄປມອບໃຫ້ຄະນະຊີ້ນຳພາກສ່ວນຮັບປະກັນວຽກງານເຕັກນິກ ແລະ ພະນັກງານ-ວິຊາການທີ່ກຳລັງປະຕິບັດໜ້າທີ່ ຮັບປະກັນວຽກງານເຕັກນິກ ໃຫ້ແກ່ການຊ້ອມຮົບຮ່ວມ ລາວ-ຈີນ “ໂລກຳບັງມິດຕະພາບ-2024”, ໂດຍການນຳພາຂອງ ສະຫາຍ ພັນເອກ ລຽນວິໄລ
ພັນທອງຄຳ ຫົວໜ້າຫ້ອງການເມືອງ ກົມໃຫຍ່ເຕັກນິກກອງທັບ, ກ່າວຮັບໂດຍຂອງ ສະຫາຍ ພັນເອກ ວິນທອງ ໄຊຍະວົງ ຮອງຫົວໜ້າ ກົມເສນາເຕັກນິກ ກົມໃຫຍ່ເຕັກນິກກອງທັບ, ຄະນະຊີ້ນຳວຽກງານຮັບປະກັນເຕັກນິກພາກສະໜາມ ພ້ອມດ້ວຍຄະນະ ແລະ ມີສະຫາຍ ພົນຈັດຕະວາ ຈອມເພັດ ໄຊຍະສຸກ ຮອງຫົວໜ້າກົມໃຫຍ່ເຕັກນິກກອງທັບ ເຂົ້າຮ່ວມ.
ສະຫາຍ ພັນເອກ ວິນທອງ ໄຊຍະວົງ ໄດ້ກ່າວວ່າ: ການປະກອບສ່ວນ ເຮັດວຽກງານຮັບປະກັນເຕັກນິກ ໃຫ້ແກ່ການຊ້ອມຮົບຮ່ວມ ລາວ-ຈີນ ຄັ້ງນີ້ ແມ່ນມີຄວາມສຳຄັນຢ່າງຍິ່ງ ເພື່ອຮັບປະກັນດ້ານວຽກງານເຕັກນິກ ໃຫ້ແຕ່ລະກົມກອງ ເຊິ່ງມີທັງຂໍ້ສະດວກ ແລະ ຂໍ້ຍຸ້ງຍາກຫຼາຍດ້ານ ແຕ່ກຳລັງເຕັກນິກຂອງພວກເຮົາກໍສາມາດຜ່ານຜ່າໄປດ້ວຍດີ, ແຕ່ລະພາກສ່ວນໄດ້ເອົາໃຈໃສ່ສຸມສະຕິປັນຍາ, ເຫື່ອແຮງ ທັງກາງເວັນ ແລະ ກາງຄືນ ເຮັດວຽກງານຮັບປະກັນເຕັກນິກ ເພື່ອເຮັດໃຫ້ການຊ້ອມຮົບຮ່ວມ ລາວ-ຈີນ ຄັ້ງນີ້ ສຳເລັດຕາມຄາດໝາຍທີ່ວາງໄວ້. ສຳລັບເຄື່ອງທີ່ນຳມາມອບໃນຄັ້ງນີ້ ມີນໍ້າດື່ມ 20 ແພັກ, ປ໋ອງປາ 8 ແພັກ, ກາເຟ 15 ຖົງ, ໝີ່ສຳເລັດຮູບ 10 ແກັດ, ຢາສູບ 80 ຊອງ ລວມມູນຄ່າ ທັງໝົດ 6.570.000 ກີບ.
ໂອກາດດຽວກັນນີ້, ສະຫາຍ ພັນໂທ ແສງດາວັນ ສີຊານົນ ຫົວໜ້າອຳນວຍການ ໂຮງງານເກີບທັນວາກອງທັບ ຍັງໄດ້ປະກອບສ່ວນຊຸກຍູ້ ເສື້ອຊ້ອນທະຫານ ຈຳນວນ 50 ຜືນ ລວມມູນຄ່າ 5.000.000 ກີບ.
ໂດຍ: ຄຳສອນ ພົມໄຊຍາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
