
ກອງຮ້ອຍ 202 ສຳເລັດກອງປະຊຸມໃຫຍ່ ໜ່ວຍພັກ ຄັ້ງທີ VIII
ເວລາອອກຂ່າວ: 2024-07-23 09:56:40 | ຜູ້ຂຽນ : admin1 | ຈຳນວນຄົນເຂົ້າຊົມ: 401 | ຄວາມນິຍົມ:
ໃນວັນທີ 17 ກໍລະກົດ 2024 ນີ້, ກອງຮ້ອຍ 202 ເປີດກອງປະຊຸມໃຫຍ່ໜ່່ວຍພັກ ຄັ້ງທີ VIII, ໂດຍການເປັນປະທານ ຂອງສະຫາຍ ພົນຈັດຕະວາ
ເພັດສະຫວ່າງ ຫຼ້າວົງຄຳ ກຳມະການຄະນະພັກອົງການກົມໃຫຍ່, ຫົວໜ້າກົມໂຮງຮຽນ ກົມໃຫຍ່ເສນາທິການກອງທັບ, ມີຄະນະພັກ-ຄະນະບັນຊາກອງຮ້ອຍພ້ອມດ້ວຍສະມາຊິກພັກເຂົ້າຮ່ວມ.
ສະຫາຍ ພັນໂທ ບຸນທະວີ ຈັນທະວົງ ເລຂາໜ່ວຍພັກ, ຫົວໜ້າການທະຫານ ກອງຮ້ອຍ 202 ໄດ້ຜ່ານບົດລາຍງານການເມືອງທັງສອງພາກເຊິ່ງໄດ້ຍົກໃຫ້ເຫັນເຖິງບົດບາດສິດໜ້າທີ່ການນຳພາຂອງຄະນະພັກໂດຍປະຕິບັດຕາມ 5 ຫຼັກການ 3 ທິດນຳຂອງພັກວາງອອກ ໃນການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ຄະນະພັກ-ຄະນະບັນຊາ ໄດ້ຖືເອົາວຽກງານການສຶກສາອົບຮົມການເມືອງນຳພາ-ແນວຄິດເປັນກົກ, ເຮັດໃຫ້ພະນັກງານ-ສະມາຊິກພັກ-ນັກຮົບມີແນວຄິດຫຼັກໝັ້ນຕໍ່ແນວທາງນະໂຍບາຍຂອງພັກ-ລັດວາງອອກເປັນຢ່າງດີ, ໄປຄຽງຄູ່ກັບການນຳເອົາເອກະສານມາຈັດຕັ້ງເຊື່ອມຊຶມ ເຮັດໃຫ້ພະນັກງານ-ສະມາຊິກພັກ ເຂົ້າໃຈແຈ້ງຕໍ່ແນວທາງປ່ຽນແປງໃໝ່ຂອງພັກ ພ້ອມນັ້ນ, ຍັງໄດ້ຈັດຕັ້ງອົບຮົມຫັດແອບປະຈຳປີ ເປັນຕົ້ນແມ່ນຫັດແອບທາງດ້ານສິລະປະຍຸດ-ຍຸດທະວິທີ ເພື່ອເຝິກຝົນກຳລັງແຮງກາຍໃຫ້ມີຄວາມເຂັ້ມແຂງທົນທານ ແລະ ມີຄວາມຄ່ອງແຄ້ວໃນການເຮັດໜ້າທີ່ວິຊາສະເພາະຂອງກົມກອງໃຫ້ມີຄວາມສະຫງົບປອດໄພ 100%, ດ້ານວຽກງານແກ້ໄຂຊີວິດການເປັນຢູ່ແມ່ນໄດ້ຖືເອົາການປູກ-ການລ້ຽງເປັນຫຼັກ ເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບພາຍໃນກົມກອງໃຫ້ດີຂຶ້ນເປັນກ້າວໆ.
ໃນໂອກາດດັ່ງກ່າວ, ຜູ້ເຂົ້າຮ່ວມກອງປະຊຸມໄດ້ປະກອບຄຳເຫັນໃສ່ບົດລາຍງານການເມືອງທັງສອງພາກຢ່າງກົງໄປກົງມາ ເພື່ອເຮັດໃຫ້ບົດລາຍງານດັ່ງກ່າວມີເນື້ອໃນອຸດົມສົມບູນຂຶ້ນຕື່ມ, ພ້ອມນັ້ນບັນດາສະມາຊິກພັກໄດ້ໃຊ້ສິດປະຊາທິປະໄຕຂອງຕົນປ່ອນບັດຄັດເລື່ອກເອົາຄະນະພັກຊຸດໃໝ່ໄດ້ຕາມລະດັບຄາດໝາຍ.
ໂດຍ: ບຸນຊ້ອຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ