POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 27 ເມສາ 2025

ພະແນກສະຫະພັນແມ່ຍິງ ກມທ ປາຖະກະຖາມູນເຊື້ອວັນສ້າງຕັ້ງສະຫະພັນແມ່ຍິງລາວ
ເວລາອອກຂ່າວ: 2024-07-23 09:54:34 | ຜູ້ຂຽນ : admin1 | ຈຳນວນຄົນເຂົ້າຊົມ: 494 | ຄວາມນິຍົມ:

ວັນທີ 18 ກໍລະກົດ 2024 ນີ້, ພະແນກສະຫະພັນແມ່ຍິງ ກົມໃຫຍ່ການເມືອງກອງທັບ(ກມທ) ໄດ້ປາຖະກະຖາມູນເຊື້ອການກຳເນີດ ແລະ ເຕີບໃຫຍ່ຂະຫຍາຍຕົວ ຂອງອົງການຈັດຕັ້ງສະຫະພັນແມ່ຍິງລາວ ຄົບຮອບ 69 ປີ (20 ກໍລະກົດ 1955-20 ກໍລະກົດ 2024), ໂດຍການເປັນປະທານ ແລະ ປາຖະ ກະຖາຂອງສະຫາຍ ພັນເອກ ນາງ ໄພວອນ ອິນທະບຸດ ຄະນະບໍລິຫານງານສູນກາງສະຫະພັນແມ່ຍິງລາວ, ຫົວໜ້າຫ້ອງການສະຫະພັນແມ່ຍິງກອງທັບ, ມີຄະນະພັກ-ຄະນະບັນຊາ, ຄະນະນຳສະຫະພັນແມ່ຍິງ ບັນດາກົມ, ກອງ, ຫ້ອງການ ແລະ ສະມາຊິກສະຫະພັນແມ່ຍິງທົ່ວກົມໃຫຍ່ການເມືອງກອງທັບ ເຂົ້າຮ່ວມ. ໃນພິທີ ໄດ້ຮັບຊົມການສະແດງສິລະປະ-ວັນນະຄະດີສະໝັກຫຼິ້ນຈາກໜ່ວຍສະຫະພັນແມ່ຍິງສູນ 790 ແລະ ການຖາມ-ຕອບຄວາມຮູ້ຮອບຕົວ ດ້ວຍບັນ ຍາກາດຟົດຟຶ້ນ ແລະ ມ່ວນຊື່ນ. ຈາກນັ້ນ, ສະຫາຍ ພັນເອກ ນາງ ໄພວອນ ອິນທະບຸດ ໄດ້ຫວນຄືນມູນເຊື້ອການກຳເນີດ ແລະ ເຕີບໃຫຍ່ຂະຫຍາຍຕົວ ແລະ ຜົນງານການເຄື່ອນ ຂອງອົງການຈັດຕັ້ງສະຫະພັນແມ່ຍີງລາວ ຕະຫຼອດໄລຍະ 69 ປີຜ່ານມາ. ທັງນີ້, ກໍເພື່ອເປັນການສຶກສາອົບຮົມ ໃຫ້ສະມາຊິກສະຫະພັນແມ່ຍິງ ໄດ້ຮັບຮູ້ ແລະ ເຂົ້າໃຈຄວາມໝາຍຄວາມສຳຄັນ ຂອງວັນດັ່ງກ່າວ, ເພຶ່ອສຶກສາອົບຮົມ ໃຫ້ພະນັກງານທັງຍິງ-ຊາຍ ຮຸ່ນສືບທອດ ໄດ້ຮັບຮູ້ປະຫວັດຄວາມເປັນມາ ຂອງວັນສ້າງຕັ້ງສະຫະພັນແມ່ຍິງລາວ ແລະ ເປັນບ່ອນອີງໃຫ້ແກ່ຄວາມສະເໝີພາບໃນການດຳລົງຊີວິດ ລະຫວ່າງ ຍິງ-ຊາຍ ຢູ່ໃນຄອບຄົວ ແລະ ສັງຄົມ, ເພື່ອຫຼີກເວັ້ນການໃຊ້ຄວາມຮຸນແຮງຕໍ່ແມ່ຍິງໃນທຸກຮູບແບບ. ໂອກາດນີ້, ສະຫາຍຍັງໄດ້ເນັ້ນໜັກໃຫ້ຜູ້ເຂົ້າຮ່ວມຈົ່ງພ້ອມກັນນຳເອົາເນື້ອໃນຈິດໃຈ ຂອງການປາຖະກະຖາຄັ້ງນີ້ ໄປໝູນໃຊ້ເຂົ້າໃນຊີວິດປະຈຳວັນ ແລະ ໜ້າທີ່ວຽກງານຕົວຈິງຂອງກົມກອງຢ່າງປະດິດສ້າງໃຫ້ໄດ້ຮັບໝາກຜົນ ເພື່ອສ້າງກົມກອງຂອງຕົນ ໃຫ້ມີບາດກ້າວຫັນປ່ຽນອັນໃໝ່, ຕັ້ງໜ້າປັບປຸງແບບແຜນວິທີເຮັດວຽກ ແລະ ການດຳລົງຊີວິດທີ່ດີ, ຕ້ານທຸກລັກສະນະແນວຄິດບໍ່ດີໃນທຸກຮູບແບບທີ່ີເປັນການລະເມີດສິດສະເໝີພາບລະຫວ່າງ ຍິງ-ຊາຍ, ຕັ້ງໜ້າສຶກສາອົບຮົມສະມາຊິກສະຫະພັນແມ່ຍິງໃນກົມກອງຂອງຕົນ ໃຫ້ເປັນເຈົ້າການສືບຕໍ່ເຝິກຝົນຫຼໍ່ຫຼອມຕົນເອງເປັນແບບຢ່າງແກ່ມະຫາຊົນ ທາງດ້ານຄວາມຮູ້, ຄວາມສາມາດ, ມີຄຸນສົມບັດສິນທຳປະຕິວັດ, ມີຄວາມສາມັກຄີເປັນເອກະພາບພາຍໃນ, ສາມັກຄີກັບປະຊາຊົນບັນດາເຜົ່າ ແລະ ປະກອບສ່ວນຢ່າງຕັ້ງໜ້າເຂົ້າໃນການປະຕິບັດໜ້າທີ່ວຽກງານຕ່າງໆ ຂອງກົມກອງ, ເພື່ອເປັນການຍົກສູງບົດບາດ ຂອງແມ່ຍິງຕໍ່ໜ້າທີ່ການເມືອງ ຂອງກົມກອງ ໃຫ້ສູງຂຶ້ນກວ່າເກົ່າ. ໂດຍ: ຄຳປ໋ອກ

news to day and hot news