ກອງທັບປະຊາຊົນລາວ
 
ວັນອັງຄານ, ວັນທີ 11 ກຸມພາ 2025

  

ຄະນະ​ພັກ​ຮາກ​ຖານ ໂຮງງານ​ມິດຕະພາບ​ລາວ-ຫວຽດນາມ ສະຫຼຸບ​ຕີ​ລາຄາ​ການ​ກໍ່ສ້າງ​ໜ່ວຍ​ພັກ ປອດ​ໃສ ເຂັ້ມແຂງ ໜັກ​ແໜ້ນ
ເວລາອອກຂ່າວ: 2024-07-23 09:50:46 | ຜູ້ຂຽນ : admin1 | ຈຳນວນຄົນເຂົ້າຊົມ: 399 | ຄວາມນິຍົມ:



ໃນ​ຕົ້ນ​ເດືອນ​ກໍລະກົດ 2024, ຄະນະ​ພັກ​ຮາກ​ຖານ​ໂຮງງານ​ມິດຕະພາບ ລາວ-ຫວຽດນາມ ໄດ້​ສະຫຼຸບ​ຕີ​ລາຄາ​ການ​ກໍ່ ສ້າງໜ່ວຍ​ພັກ ​ປອດ​ໃສ ເຂັ້ມແຂງ ໜັກແໜ້ນ ປະຈຳ​ປີ 2024, ໂດຍ​ການເປັນປະທານ​ຂອງ ສະຫາຍ ພົນຈັດຕະວາ ທອງ​ພັນ ສຸ​ທຳ​ມະ​ວົງ ກຳມະການ​ຄະນະ​ພັກ​ກະ ຊວງປ້ອງກັນ​ປະເທດ, ຮັກສາ​ ການ​ ຫົວໜ້າ​ກົມໃຫຍ່​ເຕັກນິກກອງທັບ, ມີ​ສະຫາຍ ພັນ​ໂທ ບຸນ​ໄທ ກອງ​ປັນຍາ ເລຂາ​ຄະນະ​ພັກ​ຮາກຖານ, ຫົວໜ້າ​ໂຮງງານ​ມິດຕະພາບ ​ລາວ-ຫວຽດນາມ, ມີ​ບັນດາຄະນະ​ກວດກາ​ການ​ກໍ່ສ້າງ​ໜ່ວຍ​ພັກ ປອດ​ໃສ ເຂັ້ມແຂງໜັກ​ແໜ້ນ, ຄະນະ​ໜ່ວຍ​ພັກ ຕະຫຼອດ​ຮອດພະນັກງານ-ສະມາຊິກ​ພັກສົມບູນ-ສຳຮອງ ເຂົ້າ​ຮ່ວມ. ສະຫາຍ ພັນ​ໂທ ລອນ​ສີ ທຳ​ມະ​ວົງ ຮອງ​ເລຂາ​ຄະນະ​ພັກ​ຮາກ​ຖານ​ໂຮງງານ​ມິດຕະພາບ​ລາວ-ຫວຽດນາມ ໄດ້​ຜ່ານ​ບົດ​ສະຫຼຸບ​ການ​ກໍ່ສ້າງ​ໜ່ວຍ​ພັກ ​ປອດ​ໃສ ເຂັ້ມແຂງ ໜັກ​ແໜ້ນ ປະຈຳ​ປີ 2024. ໃນ​ໄລຍະ​ຜ່ານ​ມາ ຄະນະ​ພັກ​ຮາກ​ຖານ​ໄດ້​ຖື​ເອົາ​ວຽກ​ງານ​ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດ ເປັນ​ວຽກ​ງານ​ສຳຄັນ ສອດ​ຫ້ອຍ​ເຂົ້າ​ທຸກ​ຂົງເຂດ​ວຽກ​ງານ. ຜ່ານ​ການຈັດຕັ້ງ​ປະຕິບັດ​ໃນ​ບັ້ນ​ດຳເນີນ​ຊີວິດ​ການເມືອງ​ສຳ​ຫຼວດ​ກວດກາ​ການ​ຄັດ​ເລືອກ​ຕີ​ລາຄາ​ແບ່ງ​ປະເພດ​ຄຸນ​ນະ​ພາບ​ຂອງ​ສະມາຊິກ​ພັກ, ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ປະຈຳ​ປີ 2024 ສາມາດ​ຕີ​ລາຄາ​ຈັດ​ແບ່ງ​ປະເພດ​ເປັນ​ສະມາຊິກ​ພັກ​ແຂງ​ມີ 162 ສະຫາຍ, 7 ໜ່ວຍ​ພັກ​ບັນລຸ​ຄະແນນ 100% ນຳ​ສະ ເໜີ​ຄະນະ​ພັກ​ຂັ້ນ​ເທິງ​ຄົ້ນ​ຄວ້​​າ​ຮັບ ຮອງ ແລະ ຢັ້ງຢືນ​ເປັນ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ຕິດ ຕໍ່​ກັນ​ອີກ​ໜຶ່ງ​ສະໄໝ. ໂອກາດ​ດຽວ​ກັນ​ນີ້, ສະຫາຍ ພັນ​ເອກ ວຽງ​ທອງ ພັດ​ທະ​ສິດ ຮອງ​ຫົວໜ້າ​ຫ້ອງ​ການເມືອງ ກົມ​ໃຫຍ່​ເຕັກນິກ​ກອງທັບ ຍັງ​ໄດ້​ຜ່ານ​ຂໍ້​ຕົກລົງ​ຂອງ​ກົມ​ໃຫຍ່​ການເມືອງ​ກອງທັບ ວ່າ​ດ້ວຍ​ ການ​ອະນຸມັດ​ໃຫ້​ນາຍ​ທະຫານ ຢູ່ ກົມ​ໃຫຍ່​ເຕັກ ນິກ​ກອງທັບ ພັກ​ການ​ເພື່ອ​ກຽມ​ຮັບ​ບຳນານ; ກົມ​ໃຫຍ່​ການເມືອງ​ກອງທັບ ຕົກລົງ​ອະນຸມັດ​ໃຫ້​ນາຍ​ທະຫານ ຈຳນວນ 3 ສະຫາຍ ຢູ່​ໂຮງງານ​ມິດຕະພາບ​ ລາວ-ຫວຽດນາມ​ພັກ​ການ ກຽມ​ຮັບ​ບຳນານ ຄື: ສະຫາຍ ພັນ​ໂທ ຄຳ​ສົງກາ ສີ​ຫາ​ປັນຍາ ຫົວໜ້າ​ຂະແໜງ​ສ້ອມແປງ​ຊ່ວງ​ລ່າງ, ສະຫາຍ ພອນ​ສະຫວັນ ຫຼ້າ ຫົວໜ້າ​ຂະແໜງ​ສ້ອມແປງ​ມ້າງ-ປະກອບ ແລະ ສະຫາຍ ພັນ​ໂທ ນາງ ວຽງ​ຄອນ ພົມມະຈັນ ຫົວໜ້າ​ຂະແໜງ​ຫຍິບ. ໂດຍ: ຄຳ​ສອນ ພົມ​ໄຊ​ຍາ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ