ວັນອາທິດ, ວັນທີ 22 ມິຖຸນາ 2025
ກອງປະຊຸມຜູ້ແທນແມ່ຍິງ ຄັ້ງທີ VIII ທົ່ວກອງພັນໃຫຍ່ 605
ເວລາອອກຂ່າວ: 2024-06-19 09:08:31 | ຜູ້ຂຽນ : admin1 | ຈຳນວນຄົນເຂົ້າຊົມ: 429 | ຄວາມນິຍົມ: 
ໃນວັນທີ 13 ມິຖຸນາ 2024 ນີ້, ສະຫະພັນແມ່ຍິງ ກອງພັນໃຫຍ່ 605 ໄດ້ເປີດກອງປະຊຸມຜູ້ແທນແມ່ຍິງ ຄັ້ງທີ VIII ໃນໄລຍະ 5 ປີ (2019-2024) ແລະ ວາງທິດທາງແຜນການຕໍ່ໜ້າ (2024- 2029), ໂດຍການເປັນປະທານ ຂອງ ສະຫາຍ ພັນເອກ ນາງ ໄພວອນ ອິນທະບຸດ ຄະນະບໍລິຫານງານສູນກາງສະຫະພັນແມ່ຍິງລາວ, ຫົວໜ້າຫ້ອງການສະຫະພັນແມ່ຍິງກອງທັບ, ມີສະຫາຍ ພັນໂທ ໄມສີ ມາວັນດີ ຫົວໜ້າພະແນກການເມືອງ, ຜູ້ຊີ້ນຳອົງການຈັດຕັ້ງມະຫາຊົນກອງພັນໃຫຍ່ 605, ມີຄະນະພັກ-ຄະນະບັນຊາ, ພະແນກການ, ກົມກອງ, ພະນັກງາອາວຸໂສບຳນານ, ແຂກຖືກເຊີນ ແລະ ຜູ້ແທນກອງປະຊຸມ ເຂົ້າຮ່ວມ.
ສະຫາຍ ພັນໂທ ນາງ ພົມວິໄລ ຄຳປັນຍາ ຫົວໜ້າຂະແໜງສະຫະພັນແມ່ຍິງ ກອງພັນໃຫຍ່ 605 ໄດ້ສະຫຼຸບຕີລາຄາ ການເຄື່ອນໄຫວວຽກງານຮອບ
ດ້ານ ໃນການຈັດຕັ້ງປະຕິບັດໜ້າທີ່ວຽກງານການເມືອງ ຂອງຕົນ ໃນໄລຍະ 5 ປີຜ່ານມາ, ຄະນະພັກ-ຄະນະບັນຊາ ແຕ່ລະຂັ້ນ ກໍຄືຄະນະນຳແມ່ຍິງ ໄດ້ເອົາໃຈໃສ່ສຶກສາອົບຮົມການເມືອງນຳພາ-ແນວຄິດ ໃຫ້ສະມາຊິກສະຫະພັນແມ່ຍິງ ມີແນວຄິດການເມືອງໜັກແໜ້ນ, ມີຄວາມອຸ່ນອຽນທຸ່ນທຽງ ເຊື່ອໝັ້ນຕໍ່ການນຳພາ ຂອງພັກ-ລັດ, ຂໍ້ກຳນົດ, ກົດລະບຽບ ຂອງພັກ-ລັດ, ຂອງກອງທັບ ແລະ ຂໍ້ກຳນົດ, ກົດລະບຽບຂອງແມ່ຍິງລາວວາງອອກ ຕິດພັນກັບການປະຕິບັດໜ້າທີ່ວຽກງານວິຊາສະເພາະ ແລະ ເນື້ອໃນຂໍ້ແຂ່ງຂັນ 3 ດີ ເຮັດໃຫສະຫະພັນແມ່ຍິງໄດ້ຮັບນະໂຍບາຍການເລື່ອນຊັ້ນ, ເລື່ອນຕຳແໜ່ງຫຼາຍສະຫາຍ ແລະ ໄດ້ຮັບການຍ້ອງຍໍປະເພດ ຫຼຽນໄຊພິລະອາດຫານ ຊັ້ນ III ຈຳນວນ 7 ສະຫາຍ, ຫຼຽນໄຊແຮງງານ ຊັ້ນ III ຈຳນວນ 5 ສະຫາຍ, ຫຼຽນກາແຮງງານ 24 ສະຫາຍ, ໃບຍ້ອງຍໍລັດຖະບານ 30 ສະຫາຍ, ຍ້ອງຍໍກະຊວງປ້ອງກັນປະເທດ 14 ສະຫາຍ ແລະ ຍ້ອງຍໍກົມໃຫຍ່ການເມືອງກອງທັບ 16 ສະຫາຍ, ແມ່ຍິງ 3 ດີປະເພດ I ຈຳນວນ 119 ສະຫາຍ, ປະເພດ II ຈຳນວນ 9 ສະຫາຍ, ພົນລະເມືອງດີ 128 ສະຫາຍ, ພັດທະນາດີ 119 ສະຫາຍ, ສ້າງຄອບຄົວດີ 119 ສະຫາຍ, ໜ່ວຍ 3 ດີ 9 ໜ່ວຍ, ມີຄອບຄົວຕົວແບບ 1 ຄອບຄົວ. ພ້ອມນີ້, ກອງປະຊຸມ ຍັງໄດ້ຜ່ານບົດລາຍງານແຜນພັດທະນາຂອງສະຫະພັນແມ່ຍິງກອງພັນໃຫຍ່ 605 ໃນໄລຍະ 5 ປີ (2019-2024) ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຜນພັດທະນາ ຂອງຫ້ອງການສະຫະພັນແມ່ຍິງກອງທັບ 10 ແຜນງານ 54 ໂຄງການ ກໍຄື 9 ແຜນງານ 38 ໂຄງການ ຂອງຂະແໜງສະຫະພັນແມ່ຍິງກອງ
ພັນໃຫຍ່ວາງອອກ ເພື່ອເສິມຂະຫຍາຍດ້ານດີ ແລະ ແກ້ໄຂດ້ານອ່ອນໃຫ້ໄດ້ຮັບຜົນດີຂຶ້ນ.
ໂອກາດນີ້, ສະຫາຍ ພັນເອກ ນາງ ໄພວອນ ອິນທະບຸດ ໄດ້ຮຽກຮ້ອງໃຫ້ຄະນະພັກ-ຄະນະບັນຊາ ບັນດາຫົວໜ່ວຍກົມກອງ, ຄະນະນຳແມ່ຍິງ ແລະ ສະມາຊິກສະຫະພັນແມ່ຍິງ ແຕ່ລະສະຫາຍ ສືບຕໍ່ປະຕິບັດຂໍ້ກຳນົດ, ກົດລະບຽບ ຂອງພັກ-ລັດ, ຂອງກອງທັບ, ຂໍ້ກຳນົດ, ກົດລະບຽບ ຂອງຄະນະບໍລິຫານງານສູນກາງສະຫະພັນແມ່ຍິງລາວວາງອອກ, ສືບຕໍ່ສຶກສາອົບຮົມການເມືອງ-ນຳພາແນວຄິດ ໃຫ້ສະມາຊິກສະຫະແມ່ຍິງ ມີແນວຄິດການໜັກແໜ້ນ, ມີຄວາມຮັບ
ຜິດຊອບຕໍ່ໜ້າທີ່ວຽກງານສູງຂຶ້ນກວ່າເກົ່າ, ເພີ່ມທະວີຕັ້ງໜ້າປະຕິບັດວຽກງານຂະບວນການຂໍ້ແຂ່ງຂັນ 3 ດີ ໃຫ້ມີທັງປະລິມານ ແລະ ຄຸນນະພາບສູງຂຶ້ນ. ພ້ອມກັນ, ເອົາໃຈໃສ່ຄົ້ນຄວ້າເຊື່ອມຊຶມກຳແໜ້ນທິດທາງແຜນການ ແລະ ແຜນພັດທະນາແມ່ຍິງໃນຕໍ່ໜ້າ ໄປຈັດຕັ້ງປະຕິບັດຜັນຂະຫຍາຍໃຫ້ມີປະສິດທິຜົນ ແລະ ມີຜົນສຳເລັດສູງ.
ໂດຍ: ໜູແດງ ລາດສະແກ້ວ
ພາບໂດຍ: ເພັງ ມະນີລະສິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
