ກອງທັບປະຊາຊົນລາວ
 
ວັນອັງຄານ, ວັນທີ 23 ກໍລະກົດ 2024

  

ໂຮງຮຽນ 307 ປິດ​ຊຸດ​ອົບຮົມ​ກໍ່ສ້າງ​ເລັ່ງ​ລັດ​ເຕັກນິກ​ກົດ​ລັບ ​ຊັ້ນ​ກາງ ​ຊຸດ​ທີ 5 ແລະ ເຕັກນິກ​ກົດ​ລັບ ຊັ້ນຕົ້ນ ​ຊຸດ​ທີ 25
ເວລາອອກຂ່າວ: 2024-06-17 08:46:03 | ຜູ້ຂຽນ : admin1 | ຈຳນວນຄົນເຂົ້າຊົມ: 126 | ຄວາມນິຍົມ:



ວັນ​ທີ 13 ມິຖຸນາ 2024 ນີ້, ໂຮງຮຽນ 307 ໄດ້​ປິດ​ຊຸດ​ອົບຮົມ​ກໍ່ສ້າງ​ເລັ່ງ​ລັດ​ເຕັກນິກ​ກົດ​ລັບ​ ຊັ້ນ​ກາງ ຊຸດ​ທີ 5 ແລະ ເຕັກນິກ​ກົດ​ລັບ​ ຊຸດ​ທີ 25 ປະ ຈຳ​ສົກຮຽນ 2023-2024 ໂດຍ​ການ​ເປັນ​ປະທານ ສະຫາຍ ພົນ​ຈັດຕະວາ ຄຳ​ເຫຼັກ ວົງ​ດອນ​ໄຊ ຫົວໜ້າ​ກົມ​ກົດ​ລັບ ກົມ​ໃຫຍ່​ເສນາ​ທິ​ການ​ກອງທັບ, ມີຜູ້ຕາງ ໜ້າ​ກົມ​ໂຮງຮຽນ, ກົມ​ອົບຮົມ, ກົມ​ພະນັກງານ, ກົມ​ກຳລັງ​ພົນ, ຫ້ອງ​ການເມືອງ ກົມ​ໃຫຍ່​ເສນາທິການ, ກົມ​ກົດ​ລັບ​ກະຊວງ​ປ້ອງ​ກັນ​ຄວາມ​ສະຫງົບ, ພະ​ແນກ ​ອົບຮົມ-ພະ​ແນກ​ຈັດ​ຕັ້ງ​ກົມ​ກົດ​ລັບ, ຄະນະ​ພັກ-ຄະນະ​ອຳນວຍ​ການ, ພະນັກງານ​ຫຼັກ​ແຫຼ່ງ, ຄູ-ອາຈານ ແລະ ນັກຮຽນ​​ເຂົ້າ​ຮ່ວມ. ສະຫາຍ ພັນ​ໂທ ບຸນ​ສະຫຼອງ ວິໄລ​ຫານ ຫົວໜ້າ​ການ​ທະຫານ​ໂຮງຮຽນ 307 ໄດ້​ສະຫຼຸບ​ຕີ​ລາຄາ​ຄືນ​ການ​ອົບຮົມ ​ກໍ່ສ້າງ​ເລັ່ງ​ລັດ​ເຕັກນິກກົດລັບ ຊັ້ນ​ກາງ ​ຊຸດ​ທີ 5 ແລະ ກໍ່ສ້າງ​ຊັ້ນ​ຕົ້ນ​ ຊຸດ​ທີ 25 ເຊິ່ງ​ໃນ​ໄລຍະ​ຜ່ານ​ມາ ​ນັກຮຽນ​ແຕ່​ລະ​ສະຫາຍ​ໄດ້​ເປັນ​ເຈົ້າ​ການ​ເຝິກຝົນ​ຫຼໍ່​ຫຼອມ​ຕົນ​ເອງ​ຢ່າງ​ຕັ້ງໜ້າ, ມີ​ຄວາມ​ຫ້າວຫັນ​ປະຕິບັດ​ໜ້າທີ່​ຂອງ​ຕົນ​ດ້ວຍ​ຄວາມ ຮັບຜິດຊອບ​ສູງ, ເອົາໃຈໃສ່​ໃນ​ການ​ສຶກ​ສາ​ຄົ້ນຄວ້າ​ຮ່ຳຮຽນ​ຢ່າງ​ເປັນ​ລະບົບ, ສາມາດ​ຮັບ​ຮູ້ ແລະ ເຂົ້າໃຈ​ຢ່າງ​ເລິກເຊິ່ງ​ຕໍ່​​ບົດຮຽນ​ທາງ​ດ້ານ​ທິດ​ສະ​ດີ ແລະ ພາກ​ປະຕິບັດ​ຕົວ​ຈິງ. ຜ່ານ​ການ​ອົບຮົມ​ຫັດ​ແອບ​ຕົວ​ຈິງ ການ​ກໍ່ສ້າງ​ເລັ່ງ​ລັດເຕັກນິກກົດລັບ ​ຊັ້ນ​ກາງ​ ຊຸດ​ທີ 5 ວິຊາ​ວຽກ​ງານ​ພັກ-ວຽກ​ງານ​ການເມືອງ ຄະແນນດີເລີດ ເທົ່າກັບ 79,59%, ວິຊາ​ລະບຽບ​ງົດ​ງາມ ຄະແນນດີເລີດ ​ເທົ່າກັບ 40,82%, ວິຊາ​ທິດ​ສະ​ດີ​ການເມືອງ​ວິຊາ​ສະເພາະຄະແນນດີເລີດ ​ເທົ່າກັບ 87,76%, ວິຊາ​ເຕັກນິກ​ກົດ​ລັບ​ພື້ນຖານ ຄະແນນດີເລີດ ເທົ່າກັບ 57,14%, ວິຊາ​ເຕັກນິກ​ຈັກ​ລະຫັດ ຄະແນນດີເລີດ ເທົ່າກັບ 67,35% ແລະ ການ​ກໍ່ສ້າງ​ຊັ້ນ​ຕົ້ນ​ຊຸດ​ທີ 25 ວິຊາ​ສິດ ແລະ ໜ້າທີ່​ ນາຍ​ສິບ ຄະແນນດີເລີດ ເທົ່າກັບ 70%, ວິຊາ​ລະບຽບ​ງົດງາມ ຄະແນນດີເລີດ ເທົ່າກັບ 58%, ວິຊາ​ທິດ​ສະ​ດີ​ການເມືອງ​ວິຊາ​ສະເພາະ ຄະແນນດີເລີດ ເທົ່າກັບ 82,76%, ວິຊາເຕັກນິກ​ກົດ​ລັບ​ພື້ນຖານຄະແນນດີເລີດ ເທົ່າກັບ 94,83%. ໂອກາດ​ນີ້​ຍັງ​ໄດ້​ປະດັບ​ຊັ້ນ​ໃຫ້​ນັກຮຽນ​ທີ່​ຮຽນ​ຈົບ​ຊັ້ນ​ຕົ້ນ ຈາກ​ຊັ້ນ​ສິບ​ເອກ​ ຂຶ້ນ ​ວາທີ 2 ສະຫາຍ, ສິບ​ໂທ ​ຂຶ້ນ​ ​ສິບ​ເອກ 7 ສະຫາຍ, ຊັ້ນ​ສິບ​ຕີ​ຂຶ້ນ ​ສິບ​ໂທ 36 ສະຫາຍ. ພ້ອມ​ທັງ​ມອບ​​ປະ​ກາ​ຍະ​ນີ​ສະ​ບັດ​ໃຫ້​ນັກຮຽນ​ຈົບ​ຢ່າງ​ສົມ​ກຽດ: ໂດຍ: ບຸນ​ເກີດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ