ກອງທັບປະຊາຊົນລາວ
 
ວັນອັງຄານ, ວັນທີ 23 ກໍລະກົດ 2024

  

ກອງ​ພົນ​ທີ 5 ປະກາດການ​ປະດັບທຽບຊັ້ນ​​ນາຍ​ທະຫານ
ເວລາອອກຂ່າວ: 2024-06-17 08:44:40 | ຜູ້ຂຽນ : admin1 | ຈຳນວນຄົນເຂົ້າຊົມ: 125 | ຄວາມນິຍົມ:



ວັນ​ທີ 12 ມິຖຸ​ນາ 2024 ນີ້, ກອງ​ພົນ​ທີ 5 ໄດ້ ປະກາດ​ການປະດັບທຽບ​ຊັ້ນນາຍ​ທະຫານໃຫ້ນັກຮຽນ​ທີ່​ຮຽນ​ຈົບ​ວິຊາ​ສະເພາະ​ຈາກ​ສາຍ​ລັດ, ໂດຍ​ການ​ເປັນ​ປະທານ​ ຂອງ ສະຫາຍ ພັນ​ເອກ ຄຳ​ກົດ ອິນ​ສີ​ນາ ຫົວໜ້າ​ຫ້ອງ​ການເມືອງ ​ກອງ​ພົນ​ທີ 5, ມີ​ຄະນະ​ພັກ-ຄະນະ​ບັນຊາ ອົງການ 5 ຫ້ອງ, ກົມ​ກອງ, ພະແນກການ​ທີ່​ກ່ຽວຂ້ອງ ແລະ ຜູ້​ທີ່​ໄດ້​ຮັບ​ການ​ປະດັບທຽບ​ຊັ້ນ​ໃໝ່​ເຂົ້າ​ຮ່ວມ. ສະຫາຍ ຮ້ອຍ​ເອກ ທົດ​ສະກັນ ນີ​ນາລາ​ວົງ ຊ່ວຍ​ວຽກ​ພະ​ແນກ​ພະນັກງານ ກອງ​ພົນ​ທີ 5 ໄດ້​ຂື້ນ​ຜ່ານ​ຂໍ້​ຕົກລົງ ​ຂອງ​ກົມ​ໃຫຍ່​ການເມືອງ​ກອງທັບ ວ່າ​ດ້ວຍ​ກ​​ານ ປະດັບທຽບຊັ້ນນາຍ​ທະຫານ ຢູ່ກອງພົນທີ 5, ອີງ​ຕາມ ກົດໝາຍ​ນາຍ​ທະຫານ​ກອງທັບ​ປະຊາຊົນ​ລາວ (ສະບັບ​ປັບປຸງ) ໃນ​ພາກ​ທີ II ໝວດ​ທີ 3 ມາດຕາ 19 ແລະ ມາດຕາ 20 ວ່າ​ດ້ວຍ​ປະດັບ​ຊັ້ນ, ປະດັບ​ທຽບ​ຊັ້ນ​​ນາຍ​ທະຫານ ໃນ​ນີ້, ປະດັບທຽບ​ຊັ້ນ​ຮ້ອຍ​ຕີ ໃຫ້​ນັກຮຽນ ຈຳນວນ 11 ສະຫາຍ ແລະ ຮ້ອຍ​ໂທ ຈຳນວນ 34 ສະຫາຍ ໂອກາດ​ນີ້, ສະຫາຍ ພັນ​ເອກ ຄຳ​ກົດ ອີນ​ສີ​ນາ ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ຜູ້​ທີ່​ໄດ້​ຮັບ​ການ​ປະດັບທຽບ​ຊັ້ນ​ໃໝ່​ໃນ​ຄັ້ງ​ນີ້, ພ້ອມ​ທັງ​ເນັ້ນ​ໜັກ ຈົ່ງ​ພ້ອມ​ກັນ ເອົາໃຈໃສ່​ເຝີກ​ຝົນ​ຫຼໍ່​ຫຼອມ​ຕົນ​ເອງ​ຢ່າງຮອບດ້ານ, ມີ​ຄວາມ​ໜັກ​ແໜ້ນ​ທາງ​ດ້ານ​ການເມືອງ​ແນວ​ຄິດ, ຖື​ເອົາ​ວຽກ​ງານ​ສຶກ​ສາ​ອົບຮົມ​ການເມືອງ-ແນວ​ຄິດ ເປັນ​ຫຼັກ ປັບປຸງ​ແບບແຜນ​ວິທີ​ເຮັດ​ວຽກ​ຢ່າງ​ມີ​ວິທະຍາສາດ​ໃຫ້​ສອດຄ່ອງ​ກັບ​ໜ້າທີ່​ການເມືອງ​ຂອງ​ຕົນ ເພື່ອ​ພ້ອມ​ກັນ​ເຮັດ​ສຳ​ເລັດ​​ໜ້າ​ທີ່ ​ທີ່​ການຈັດຕັ້ງ​ຂັ້ນ​ເທິງ​ມອບ​ໝາຍ​ໃຫ້​ດ້ວຍ​ໝາກຜົນ​ສູງ. ໂດຍ: ທອງ​ປານ ສີດາ​ໄລ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ