ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ມອບ-ຮັບໜ້າທີ່ເລຂາຄະນະພັກ ຫົວໜ້າການເມືອງໂຮງຮຽນກໍ່ສ້າງນາຍສິບເລກ2 ວຽງໄຊ
ເວລາອອກຂ່າວ: 2024-05-27 15:45:17 | ຜູ້ຂຽນ : admin2 | ຈຳນວນຄົນເຂົ້າຊົມ: 287 | ຄວາມນິຍົມ:



ຕອນເຊົ້າຂອງວັນທີ24 ພຶດສະພາ 2024 ນີ້, ໂຮງຮຽນກໍ່ສ້າງນາຍສິບເລກ2 ວຽງໄຊ ໄດ້ຈັດຕັ້ງພິທີມອບ-ຮັບໜ້າທີ່ເລຂະຄະນະພັກ, ຫົວໜ້າການເມືອງໂຮງຮຽນ ຜູ້ເກົ່າ ກັບເລຂາຄະນະພັກ, ຫົວໜ້າການເມືອງໂຮງຮຽນ ຜູ້ໃໝ່. ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ວົງມະນີຈັນ ສາມາວົງ ຫົວໜ້າການທະຫານໂຮງຮຽນ, ມີຄະນະພັກ-ຄະນະອຳນວຍການ, ຄະນະບັນຊາຫ້ອງ, ພະແນກການທີ່ກ່ຽວຂ້ອງເຂົ້າຮ່ວມ. ໃນພິທີ ສະຫາຍ ພັນເອກ ພູເວີນ ວົງຄຳຊາວ ອາດີດເລຂາຄະນະພັກ-ຫົວໜ້າການເມືອງໂຮງຮຽນ(ຜູ້ເກົ່າ) ໄດ້ຂຶ້ນສະຫຼຸບຄືນໃນການຊີ້ນຳ-ນຳພາ ຕະຫຼອດໄລຍະ 5 ປີຜ່ານມາຕົນເອງໄດ້ເປັນເຈົ້າການປະຕິບັດຕາມພາລະບົດບາດໜ້າທີ່ໃນຂົງເຂດວຽກງານການເມືອງຕໍ່ພະນັກງານ-ຮັກຮົບໃນທົ່ວກົມກອງຕາມໜ້າທີ່ການເມືອງຂອງໂຮງຮຽນ ທີ່ກະຊວງປ້ອງກັນປະເທດມອບໝາຍໃຫ້ ເຊິ່ງໄດ້ພ້ອມກັບບັນດາສະຫາຍໃນຄະນະພັກ-ຄະນະບັນຊາແຕ່ລະຂັ້ນຈັດຕັ້ງເຄື່ອນໄຫວເປັນປົກກະຕິ ສອດຫ້ອຍເຂົ້າໃນທຸກຂົງເຂດວຽກງານ ເຮັດໃຫ້ກົມກອງມີຂະບວນການ ແລະ ບັນຍາກາດຟົດຟື້ນ-ຕໍ່ເນື່ອງ, ພະນັກງານ-ນັກຮົບມີທັດສະນະຫຼັກໝັ້ນ, ແນວຄິດການເມືອງໜັກແໜ້ນ ມີລະບຽບວິໄນເຂັ້ມງວດ ແລະ ເຮັດສຳເລັດໜ້າທີ່ການກໍ່ສ້າງຮຸ່ນສືບທອດຂອງກອງທັບໃຫ້ຮັບປະກັນໄດ້ທາງດ້ານປະລິມານ ແລະ ຄຸນນະພາບ. ພ້ອມນີ້, ສະຫາຍ ຍັງໄດ້ກ່າວມອບໜ້າທີ່ສຳຄັນອັນມີກຽດສະຫງ່ານີ້ ໃຫ້ ສະຫາຍ ພັນເອກ ສຳລີ ຈັນທະວົງ ເລຂາຄະນະພັກ ຫົວໜ້າການເມືອງໂຮງຮຽນຜູ້ໃໝ່, ສືບຕໍ່ນຳພາໂຮງຮຽນເຮັດໃຫ້ຂົງເຂດວຽກງານການເມືອງມີຄວາມໜັກແໜ້ນຂຶ້ນເລື້ອຍໆ. ໂດຍ: ສົມພົງ ແກ້ວປະເສີດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ