ວັນພະຫັດ, ວັນທີ 05 ທັນວາ 2024
ເປີດອົບຮົມ-ຫັດແອບ ວິຊາປ້ອງກັນຊາດ-ປ້ອງກັນຄວາມສະຫງົບ ໃຫ້ນັກສຶກສາວິທະຍາໄລຄູຫຼວງພະບາງ
ເວລາອອກຂ່າວ: 2024-05-27 08:46:40 | ຜູ້ຂຽນ : admin1 | ຈຳນວນຄົນເຂົ້າຊົມ: 446 | ຄວາມນິຍົມ: 
ວັນທີ 16 ພຶດສະພາ 2024 ນີ້, ຢູ່ສະໂມສອນ ວິທະຍາໄລຄູ ຫຼວງພະ ບາງ ໄດ້ເປີດຊຸດອົບ ຮົມ-ຫັດແອບ ວິຊາປ້ອງກັນຊາດ-ປ້ອງກັນຄວາມສະຫງົບ ໃຫ້ນັກສຶກສາ ສົກຮຽກ 2023-2024, ໂດຍການເປັນປະທານຮ່ວມ
ຂອງ ສະຫາຍ ພັນໂທ ຄຳຮ່ອນ ທອງແຊວກໍວິວັນ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງຫຼວງພະບາງ, ສະຫາຍ ພັນໂທ ບຸນສະຫວັດ ນິນທະຈັນ ຮອງຫົວໜ້າຫ້ອງການເມືອງ ກອງບັນຊາການ ປກສ ແຂວງ, ທ່ານ ຫຸມພັນ ຄອນສະຫວັດ ຜູ້ອຳນວຍການ ວິທະຍາໄລຄູຫຼວງພະບາງ, ມີ
ຜູ້ຕາງໜ້າພະແນກການທີ່ກ່ຽວຂ້ອງ, ພະນັກງານຄູ-ອາຈານ ແລະ ນັກສຶກສາເຂົ້າຮ່ວມ.
ສະຫາຍ ພັນໂທ ພອນສີ ໄຊຍະເພັງ ຫົວໜ້າພະແນກການທະຫານທ້ອງຖິ່ນ ຫ້ອງເສນາທິການ ກອງບັນຊາການທະຫານແຂວງຫຼວງພະບາງ ໄດ້ຜ່ານແຜນການອົບຮົມ-ຫັດແອບໃຫ້ຮູ້ວ່າ: ບັ້ນອົບຮົມຄັ້ງນີ້ ນັກສຶກສາ ຈະໄດ້ເຊື່ອມຊຶມເອກະສານແນວທາງປ້ອງກັນຄວາມສະຫງົບທົ່ວປວງຊົນຮອບດ້ານ, ພາລະບົດບາດ, ໜ້າທີ່ຂອງກຳລັງປ້ອງກັນຄວາມສະຫງົບປະຊາຊົນ, ການປ້ອງກັນສະກັດກັ້ນຢາເສບຕິດ, ການຕ້ານການຄ້າມະນຸດ, ຮຽນຮູ້ກ່ຽວກັບການກວດກາຄວາມປອດໄພ ແລະ ຕ້ານອັກຄີໄພ, ການປ້ອງກັນສະກັດກັ້ນ ແລະ ຕ້ານອັກຄີໄພ, ອົບຮົມເອກະສານຍຸດທະສາດການຫັນປ່ຽນໂດຍສັນຕິຂອງສັດຕູ ແລະ ກຸ່ມຄົນບໍ່ດີ, ກົດໝາຍວ່າດ້ວຍປ້ອງກັນຊາດ, ເສດຖະກິດປ້ອງກັນຊາດ-ປ້ອງກັນຄວາມສະຫງົບ, ຄວາມຮູ້ພື້ນຖານກ່ຽວກັບເຫຼົ່າຮົບ ໃນກອງທັບປະຊາຊົນລາວ, ລະບຽບຮູບແຖວ ບຸກຄົນມືເປົ່າ-ມີປືນປະຈຳທີ່-ເຄື່ອນທີ່, ລະບຽບຮູບແຖວຂັ້ນໝູ່-ຂັ້ນໝວດ, ຮຽນຮູ້ບັນດາທ່າ ແລະ ຈັງຫວະພື້ນຖານຂອງບຸກຄົນໃນເວລາສູ້ຮົບ, ບັນດາທ່າ ແລະ ຈັງຫວະຂອງບຸກຄົນອາໄສພູມີປະເທດ, ຄຸນຄ່າສະມັດຖະພາບການປະກອບສ້າງ ແລະ ວິທີມ້າງປະກອບປືນ AKM, CKC, ຄວາມຮູ້ພື້ນຖານກ່ຽວກັບໝາກແຕກ 2 ຊະນິດ, ຫຼັກການຍິງປືນ, ຮຽນຫຼັກການເລັ່ງຍິງ ບົດຍິງເປີດສາກ ແລະ ປະຕິບັດຍິງລູກປືນແທ້. ບັ້ນອົບຮົມ-ຫັດແອບ ຈະໄດ້ດຳເນີນໄປເປັນເວລາ 16 ວັນ.
ໂດຍ: ບຸນເພັງ ວົງແກ້ວມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
