ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ກອງ​ບັນຊາ​ການ​ທະຫານ​ແຂວງ​ຫົວພັນ ແລະ ກອງ​ບັນຊາ​ການ​ທະຫານ ແຂວງ​ແທັງ​ຮວ່າ ສືບຕໍ່ຮັດ​ແໜ້ນ​ການ​ພົວພັນ​ຮ່ວມ​ມື
ເວລາອອກຂ່າວ: 2024-05-27 08:40:26 | ຜູ້ຂຽນ : admin1 | ຈຳນວນຄົນເຂົ້າຊົມ: 138 | ຄວາມນິຍົມ:



ວັນ​ທີ 17 ພຶດສະພາ 2024 ນີ້, ກອງ​ບັນຊາ​ການ​ທະຫານ​ແຂວງ​ຫົວພັນ ແລະ ກອງ​ບັນຊາ​ການ​ທະຫານ​ແຂວງ​ແທັງ​ຮວ່າ ສສ ຫວຽດນາມ ໄດ້​ຈັດ​ ກອງ​ປະຊຸມ​ພົບ​ປະ​ແລກປ່ຽນ​ວຽກ​ງານ​ປ້ອງ​ກັນ​ຊາດ ປະຈຳ​ປີ 2024 ​ຢູ່​ທີ່ ຫ້ອງ​ປະຊຸມຫ້ອງການ ກອງ​ບັນຊາ​ການ​ທະຫານ​ແຂວງ​ແທັງ​ຮວ່າ, ຝ່າຍ​ລາວ​ ​ນຳ​ໂດຍ ສະຫາຍ ພັນ​ເອກ ພັນ​ສີ ຊ່ອນ​ມີ​ໄຊ ຫົວໜ້າ​ການເມືອງ ກອງ​ບັນຊາ​ການ​ທະຫານ​ ແຂວງ​ຫົວພັນ, ຝ່າຍ​ຫວຽດນາມ ນຳ​ໂດຍ ສະຫາຍ ພັນ​ເອກ ພິເສດເລ ວັນ​ຈຸງ ຫົວໜ້າ​ການເມືອງ​ ກອງ​ບັນຊາ​ການ​ທະຫານ ແຂວງແທັງ​ຮວ່າ ພ້ອມ​ດ້ວຍຄະນະ​ທັງ​ສອງ​ຝ່າຍ​ເຂົ້າ​ຮ່ວມ. ໃນ​ກອງ​ປະຊຸມ ​​ທັງ​ສອງ​ຝ່າຍ​ໄດ້​ພັດ​ປ່ຽນ​ກັນ​ລາຍ​ງານ​ສະພາບ​ການ​ຮອບດ້ານ ແລະ ຕີ​ລາຄາ​ຜົນ​ການ​ພົວພັນ​ຮ່ວມ​ມື​ໃນ​ໄລຍະ​ຜ່ານ​ມາ​ ເຫັນ​ວ່າ ສອງ ​ຝ່າຍ ໄດ້​ເອົາໃຈໃສ່​ເພີ່ມ​ທະວີ​ວຽກ​ງານ​ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດ ໃຫ້​ສອງ​ກຳລັງ​ປະກອບ​ອາ​ອຸດ, ປະຊາຊົນ​ບັນດາເຜົ່າທີ່ຢູ່​ລຽບ​ຕາມ​ຊາຍ​ແດນ ຮັກສາ​ໄດ້​ຄວາມ​ສະຫງົບ ຄວາມ​ເປັນ​ລະບຽບ​ຮຽບ​ຮ້ອຍ ແລະ ປະກອບສ່ວນເຂົ້າ​ໃນ​ພາລະກິດ​ປົກ​ປັກ​ຮັກສາ​ສ້າງສາ​ພັດທະນາ​ປະເທດ​ຊາດ, ທັງ​ສອງ​ຝ່າຍ​ໄດ້​ຊ່ວຍ ເຫຼືອ​ເຊິ່ງ​ກັນ ແລະ ກັນ​ເຊິ່ງ​ສະແດງ​ອອກ ກອງ​ບັນຊາ​ການ​ທະຫານ​ແຂວງ​ຫົວພັນ ໄດ້​ປະສານ​ສົບ​ທົບ​ກັບ​ອຳນາດ​ການ​ປົກຄອງ​ທ້ອງຖິ່ນ ຕອບ​ສະໜອງ​ຂໍ້​ມູນ​ກ່ຽວ​ກັບ​ອັດຖິ​​ທະຫານ​ອາສາ​ສະໝັກ ແລະ ຊ່ຽວຊານ​ຫວຽດນາມ ທີ່​ເສຍສະຫຼະ​ຊີວິດ​ຢູ່​ບົນ​ດິນແດນ​ແຂວງ​ຫົວພັນ ແລະ ​ໄດ້​ຍົກ​ສູງ​ຜົນງານ​ໃນ​ການ​ຊອກ​ຫາ​ຂຸດ​ຄົ້ນ, ທ້ອນໂຮມ​ອັດຖິ​ນັກຮົບ​ເສຍສະຫຼະ​ຊີວິດ​ດັ່ງກ່າວ ກັບ​ຄືນ ປະເທດ ສົກ​ປີ 2023-2024 ໄດ້ 16 ອັດຖິ, ກອງ​ບັນຊາ​ການ​ທະຫານ​ແຂວງ​ແທັງ​ຮວ່າ ໄດ້​ຊ່ວຍ​ເຝິກອົບຮົມ​ໃຫ້​ກອງ​ຫຼອນ​ໄດ້ 1 ຄັ້ງ ມີ​ຜູ້​ເຂົ້າ​ຮ່ວມ 80 ສະຫາຍ, ມອບ​ເຂົ້າສານ ຈຳນວນ 5 ໂຕນ, ແລະ ຕົ້ນໄມ້​ປະດັບ ຈຳນວນ 100 ຕົ້ນ, ລວມ​ມູນ​ຄ່າ​ການ​ຊ່ວຍ ເຫຼືອ​ທັງ​ໝົດ 617.000.000 ດົງ. ພ້ອມ​ນີ້, ກອງ​ປະຊຸມ ຍັງ​ຈະ​ໄດ້​ພ້ອມ​ກັນ​ປຶກສາ​ຫາລື ແລະ ສືບຕໍ່​ຮ່ວມ​ມື​ຮອບດ້ານ ຊ່ວຍເຫຼືອ​ເຊິ່ງ​ກັນ ແລະ ກັນ​ລະຫວ່າງ ສອງ​ຊາດ​ລາວ-ຫວຽດນາມ ເວົ້າ​ສະເພາະ ສອງ​ແຂວງ​ຫົວພັນ-ແທັງ​ຮວ່າ ໃຫ້​ນັບ​ມື້​ໝັ້ນຄົງ​ທະ​ນົງ​ແກ່ນ ແລະ ຍືນ​ຍົງ​ຕະຫຼອດ​ໄປ. ໂອກາດ​ດຽວ​ກັນ​ນີ້, ທັງ​ສອງ​ຝ່າຍ ຍັງ​ໄດ້​ລົງ​ນາມ​​ບົດ​ບັນທຶກ​ຊ່ວຍ​ຈຳ​ການ​ຮ່ວມ​ມື ແລະ ຜັດ​ປ່ຽນ​ກັນ​ເປັນ​ເຈົ້າພາບ ຈັດ​ກອງ​ປະຊຸມ​ພົບ​ປະ​ແລກປ່ຽນ​ປະຈຳ​ປີ ພ້ອມ​ນີ້​, ກອງ​ບັນຊາ​ການ​ທະຫານ​ແຂວງ​ຫົວພັນ​ຍັງ​ໄດ້​ມອບ​ໃບ​ຍ້ອງຍໍ​ໃຫ້​ແກ່ບຸກຄົນ ແລະ ລວມ​ໝູ່​ທີ່​ມີ​ຜົນງານ​ດີເດັ່ນ​ເຂົ້າ​ໃນ​ການ​ຊອກ​ຫາ​ຂຸດ​ຄົ້ນ​ອັດຖິ ປະຈຳ ປີ 2023-2024 ນຳ​ອີກ. ຈາກນັ້ນ, ຄະນະ​ກອງ​ບັນຊາ​ການ​ທະຫານແຂວງ​ຫົວພັນ ຍັງ​ໄດ້​ໄປ​ພົບ​ປະ​ຢ້ຽມຢາມ ກອງ​ບັນຊາ​ການ​ທະຫານ​ຊາຍ​ແດນ ແລະ ຫ້ອງການ​ສະຫະພັນ​ນັກຮົບ​ເກົ່າ ຂອງ​ແຂວງ​ແທັງ​ຮວ່າ​ ນຳ​ອີກ. ໂດຍ: ນາງ ຄຳ​ມະນີ ແສງ​ມະນີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ