ວັນພຸດ, ວັນທີ 15 ມັງກອນ 2025
ຮັກສາການຫົວໜ້າກົມທະຫານຊາຍແດນ ຕ້ອນຮັບຄະນະກອງກຳລັງສຸຣະສັກມົນຕີ ແຫ່ງຣາຊະອານາຈັກໄທ
ເວລາອອກຂ່າວ: 2024-05-21 09:00:25 | ຜູ້ຂຽນ : admin1 | ຈຳນວນຄົນເຂົ້າຊົມ: 375 | ຄວາມນິຍົມ: 
ໃນວັນທີ 17 ພຶດສະພາ 2024 ນີ້, ຢູ່ທີ່ກະຊວງປ້ອງກັນປະເທດແຫ່ງ ສປປ ລາວ, ທ່ານ ພັນເອກ ອຸ່ນຄຳ ສີແຫວນວົງສັກ ຮັກສາການຫົວໜ້າກົມທະຫານຊາຍແດນ ກົມໃຫຍ່ເສນາທິການ ກະຊວງປ້ອງກັນປະເທດແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ພັນເອກ ປຣາໂມດ ນຽມສຳເພົາ ເສນາທິການ ກອງກຳລັງສຸຣະສັກມົນຕີ ແຫ່ງຣາຊະອານາຈັກໄທ ພ້ອມດ້ວຍຄະນະ.
ໂອກາດນີ້, ທ່ານ ພັນເອກ ອຸ່ນຄຳ ສີແຫວນວົງສັກ ໄດ້ສະແດງຄວາມຍິນດີຕ້ອນຮັບດ້ວຍໄມຕີຈິດມິດຕະພາບທີ່ອົບອຸ່ນ ແລະ ຍົກໃຫ້ເຫັນເຖິງໝາກຜົນຂອງການຮ່ວມມືລະຫວ່າງສອງປະເທດ ເວົ້າລວມ, ເວົ້າສະເພາະແມ່ນກະຊວງປ້ອງກັນປະເທດ ລາວ ແລະ ໄທ ກໍຄືການພົວພັນທີ່ສະໜິດແໜ້ນລະຫວ່າງສອງກອງທັບລາວ-ໄທ ໃນໄລຍະຜ່ານມາ, ພ້ອມທັງຕີລາຄາສູງຕໍ່ການມາຢ້ຽມ
ຢາມ ໃນຄັ້ງນີ້ ເຊິ່ງເປັນການປະກອບສ່ວນຮັດແໜ້ນສາຍພົວພັນລະຫວ່າງ ລາວ-ໄທ ຖານບ້ານໃກ້ເຮືອນຄຽງ ໃຫ້ນັບມື້ນັບມີບາດກ້າວຂະຫຍາຍຕົວຮ່ວມກັນຢ່າງໃກ້ຊິດ. ພ້ອມທັງກ່າວຄຳອວຍພອນໃຫ້ຄະນະກອງກຳລັງສຸຣະສັກມົນຕີ ພ້ອມດ້ວຍຄະນະ ຈົ່ງປະສົບຜົນສຳເລັດໃນໜ້າທີ່ວຽກງານອັນສະຫງ່າງາມຂອງບັນດາທ່ານ.
ໂອກາດນີ້, ທ່ານ ພັນເອກ ປຣາໂມດ ນຽມສຳເພົາ ໄດ້ສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນທີ່ສະໜິດສະໜົມ ພ້ອມດຽວກັນນີ້, ຍັງໄດ້ລາຍງານການພົວພັນຮ່ວມມືຂອງສອງກອງທັບ ລາວ-ໄທ ໂດຍສະເພາະແມ່ນການພົວພັນຮ່ວມມືກັນລະຫວ່າງສອງກຳລັງທີ່ປະຕິບັດໜ້າທີ່ຢູ່ຊາຍແດນ ລາວ-ໄທ ໃຫ້ທ່ານຮັກສາການຫົວໜ້າກົມທະຫານຊາຍແດນ ຮັບຊາບ ພ້ອມທັງທົບທວນຄືນເຖິງ ໝາກຜົນຂອງການພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນໃນໄລຍະຜ່ານມາ ແລະ ວາງທິດທາງແຜນການຮ່ວມ ມືກັນໃນຕໍ່ໜ້າ, ເຊິ່ງເຫັນວ່າສາຍພົວ
ພັນການຮ່ວມມືລະຫວ່າງສອງຊາດ, ສອງກອງທັບ ລາວ-ໄທ ໄທ-ລາວ ລ້ວນແຕ່ໄດ້ຮັບການເສີມຂະຫຍາຍກ້າວຂຶ້ນຢ່າງບໍ່ຢຸດຢັ້ງ.
ໂດຍ: ສົມຄິດ ພູມມີຈິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
