ວັນພຸດ, ວັນທີ 15 ມັງກອນ 2025
ກອງພັນໃຫຍ່ 643 ຈັດກິດຈະກຳແຂ່ງຂັນກິລາມວນຊົນ
ເວລາອອກຂ່າວ: 2024-05-21 08:56:05 | ຜູ້ຂຽນ : admin1 | ຈຳນວນຄົນເຂົ້າຊົມ: 356 | ຄວາມນິຍົມ: 
ໃນຕົ້ນເດືອນພຶດສະພາ 2024 ນີ້, ກອງພັນໃຫຍ່ 643 ໄດ້ຈັດກິດຈະກຳແຂ່ງຂັນກິລາມວນຊົນ ເພື່ອຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ VII ຂອງອົງຄະນະພັກກອງພັນໃຫຍ່ 643, ໂດຍການປັນປະທານ ຂອງສະຫາຍ ພັນໂທ ບຸນມີ ດວງມະນີຈັນ ຫົວໜ້າການເມືອງ ກອງພັນໃຫຍ່ 643, ມີຄະນະພັກ-ຄະນະບັນຊາ, ມີຫົວໜ້າອະນຸກຳມະການຂະບວນການ, ກຳມະການຕະຫຼອດຮອດນັກກິລາແຕ່ລະພາກສ່ວນທົ່ວກອງພັນໃຫຍ່ເຂົ້າຮ່ວມ.
ສະຫາຍ ພັນໂທ ບຸນມີ ດວງມະນີຈັນ ເລຂາຄະນະພັກ, ຫົວໜ້າການເມືອງ ກອງພັນໃຫຍ່ 643 ໄດ້ກ່າວເປີດພິທີແຂ່ງຂັນກິລາຂຶ້ນຢ່າງທາງການ ທັງນີ້, ເພື່ອເປັນສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ VII ຂອງອົງຄະນະພັກກອງພັນໃຫຍ່ປ້ອງກັນອາກາດ 643 ທີ່ຈະເປີດຂຶ້ນນີ້ໃຫ້ເຕັມໄປດ້ວຍຄວາມໝາຍຄວາມສຳຄັນ, ມີບັນຍາກາດອັນຟົດຟື້ນເບີກບານມ່ວນຊື່ນ ພ້ອມທັງເປັນການພົບປະຮັດແໜ້ນຄວາມສາມັກຄີລະຫວ່າງອົງການ, ກົມກອງ, ພະແນກການ, ຄະນະພັກ-ຄະນະບັນຊາ ແລະພະນັກງານ-ນັກຮົບໃຫ້ແໜ້ນແຟ້ນຍິ່ງຂຶ້ນ, ເຊິ່ງກິລາທ່ີນຳມາແຂ່ງຂັນຄັ້ງນີ້ມີ: ບານສົ່ງອາວຸດໂສເຂົ້າຮ່ວມ 8 ທີມ, ບານສົ່ງຊາຍ 8 ທີມ ແລະ ກິລາເປຕັງການນຳ ມີ 10 ທີມ. ຜ່ານການແຂ່ງຈັນຕົວຈິງ ບານສົ່ງອາວຸດໂສ ທີ I ພະແນກພະລາທິການ, ທີ II ກອງພັນ 977 ແລະ ທີ III ພະແນກເສນາທິການ, ບານສົ່ງຊາຍທີ I ກອງພັນ 977, ທີ II ກອງຮ້ອຍ 159 ແລະ ທີ III ກອງຮ້ອຍ 207 ແລະ ເປຕັງການນຳ ທີ I ກອງພັນ 975, ທີ II ພະແນກບໍລິຫານ ແລະ ທີ III ພະແນກພະລາທິການ. ໃນພິທີໄດ້ມອບຂອງຂວັນລາງວັນໃຫ້ແຕ່ລະພາກສ່ວນຢ່າງສົມກຽດ.
ໂດຍ: ຄຳໝັ້ນ ຄົງວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
