ວັນອັງຄານ, ວັນທີ 20 ພຶດສະພາ 2025
ປິດບັ້ນເຝິກອົບຮົມວຽກງານວິຊາສະເພາະ ໃຫ້ພະນັກງານຫໍສະໝຸດ ກົມກອງເທສະບານແຂວງຊຽງຂວາງ
ເວລາອອກຂ່າວ: 2024-05-21 08:52:59 | ຜູ້ຂຽນ : admin1 | ຈຳນວນຄົນເຂົ້າຊົມ: 490 | ຄວາມນິຍົມ: 
ພິທີປິດບັ້ນເຝິກອົບຮົມວຽກງານວິຊາສະເພາະໃຫ້ພະນັກງານຫໍສະໝຸດ ກົມກອງເທສະບານແຂວງຊຽງຂວາງ ທີ່ກອງບັນຊາການທະຫານແຂວງຊຽງຊວາງເປັນເຈົ້າພາບ ພາຍຫຼັງທີ່ໄດ້ດຳ ເນີນການເຝິກອົບຮົມມາເປັນເວລາ 5 ວັນ ໄດ້ຈັດຂຶ້ນໃນວັນທີ 17 ພຶດສະພາ 2024, ໂດຍມີ ສະຫາຍ ພັນເອກ ວົງສອນ ຢ່າຈົງຕົວຮອງຫົວໜ້າການເມືອງ ກອງບັນຊາການທະຫານແຂວງຊຽງຂວາງ, ສະຫາຍ ພັນໂທ ນາງ ຄູນທອງ ທຳມະວົງ ຮອງຫົວໜ້າອຳນວຍການ ຫໍສະໝຸດກອງທັບປະຊາຊົນລາວ, ຄະນະພັກ-ຄະນະບັນຊາ ກົມກອງ, ພະນັກງານວິ
ຊາການ, ຄູ-ອາຈານ ແລະ ນັກເຝິກອົບຮົມ ເຂົ້າຮ່ວມ.
ສະຫາຍ ພັນໂທ ສະຫວຽງ ຈັນທະວົງ ຫົວໜ້າພະແນກສື່ສານບັນນານຸກົມ ຫໍສະໝຸດກອງທັບ ໄດ້ຜ່ານບົດສະຫຼຸບບັ້ນອົບຮົມວິຊາສະເພາະ ໃຫ້ພະນັກງານຫໍສະໝຸດໃນກຳລັງຫຼວງ ແລະ ກຳລັງທ້ອງຖິ່ນ ທີ່ມາຈາກ 4 ພາກສ່ວນຄື: ກອງບັນຊາການທະຫານແຂວງຊຽງຂວາງ, ກອງພັນໃຫຍ່ 702, ກອງພັນໃຫຍ່ 643 ແລະ ໂຮງໝໍບໍລິເວນ 101 ມີຜູ້ເຂົ້າຮ່ວມທັງໝົດ 8 ສະຫາຍ, ເອກະສານທີ່ນຳມາເຝິກອົບຮົມປະກອບມີຄວາມຮູ້ເບື້ອງຕົ້ນກ່ຽວກັບຫໍສະໝຸດ, ການຈັດຫາຊັບພະຍາກອນສາລະສົນເທດ, ການວິເຄາະໝວດໝູ່ປຶ້ມ, ການກຳນົດຫົວ
ເລື່ອງປຶ້ມ, ວຽກງານບໍລິການຜູ້ອ່ານ ແລະ ໂຄສະນາແນະນຳປື້ມ. ທັງນີ້, ເພື່ອເຮັດໃຫ້ພະນັກງານທີ່ຮັບຜິດຊອບວຽກງານຫໍສະໝຸດຢູ່ບັນດາກົມກອງມີຄວາມຮູ້ພື້ນຖານກ່ຽວກັບວຽກງານວິຊາສະເພາະດັ່ງກ່າວຫຼາຍຂຶ້ນ ເຮັດໃຫ້ການເຄື່ອນໄຫວວຽກງານຫ້ອງສະໝຸດ-ຫ້ອງອ່ານຢູ່ກົມກອງມີຄວາມເຕີບໃຫຍ່ເຂັ້ມແຂງ ໄປຄຽງຄູ່ກັບບັນດາວຽກງານດ້ານຕ່າງໆ ໂດຍສະເພາະຂະບວນການສ້າງກົມກອງ-ນັກຮົບວັດທະນະທຳ.
ໃນໂອກາດດຽວກັນນີ້, ສະຫາຍ ພັນໂທ ນາງ ຄູນທອງ ທຳມະວົງ ກໍໄດ້ມອບປຶ້ມຈຳນວນໜຶ່ງໃຫ້ບັນດາກົມກອງເພື່ອນຳໄປປະກອບເຂົ້າຫ້ອງສະໝຸດ-ຫ້ອງອ່ານຂອງ ບັນດາກົມກອງ ຕື່ມອີກ.
ໂດຍ: ວັດທະນາ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
