ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ກອງ​ບັນຊາ​ການ​ທະຫານ​ເມືອງ​ຜົ້ງ​ສາລີ ເປີດ​ຊຸດ​ອົບຮົມ-ຫັດ​ແອບ ໄຕ​ມາດ I ປະຈຳ​ປີ 2024
ເວລາອອກຂ່າວ: 2024-05-21 08:51:44 | ຜູ້ຂຽນ : admin1 | ຈຳນວນຄົນເຂົ້າຊົມ: 127 | ຄວາມນິຍົມ:



ໃນ​ວັນ​ທີ 16 ພຶດສະພາ 2024, ກອງ​ບັນຊາ​ການ​ທະຫານ​ເມືອງ​ຜົ້ງ​ສາລີ ແຂວງ​ຜົ້ງ​ສາລີ ໄດ້​ເປີດ​ຊຸດ​ອົບຮົມ-ຫັດ​ແອບ ການເມືອງ, ການ​ທະຫານ ແລະ ພະລາທິການ-ເຕັກນິກ ປະຈໍາໄຕ​ມາດ I ​ປີ 2024, ໂດຍ​ການ​ເປັນ​ປະທານ ​ຂອງສະຫາຍ ​ປອ ວັນ​ໄຊ ແສນ​ຍອດ ເຈົ້າເມືອງ ເມືອງ​ຜົ້ງ​ສາລີ, ມີ​ສະຫາຍ ພັນ​ໂທ ຄຳ​ດາ ມາລາ​ແສງ ຫົວໜ້າ​ການເມືອງ ກອງ​ບັນຊາ​ການ​ທະຫານ​ເມືອງ​ຜົ້ງ​ສາລີ, ຄະນະ​ພັກ-ຄະນະ​ບັນຊາ ກົມ​ກອງ, ຄູ-ອາຈານ ແລະ ພະນັກງານ-ນັກຮົບ ເຂົ້າ​ຮ່ວມ. ສະຫາຍ ຮ້ອຍ​ເອກ ສົມ​ແພງ ໄຊ​ຍະ​ເສົາ ຮອງ​ຫົວໜ້າ​ພະ​ແນກ​ເສນາ​ທິ​ການ ກອງ​ບັນຊາ​ການ​ທະຫານ​ເມືອງ​ຜົ້ງ​ສາລີ ໄດ້​ຜ່ານ​ແຜນການ​ອົບຮົມ-ຫັດ​ແອບ ປະ ກອບ​ມີ ພາກ​ການເມືອງ 8 ວັນ, ພາກ​ລະບຽບ 20 ວັນ, ພາກ​ກິລາ​ການ​ທະຫານ 12 ວັນ, ພາກ​ສິລະ​ປະຍຸດ 20 ວັນ, ພາກ​ຍຸດທະວິທີ 19 ວັນ, ພາກ​ພະລາທິການ 5 ວັນ ແລະ ພາກ​ເຕັກນິກ 5 ວັນ. ທັງ​ນີ້, ເພື່ອ​ແນໃສ່​ເຮັດ​ໃຫ້​ພະນັກງານ-ນັກຮົບ​ມີ​ຄວາມ​ຄ່ອງ​ແຄ່ວ​ຊຳນິ​ຊຳນານ, ມີ​ລະບຽບ​ວິ​ໄນ​ທີ່​ເຂັ້ມ​ງວດ ເພື່ອ​ນຳໄປ​ຈັດ​ຕັ້ງ​ປະຕິບັດ​ໃນ​ໜ້າທີ່​ໃຫ້​ມີ​ຜົນສຳເລັດ​ໃນ​ແຕ່​ລະ​ໄລຍະ ກຳນົດ​ເວລາ 180 ຈຶ່ງ​ຈະ​ສຳເລັດ. ໃນ​ໂອກາດ​ດຽວ​ກັນ​ນີ້, ບັນດາ​ພະແນກການ ຍັງ​ໄດ້​ຜ່ານ​ຂໍ້​ແຂ່ງຂັນ ພ້ອມ​ທັງ, ຈັບ​ມື​ແຂ່ງຂັນ​ກັນໃນ​ການ​ອົບຮົມ-ຫັດ​ແອບ​ຮຽນ​ດີ, ຮຽນ​ເກັ່ງ ເພື່ອ​ຍາດ​ເອົາ​ຜົນງານ​ດີເດັ່ນ​ໃນ​ບັ້ນ​ອົບຮົມ-ຫັດ​ແອບ​ຄັ້ງ​ນີ້ ໃຫ້​ມີ​ຂະ​ບວນ​ການ​ຟົດຟື້ນ. ສະຫາຍ ​ປອ ວັນ​ໄຊ ແສນ​ຍອດ ໄດ້​ເນັ້ນ​ໜັກ​ໃຫ້​ຄະນະ-ພັກ​ຄະນະ​ ບັນຊາ, ຄູ-ອາຈານ ແລະ ພະນັກງານ-ນັກຮົບ​ ເອົາໃຈໃສ່​ໃນ​ການ​ອົບຮົມ-ຫັດ​ແອບ ໃຫ້​ກຳ​ໄດ້​ເນື້ອ​ໃນ​ດ້ານ​ພາກ​ທິດ​ສະ​ດີ-ພຶດຕິ​ກຳ​ຕົວ​ຈິງ, ຮ່ຳຮຽນ​ເອົາ​ທາດ​ແທ້​ມູນເຊື້ອ​ຂອງ​ກອງທັບ, ກຳ​ແໜ້ນ​ຂໍ້​ກຳນົດ, ກົດ​ລະບຽບ​ ຂອງ​ກອງທັບ, ຂອງ​ກົມ​ກອງ​ວາງ​ອອກ​ໃຫ້​ເຂັ້ມ​ງວດ, ມີ​ຄວາມ​ສາມັກຄີ​ຊ່ວຍເຫຼືອ​ແລກປ່ຽນ​ບົດຮຽນ​ເຊິ່ງ​ກັນ ແລະ ກັນ, ສຶກ​ສາ​ອົບຮົມ​ການເມືອງ-ແນວ​ຄິດ​ໃຫ້​ພະນັກງານ-ນັກຮົບ​ເຂົ້າໃຈ​ແຈ້ງ​ຕໍ່​ແນວທາງ​ນະໂຍບາຍ​ຂອງ​ພັກ, ກົດໝາຍ​ຂອງ​ລັດ, ມີ​ຄວາມ​ຮັບຜິດຊອບ​ຕໍ່ ໜ້າ​ທີ່​ ທີ່​ໄດ້​ຮັບ​ການ​ມອບ​ໝາຍ, ໂດຍ​ປິ່ນ​ອ້ອມ 4 ໜ້າທີ່​ໃຫຍ່ 26 ແຜນ​ງານທີ່ຄະນະພັກ​ກະຊວງ​ປ້ອງ​ກັນ​ປະເທດ​ວາງ​ອອກ, ມີ​ສະຕິ​ສູງ​ໃນ​ການ​ກຽມພ້ອມ​ສູ້​ຮົບ, ພ້ອມ​ກັນ​ປົກ​ປັກ​ຮັກສາ​ອາຄານ​ສະຖານທີ່​ຄ້າຍ​ຄູ ແລະ ພາຫະນະ​ເຕັກນິກ​ຕ່າງໆ ທີ່​ຂັ້ນ​ເທິງ​ປະກອບ​ໃຫ້​ນຳ​ໃຊ້​ໄດ້​ຍາວ​ນານ. ໂດຍ: ທອງ​ສຸກ ຈັນ​ຖະໜອມ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ