POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 15 ມັງກອນ 2025

ກົມອຸດສາຫະກຳປ້ອງກັນຊາດ ກົມໃຫຍ່ເຕັກນິກກອງທັບ ເຜີຍແຜ່ເອກະສານນິຕິກຳຕ່າງໆ ກ່ຽວກັບການຄຸ້ມຄອງນຳໃຊ້ ວັດຖຸທາດບະເບີດອຸດສາຫະກຳ
ເວລາອອກຂ່າວ: 2024-05-20 12:27:29 | ຜູ້ຂຽນ : admin2 | ຈຳນວນຄົນເຂົ້າຊົມ: 1788 | ຄວາມນິຍົມ:

ໃນວັນທີ16 ພຶດສະພາ 2024 ນີ້, ກົມອຸດສາຫະກໍາປ້ອງກັນຊາດ ກົມໃຫຍ່ເຕັກນິກກອງທັບ ເຜີຍແຜ່ເອກະສານນິຕິກຳຕ່າງໆກ່ຽວກັບການຄຸ້ມຄອງນຳໃຊ້ວັດຖຸທາດລະເບີດອຸດສາຫະກຳ ໂດຍການເປັນປະທານຂອງ ສະຫາຍ ພົນຈັດຕະວາ ທອງພັນ ສຸທຳມະວົງ ຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເຕັກນິກກອງທັບ ຜູ້ຊີ້ນໍາວຽກງານອຸດສາຫະກໍາປ້ອງກັນຊາດ, ມີຄະນະກົມ, ຄະນະຫ້ອງ, ຫົວໜ້າບໍລິສັດ, ຕາງໜ້າບໍລິສັດຕ່າງໆພ້ອມດ້ວຍວິຊາການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ສະຫາຍ ພົນຈັດຕະວາ ທອງພັນ ສຸທຳມະວົງ ກ່າວຈຸດປະສົງຂອງການເຜີຍແຜ່ ນິຕິກຳກ່ຽວກັບການຄຸ້ມຄອງນຳໃຊ້ທາດລະເບີດອຸດສາຫະກຳໃນຄັ້ງນີ້ກໍເພື່ອ ກໍານົດຫຼັກການ, ລະບຽບການ, ມາດຕະການ ແລະ ຂັ້ນຕອນຕ່າງໆ ກ່ຽວກັບການຄຸ້ມຄອງວັດຖຸທາດລະເບີດ ແລະ ດອກໄມ້ໄຟເຊັ່ນ: ການສ້າງຕັ້ງໂຮງງານ, ການຜະລິດ, ການປົກປັກຮັກສາ, ການນຳໃຊ້, ການຈຳໜ່າຍ, ການຈັດຊື້, ການຂົນສົ່ງເຄື່ອນຍ້າຍ, ການນຳເຂົ້າ-ສົ່ງອອກ, ການຂົນສົ່ງຜ່ານ ສປປ ລາວ ແລະ ການທຳລາຍວັດຖຸທາດລະເບີດອຸດສາຫະກຳ ທີ່ເຊື່ອມຄຸນນະພາບ, ເພື່ອຮັບປະກັນຄວາມປອດໄພໃຫ້ໃຊ້ຊີວິດ, ຊັບສິນຂອງພົນລະເມືອງ ແລະ ຄວາມໝັ້ນຄົນຂອງຊາດ ຈາກນັ້ນ ສະຫາຍ ພັນເອກ ສີແພງ ອອນປະເສີດ ຮອງຫົວໜ້າຫ້ອງການ ກົມໃຫຍ່ເສນາທິການກອງທັບ ແລະ ສະຫາຍ ພັນເອກ ວິໄລຄໍາ ຫຼວງຊົມພູ ຄະນະພັກກົມໃຫຍ່ ຮອງຫົວໜ້າກົມອຸດສາຫະກຳປ້ອງກັນຊາດ ກົມໃຫຍ່ເຕັກນິກກອງທັບກໍໄດ້ພັດປ່ຽນກັນຂຶ້ນເຜີຍແຜ່ບັນດາເອກະສານນິຕິກຳກ່ຽວກັບການນຳໃຊ້ວັດຖຸທາດລະເບີດອຸດສາຫະກຳຢູ່ ສປປລ ລາວ ແລະ ບັນດາຫົວໜ່ວຍທຸລະກິດຕ່າງໆກໍໄດ້ພັດປ່ຽນກັນຊັກຖາມຂໍ້ຂ້ອງໃຈກ່ຽວກັບຂັ້ນຕອນການປະກອບເອກະສານຂໍອະນຸຍາດນຳໃຊ້ ແລະ ຂົນສົ່ງເຄື່ອນຍ້າຍວັດຖຸທາດລະເບີດອຸດສາຫະກຳ ຢູ່ ສປປ ລາວ ຢ່າງກົງໄປກົງມາ. ໂອກາດດັ່ງກ່າວນີ້, ສະຫາຍ ພົນຈັດຕະວາ ທອງພັນ ສຸທໍາມະວົງ ຮອງຫົວໜ້າກົມໃຫຍ່ເຕັກນິກກອງທັບ ຜູ້ຊີ້ນໍາວຽກງານອຸດສາຫະກຳປ້ອງກັນຊາດກໍໄດ້ຕອບຄຳຖາມຂອງຜູ້ຊັກຖາມບັນຫາຕ່າງໆພ້ອມທັງຊີ້ແຈ້ງໃຫ້ບັນດາຫົວໜ່ວຍທຸລະກິດເຂົ້າໃຈທຸກບັນຫາເພື່ອສາມາດນໍາໄປຈັດຕັັ້ງເຄື່ອນໄຫວທຸລະກິດຕ່າງໆໃຫ້ສອດຄ່ອງກັບກົດໝາຍການຄຸ້ມຄອງນໍາໃຊ້ວັດຖຸທາດລະເບີດອຸດສາຫະກຳຢູ່ໃນ ສປປ ລາວ.

news to day and hot news