ກອງທັບປະຊາຊົນລາວ
 
ວັນຈັນ, ວັນທີ 27 ພຶດສະພາ 2024

  

ຄອບຄົວການນໍາກະຊວງປ້ອງກັນປະເທດ ມອບເຄື່ອງຊ່ວຍເຫຼືອໃຫ້ແກ່ພໍ່ແມ່ປະຊາຊົນ ແລະ ຫຼານນ້ອຍນັກຮຽນຢູ່ແຂວງໄຊສົມບູນ
ເວລາອອກຂ່າວ: 2024-05-15 14:36:42 | ຜູ້ຂຽນ : admin2 | ຈຳນວນຄົນເຂົ້າຊົມ: 238 | ຄວາມນິຍົມ:



ວັນທີ 14 ພຶດສະພາ 2024 ນີ້, ຄອບຄົວການນໍາກະຊວງປ້ອງກັນປະເທດ ພ້ອມດ້ວຍສະຫະພັນແມ່ຍິງກອງທັບ ແລະ ບັນດາຜູ້ສະໜັບສະໜູນ ໄດ້ລົງເຄືີ່ອນໄຫວມອບເຄື່ອງອຸປະໂພກ-ບໍລິໂພກໃຫ້ແກ່ພໍ່ແມ່ປະຊາຊົນ ແລະ ວັດຖຸອຸປະກອນທາງດ້ານການສຶກສາໃຫ້ແກ່ຫຼານນ້ອຍນັກຮຽນຢູ່ແຂວງໄຊສົມບູນ, ເຊິ່ງນໍາພາຄະນະໂດຍ ສະຫາຍ ພົນຕີ ຄຳເພັດ ສີຊານົນ ກໍາມະການຄະນະປະຈຳພັກກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ, ມີ ທ່ານ ປ້າຄໍາສອນ ຈັນຍາລາດ ພັນລະຍາຂອງ ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນ ລັດຖະມົນຕີກະຊວງປ້ອງກັນປະເທດ, ສະຫາຍ ນາງ ໄພວອນ ອິນທະບຸດ ຫົວໜ້າຫ້ອງການສະຫະພັນແມ່ຍິງກອງທັບ ພ້ອມດ້ວຍຄະນະ, ບັນດາຜູ້ສະໜັບສະໜູນ ແລະ ແຂກຖືກເຊີນເຂົ້າຮ່ວມ. ໂອກາດນີ້, ທ່ານ ສຸກສະຫວັດ ວົງພູມເຫຼັກ ຮອງເຈົ້າແຂວງໄຊ ສົມບູນ ໄດ້ຕາງໜ້າໃຫ້ຄະນະນໍາຂອງແຂວງ ກ່າວຄວາມຮູ້ສຶກ ພາກພູມໃຈເປັນຢ່າງຍິ່ງ ທີ່ໄດ້ຕ້ອນຮັບຄອບຄົວການນໍາຂັ້ນສູງພ້ອມດ້ວຍຄະນະທີ່ໄດ້ເດີນທາງມາເຄື່ອນໄຫວຢ້ຽມຢາມ ແລະ ມອບເຄື່ອງ ຊ່ວຍເຫຼືອໃຫ້ແກ່ຄອບຄົວພໍ່ແມ່ປະຊາຊົນຜູ້ທີ່ມີຄວາມຫຍຸ້ງຍາກດ້ານ ເສດຖະກິດ, ເຄື່ອງໃຊ້ໃນຊີວິດປະຈໍາວັນ ແລະ ວັດຖຸອຸປະກອນການຮຽນຂອງຫຼານນ້ອຍນັກຮຽນຢູ່ແຂວງໄຊສົມບູນ, ເຊິ່ງສະແດງໃຫ້ເຫັນເຖິງຄວາມເປັນຫ່ວງເປັນໄຍຕໍ່ອົງຄະນະພັກ, ອົງການປົກຄອງແຂວງ ແລະປະຊາຊົນບັນດາເຜົ່າ ແຂວງໄຊສົມບູນ, ໃນນາມຕາງໜ້າຄະນະນໍາແຂວງໄຊສົມບູນ ແລະ ຕາງໜ້າປະຊາຊົນບັນດາເຜົ່າຂໍສະແດງຄວາມຂອບໃຈ ແລະ ຮູ້ ບຸນຄຸນເປັນຢ່າງຍິ່ງ ຕໍ່ຄອບຄົວການນຳກະຊວງປ້ອງກັນປະເທດ, ສະຫະພັນແມ່ຍິງກອງທັບ ແລະ ຜູ້ທີ່ມີສ່ວນຮ່ວມໃນການຊ່ວຍເຫຼືອ, ສະໜັບສະໜູນ ໃນຄັ້ງນີ້ ແລະ ຂໍໃຫ້ຄຳໝັ້ນສັນຍາວ່າ ຈະສົມທົບຂະແໜງການກ່ຽວຂ້ອງຂອງແຂວງ, ບັນດາເມືອງ ຄົ້ນຄວ້າຄັດເລືອກ ຄອບຄົວປະຊາຊົນ, ໂຮງຮຽນເປົ້າໝາຍ ເພື່ອສືບຕໍ່ນໍາເອົາເຄື່ອງດັ່ງກ່າວໄປແຈກຢາຍໃຫ້ທົ່ວເຖິງ. ຈາກນັ້ນ, ຄອບຄົວການນຳກະຊວງປ້ອງກັນປະເທດ ພ້ອມດ້ວຍສະຫະພັນແມ່ຍິງກອງທັບ, ຜູ້ທີ່ສະໜັບສະໜູນ ແລະ ຄະນະຮັບຜິດຊອບ ກໍໄດ້ນໍາເອົາເຄື່ອງຈໍານວນໜື່ງໄປມອບໃຫ້ຫຼານນ້ອຍນັກຮຽນ, ປະຊາຊົນບ້ານທົ່ງຮັກ, ບ້ານນໍ້າຍອນ ແລະ ໂຮງຮຽນເຫຼົ່າຮົບພະລາທິການກອງທັບ ຢູ່ແຂວງໄຊສົມບູນ ອີກດ້ວຍ. ໂດຍ: ຄໍາປະສົງ ລາດຊະວົງ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ